" انت لازم تيجي بيت مي حالا " وجه وحيد حديثه لجمال الذي اجابه بقلق " فيه حاجة ولا ايه؟ "
" فيه مصيبة البت طلعت شمال"
" فيه ايه يا وحيد ما تحترم نفسك!! " تحدث بحدة
" انت هتعملي فيها تعرفها!..انت اصلا متعرفهاش!..تعالى عمارتها بسرعة البت اتجرست "
اغلق جمال الهاتف وذهب سريعا لهناك
عادت هى لمنزلها وجدت سعد امامها
" مي "
"نعم؟ "
حمحم " انا اسف "
" ابعد عن الباب " تحدثت باقتضاب
" كنت عايز اتكلم معاكي لو سمحتي "
" مفيش بينا كلام يا استاذ سعد لو سمحت حاسب!! "
" مي انا اسف..انا غلطت في حقك..انا مستعد ارتبط بيكي بس بشرط "
" يا راجل!..انت كمان هتشرط؟!..هو انا بشحت الجواز ولا ايه؟! "
تنهد " بشرط نقضي ليالي مع بعض كدة لغاية ما اعرف اتجوزك..ومتفهمينيش غلط "
شهقت وصفعته صفعة مدوية وامتلأت عيناها بالدموع فنظر اليها بحدة
" هتعمليلي فيها شريفة يا بت انتِ ولا ايه؟!..ما الدنيا كلها عارفة انك روحتيله الشقة!! " وبدأ يصرخ بصوت جهوري في ارجاء العمارة لينتقم منها ويجعل جميع السكان يسمعون حديثه
" يا حقير!..اسكت اسكت!! " تحدثت بانهيار اما هو فصرخ بأعلى ما عنده
" روحتيله الشقة يا محترمة!!..وعايزاني اتجوزك!! "
" اسكت اسكت!..ليه بتعمل كدة! "
" اشهدوا يا اهل الحارة!..اشهدي يا ست سعاد يا صاحبة العمارة! " التف الجميع من سكان العمارة حوله وبدأوا يستمعون
" البت دي شمال وبتاعت رجالة في البيت محدش يتخدع فيها..جابت واحد البيت ونامت معاه وبعدين عايزاني انا اتجوزها والبس فيها والي في بطنها!! " تحدث بصوت جهوري فصرخت
" الي في بطني!!..انا مش حامل يا حقير!..والله العظيم والله العظيم ما حصل! " نظرت للجميع بترجي وهى تبكي
" انا بردو قولت بت يتيمة تربية شوارع من غير لا اصل ولا فصل ولا اهل مينفعش تعيش لوحدها وتبوظ صورة العمارة..بس وافقت عشان صعبتي عليا..لمي هلاهيلك وغوري من هنا يا بت " تحدثت سعاد صاحبة العمارة اما مي فبكت
" يا ست سعاد والله العظيم انا مظلومة والله العظيم ما حصل "
" ششش اخرسي انا بسمع صوت ضحكتك المايعة كل يوم مع الرجالة " تحدثت فتاة جارتها تحب سعد ووقفت بجانبه اما جمال فصفعها صفعة مدوية
" يلا يا رخيصة..بتكدبي عليا وتقوليلي انك معندكيش علاقات قبلي وانتِ مقضياها!! " تحدث بصراخ وابعده سعد عنها " اهدى اهدى براحة "
أنت تقرأ
Mistake
Romanceيوما ما ، وراء الغيوم وكل أخطاء العالم ، سيكون هناك حب وتعاطف وعدالة ، وسوف نفهم جميعًا.
