روايه شظايا روح

النهايه

"‏أعدِّي لي الأرضَ كي أستريحَ فإني أحبّكِ حتى التعبْ."

- محمود درويش

٣٠ الخاتمه
شهقت وجد بفزع لحديثه
طالعته بنظره مرتعبه وهيا تشهق بشده وتتمسك بكفه بقوه :لا يا تيان بالله عليك انا مستحملش انك تبعد عني
تيان انت النفس الي انا بتنفسه
طالعها تيان بحزن : كفايه ياوجد انا وجودي جنبك هيأذيكي
وجد بنفي وبكاء :انا هتأذي بجد لو انت بعدت عني
ضمت يده بترجي
اوعي تسبني يا تيان ولله هموت من غيرك
ضمها تيان وهوا يبتسم من بين دموعه :انا اصلا مقدرش ابعد عنك
حاول أبعادها عن أحضانه حتي تسمح له الفرصه برؤيه وجهها
لاكن رفضت وجد الابتعاد عن أحضانه وتشبثت به بقوه
ربت تيان علي خصلات شعرها التي ظهرت حينما انزاح حجابها عن رأسها
ثم قبل رأسها بخفه
:اهدي ياحببتي ، انا معاكي مش هسيبك

في الخارج
كان القلق بادي علي وجه الجميع
نظر غيث ناحيت غزل
ليجدها تقف وتستند علي الحائط خلفها
اقترب منها وهوا يضع يده خلفها ليستمد منها بعض القوه
طالعته غزل ببسمه ذابله
وهيا تتوق خصره بيدها وتستند برأسها علي صدره  لتهمس بحنان
:متقلقش هتبقا بخير ، وربنا هيراضيهم
غيث بتنهيده :يارب
ثم أضاف بتأنيب
انتي حاسه ب اي تعب ، عارف اني مسألتش فيكي من الصبح
اسف ياحببتي
غزل ببسمه : ولا يهمك ياحبيبي كلنا تعبانين ومش مركزين
قاطعهم خروج تيان
ليتحدث لخالد :عمي ممكن تعمل إذن خروج لوجد
خالد بدهشه : تمام ،بس مش نسأل الدكتور الاول ليكون غلط
تيان بتنهيده :وجد مش راضيه تقعد ،احنا هنهتم بيها ف البيت
وتكون وسطنا احسن
خالد وهوا يتحرك : تمام 
ثم نظر لغيث :خد امك وحماتك وغزل وروحو وانا هجيب تيان ووجد معايه
غيث :تمام
تحركت صفاء بصعوبه بعدما أخبرها غيث بضروره ذهابها حتي تحضر بعض الطعام ل وجد
ذهبو جميعا تاركين تيان
الذي يجلس بجوار وجد وهيا تتمسك به بقوه
تيان وهوا يحتضنها : حببتي انا مش ههرب ولله
وجد بنفي ونبره توشك علي البكاء : لا انت ضحكت عليا وخلتني نمت ومشيت مش هصدقكك تاني
ابدا
تيان بتأنيب وحزن :اسف
قاطعهم دخول زياد و مجدي
طالعتهم وجد وتمسكت ب تيان بشده
مجدي : الحمدلله علي سلامتك ياوجد
وجد بوهن :الله يسلمك
مجدي : خالد قالي أنك مش حابه تقعدي ف المستشفي
وانا كنت جاي اطمن عليكي واخد تيان ب المره
شهقت وجد بفزع :تاخدوه ليه ،تيان مش هيبعد عني
تشبست به بقوه
نظر تيان ل خاله بمعني تركهم وحدهم
ليخرج مجدي وورائه زياد
تيان :هششش اهدي ياحببتي مفيش حاجه انا هروح معاه ساعه وهرجع
وجد ببكاء : لا ياتيان مش هسيبك تروح السجن
تيان بهدوء و هوا يشرح لها : ياحببتي ، انا هروح اقدم اقوالي علشان التهمه تسقط من عليا
وهاجي ف أقل من ساعه
وجد بنفي : مش هسيبك  لو علي جثتي ، هاجي معاك
تيان محاولا عدم الانفعال :ياحببتي مش هينفع وانتي ف حالتك دي
وجد : لا اتصرف مش انت بتقول هتدخل ساعه واحده القسم وتطلع
بابا هيروح بينا علي هناك وانزل انت وانا هفضل مستنياك ف العربيه بس لو اتأخرت دقيقه هنزلك