" احنا جايين وكلنا عشم في القرب منك " تحدث عباس وهو ينظر لرمضان بابتسامة
" خير يا استاذ عباس "
" احنا جايين نطلب ايد سمر بنتك لوحيد ابننا "
اختفت ابتسامة رمضان ونظر اليه " بس سمر لسة بتدرس وهتشوف مستقبلها البنت لسة صغيرة "
" تقصد انها خلصت دراستها خلاص..عموما وحيد مش هيقف قصاد احلامها ولا ايه يا وحيد؟ " تحدث عباس وهو ينظر لأبنه فابتسم وحيد ونظر لرمضان
" اكيد طبعا يا عمي..احلام سمر وطموحاتها هى احلامي وطموحاتي "
ابتسم رمضان " والله يا جماعة الي سمر تشوفه..هى ترجع بس من كليتها عشان بتجيب النتيجة وهعرف رأيها واقولكوا قرارها..واتمنى متاخدوش الموضوع بحساسية "
" لا حساسية ايه يا استاذ رمضان ده جواز وقسمة ونصيب مش لعب عيال..نستأذن احنا بقى "
تحدث عباس فصافحه رمضان
" نورتونا "
" مش عاجبني حوار انها تتجوز بسرعة ده يا رمضان "
" البنت لسة صغيرة انا عارف يا فتحية بس القرار قرارها احنا ننصحها وبس "
" بالظبط " تحدثت هى
كانت تترجل سمر وهى تدندن ونظر اليها وحيد وهو يهبط من منزلها وابتسم فنظرت اليه بتعجب ودلفت للداخل
" هو وحيد ابن عم عباس بيعمل ايه هنا يا بابا؟ "
ابتسم والدها " قوليلي عملتي ايه في نتيجتك؟ "
ابتسمت " الحمدلله جيد جدا "
" الف الف مبروك يا روح قلبي!! " تحدثت فتحية وزغرطت اما رمضان فعانق ابنته بقوة
" حبيبتي اجمل فنانة في الدنيا "
ابتسمت " حبيبي يا بابا..حبيبتي يا ماما..مقولتليش وحيد كان بيعمل ايه هنا؟ "
ابتسم " كان جاي يطلب ايدك "
" ايه!..يطلب ايدي انا! "
" ايوا..وانا قولتله اني هشوف قرارك وأعرفه..تحبي تعرفي رأينا؟ "
" اكيد طبعا يا بابا اتفضلوا "
" انا شايف يا حبيبتي انك تبصي لمستقبلك الأول وتحققي الي نفسك فيه وتفتحي المعرض بتاعك..الجواز مش هو الحاجة المهمة والضرورية في الحياة عشان تستعجلي عليها..الجواز بيجي بعد ما تحققي ذاتك وتحسي انك عايزة شخص تتونسي بيه "
ابتسمت وهى تنظر لوالدها
" بالظبط يا حبيبتي انا مع كلام رمضان "
" وده فعلا الي في بالي..بس وحيد شخص محترم اظن مفيش مشكلة اديله فرصة في فترة الخطوبة واتشرط براحتي "
" اعملي الي تحبيه يا حبيبتي فكري كويس وعرفيني قرارك وربنا يكتبلك كل الخير يارب " تحدث رمضان وقبل رأسها فابتسمت
أنت تقرأ
Mistake
Romanceيوما ما ، وراء الغيوم وكل أخطاء العالم ، سيكون هناك حب وتعاطف وعدالة ، وسوف نفهم جميعًا.
