" عايزة تعرفي مين الي كان بيبعتلك الهدايا والكروت؟ " تحدث وهو يضحك فنظرت اليه بصدمة
" اه انا..انتِ خليتيني اعمل حاجات ولا المراهقين يا مي..انا كنت بفضل ماشي وراكي ومراقبك زي المغلوب على امره حاولت ابطل بس معرفتش بقيتي ادمان..بقيت اتعصب لما مشوفكيش..اول ما امر بيوم مش كويس بسيب الي ورايا والي قدامي واجي اقف تحت البلكونة عندك على امل اني اشوفك ولما كنت بشوفك او بفتكر عيونك وضحكتك كانت همومي كلها بتروح "
ابتسمت وعانقته اكثر وقلبها ينبض بفرح
" انا بحبك "
" وانا كمان بحبك يا صالح "
ضحك " لا يا شيخة؟!..بتجامليني طيب شكرا "
" مش بجاملك انا بحبك فعلا..انت كنت واحشني اوي كان نفسي اشوفك تاني "
" لا لا لا النهاردة يوم سعدي!..تعرفي الكلمتين دول شالوا من عليا ايه؟..وعملوا في قلبي ايه دلوقتي؟!..انا دلوقتي اسعد انسان في الدنيا..تعرفي انا نفسي في ايه؟ "
ابتسمت " ايه؟ "
" نفسي تفضلي في حضني على طول عشان اشبع منك "
" صالح انت عسول "
" تتجوزيني؟ "
ابتسمت " موافقة "
" مش هتقوليلي بقى ايه الي عمل فيكي كدة؟ "
" كان فيه واحد اسمه سعد معجب بيا واعترفتله ان داوود ضحك عليا واستغلني..وهو هزقني وقال عليا رخيصة وبعد عني وبعدين جه النهاردة كان بيحاول معايا تاني وموافقتش فا فضحني في الحارة كلها وفضل يقول اني بتاعت رجالة وبجيبهم شقتي..وانا والله العظيم كا كدة والله والله " تحدثت بقهر وبكت بقوة فعانقها
" اهدي "
" والست صاحبة البيت طردتني وبقى شكلي وحش قدام الناس كلها "
" طز في الناس يا مي كلام الناس مش هينفعك او هيضرك كله كلام في الآخر.. والأهم من كل ده انه كلام باطل مش حقيقي يبقى متخليش حاجة تأثر على ثقتك في نفسك طلامة انتِ مغلطتيش "
" عندك حق..بس انا تعبت "
" وانا جمبك ومش هسيبك وهدعمك على طول..انا كنت سامعك وانتِ بتعيطي وبتدعي ربنا وبتقولي انك نفسك في حد يسمعك ويكون جمبك..انا هنا عشان اسمعك واكون جمبك "
" سمر صاحبتي عشرة عمري الوحيدة الي ليا في الدنيا قتلتني النهاردة يا صالح " وبدأت تقص عليه ما حدث
" كنت فين؟ " تحدثت سمر موجهة حديثها لوحيد
" كنت في الشغل "
ابتسمت " طب ممكن موبايلك عايزة اتصل بماما موبايلي فصل "
ابتسم " اتفضلي "
ذهبت بعيدا وبدأت تنظر في الرسائل لم تجد ولو رسالة واحدة بينه وبين مي..ولكنها وجدت برنامج غريب يدعى محادثة وهمية ففتحته ووجدته يصنع بعض المحادثات الوهمية ووجدت المحادثات الوهمية بينه وبين مي فوضعت يدها على فمها وبكت
أنت تقرأ
Mistake
Romanceيوما ما ، وراء الغيوم وكل أخطاء العالم ، سيكون هناك حب وتعاطف وعدالة ، وسوف نفهم جميعًا.
