" بتحبي خطيبك؟ " تحدث وليد فنظرت اليه سارة بابتسامة
" احنا قصتنا غريبة شوية "
" احكيلي..لو شايفاني انفع صديق مش مجرد دكتور"
ابتسمت " طبعا!..مفيش انا وهو ولاد عم كنا دايما خناق ومش طايقين بعض ولا اكننا أعداء بس اتخطبنا"
" واتخطبتوا ازاي بقى؟ "
ضحكت " اتغصبنا على بعض بسبب اهلنا " ثم تابعت
" بقالنا سنتين مخطوبين..اكتشفت فيه حاجات كتير مكنتش اعرفها عنه حبيته..اكتشفت انه حنين وطيب وراجل يعتمد عليه..وعقلنا وبطلنا خناق كتير..لسة بنتخانق اه بس مش زي زمان "
" طب وهو؟..بيحبك؟ "
حمحمت ونظرت للأرض وتحدثت بحزن
" مش عارفة..مظنش "
" طب ولو قولتلك ان فيه حد بيحبك وعايز يقدرك صح؟"
نظرت اليه بصدمة وفتحت فمها قليلا
" انا بحبك يا سارة "
" انا اسفة..انا مخطوبة يا دكتور "
" خطيبك مبيحبكيش يا سارة! "
" بس مش معنى كدة اني اخونه! "
" ومين قالك انه مش بيخونك؟! "
" عشان صالح مش كدة!..ولو هو خاين فا انا مش خاينة "
ابتسم ونظر لعيناها " تعرفي ان بالكلمتين دول خليتيني احبك اكتر؟ "
نظرت لعيناه التي ترمقها بتوتر " انا..انا لازم امشي "
كان يقف عند منزلها ينتظرلها لتأتي للشارع او على الأقل يراها من الشرفة كاليوم السابق وكما تمنى اجيبت امنيته بسرعة وهبطت على وسمر لأسفل وظل يتابعهما هو حتى وصلا لوجهتهما في النادي
ذهبت للمرحاض وتركتهما سويا فنظر اليها وحيد وابتسم
" ملحقناش نتعرف يوم الخطوبة "
ابتسمت " اه للأسف "
" كنا مشغولين بقى وكدة..بس قوليلي..انتِ وجمال بتحبوا بعض؟ "
ابتسمت " لا انا معرفهوش اصلا"
" نعم؟!..طب مش شايفة انك اتسرعتي شويتين تلاتة اما وافقتي..يعني متعرفوش بعض تعرفي منين انه شخص كويس ايه الي خلاكي توافقي عليه؟ "
" عشان..عشان شكله كان هيبقى وحش اوي لو انا رفضته قدامكوا كلكوا..وبعدين بصراحة شكله طيب وابن حلال وبيحبني ده كان محضر الخاتم!..واهم حاجة انه تنقية سمر وسمر مستحيل تجيبلي حد وحش "
" سمر هتشوفه كويس من وجهة نظرها هى ومن ناحية شخصيتها هى انما انتِ؟!..مينفعش حد يختارلك لازم تختاري لنفسك ومتتسرعيش دي سمر لغاية دلوقتي قلقانة اني اكون مصدر تهديد لمستقبلها المهني اتعلمي منها "
أنت تقرأ
Mistake
Romanceيوما ما ، وراء الغيوم وكل أخطاء العالم ، سيكون هناك حب وتعاطف وعدالة ، وسوف نفهم جميعًا.
