عاد لمنزله ونظر لإصبعه الخالي من الدبلة وتنهد بعمق لأول مرة يشعر بتلك الحرية منذ زمن جلس امام والداه وتحدث
" انا وسارة سبنا بعض"
" ايه!..ليه؟! " تحدث والده بصدمة
" هى عملتلك حاجة يا ابني!..ليه كدة؟ "
" معملتش حاجة..احنا بس قررنا نختار نفسنا ونختار سعادتنا..مع احترامي ليكوا بس انا مش هعمل الي تحبوه تاني انا هعمل الي انا بس احبه دي حياتي انا وانا بس الي هعيشها " تحدث بهدوء وذهب لغرفته
ذهب وحيد لسعد وطرق باب منزله ففتح
" مين؟ " تحدث سعد بعدما فتح الباب ونظر لوحيد بتعجب
" انت سعد؟ "
" ايوا مين؟ "
" انا تبع مي "
" مي!..اتفضل "
دلف للداخل وجلس بابتسامة
" عايز اتكلم معاك "
" خير؟..تقرب ايه لمي؟ "
" خطيب صاحبتها..بص من غير لف ودوران وعلى بلاطة البنت دي عجباني "
" مش انت خاطب يا اخينا! "
" ايوا خاطب بس خطيبتي ناشفة مبحبهاش..كنت عايزها لغرض معين بس هى بنت ذكية وحذرة فا صرفت نظر عنها..انما مي عبيطة وعلى نياتها "
" مش هسألك غرض ايه عشان ميخصنيش..بس ايه غرضك من مي؟ "
ابتسم " مي عجبتني..بنت جميلة..عايزها متحتاجش غيري متلاقيش حد واقف جمبها غيري..ميكونش ليها غيري في الدنيا عايزها تعوزني وتجري ورايا وتترجاني اكون معاها "
ضحك سعد بقوة " انت معقد يا ابني ولا ايه؟..باينك اترفضت كتير..ليه بتعمل كل ده؟ "
ابتسم " ولا معقد ولا حاجة..انا بس مبحبش ابان الوحش..مش هينفع اكون مع صاحبة خطيبتي وابقى زبالة لا صاحبتها الي تبقى زبالة..بحب الحاجة الي انت عايزها هى الي تعوزني وتيجي لغاية عندي "
ضحك " لا رايق..ايه المطلوب مني؟ "
" المطلوب منك انك تشوه سمعتها في المكان مش عايز راجل غيري يبص في وشها عايز ابقى انا وبس الي في حياتها "
" مقابل؟ "
" مقابل ميت الف جنيه "
ضحك ونظر لهيئه المتواضعة " ميت الف جنيه!!..شكلك ميوحيش بكدة خالص "
ابتسم وحيد وامسك بدفتر شيكات " ياما تحت السواهي دواهي يا سعد "
نظرت سمر لهاتفها بعدما استمعت لرنينه بنغمة الرسائل مرارا وتكرارا فتحتها وجدتها بعض الصور المرسلة من حساب مجهول صور لمحادثات بين مي ووحيد
" وحيد هو انت بتحب سمر؟ "
" بحبها اه بس بتسألي ليه؟ "
" اصل يعني انتوا مش شبه بعض خالص "
أنت تقرأ
Mistake
Romanceيوما ما ، وراء الغيوم وكل أخطاء العالم ، سيكون هناك حب وتعاطف وعدالة ، وسوف نفهم جميعًا.
