Gökotta
(png.) paggising nang maaga para lumabas at marinig ang mga huni ng ibon
Mark Yuan
oy matulog ka na.
Alas onse ng gabi nang mapangiti ako dahil nakakita ako ng notification na galing pala sa kanya.
Anna Marie
hindi lang ako makatulog.
Mark Yuan
bakit?
Bakit nga ba? Tayp ako nang tayp pero binubura ko rin. Hindi ko alam kung bakit nga ba ako hindi makatulog.
Mark Yuan
uy?
Anna Marie
sorry. ugali ko lang talaga mag-backspace pag ang ewan ng sagot ko.
Mark Yuan
e ano ba yung tinatayp mo?
Anna Marie
kung bakit di ako makatulog.
Mark Yuan
bakit nga ba?
Anna Marie
iyon nga yung dahilan kung bakit ako nagbabackspace haha.
Habang nag-uusap kami, may nakita akong status ni Belle na ang nakalagay: Ang gulo, okey? Doon ko inamin kay Yuan na nawiwirdohan ako sa mga inaakto ni Belle. Ang payo niya, pabayaan ko na lang muna.
Anna Marie
bakit ko papabayaan e kaibigan ko yon.
Mark Yuan
:)
kasi nakakatuwa ka.
ang selfless mo masyado.
minsan iniisip ko kung bakit ganon mo na lang hinayaan si crissander mapunta kay hannah. yung pinsan ko, nong iniwan, talagang umabot sa halos pagpapakamatay.
Anna Marie
hindi naman ako ganon.
Mark Yuan
marami siyang hinanakit. ikaw iba ka.
Anna Marie
ano ka ba? may hinanakit din ako. pero anong magagawa ko? at saka matagal na yon. iniisip ko na lang, mga bata pa kami.
BINABASA MO ANG
Gakuwesaribig (Book 1 of the Gaku Series) (Published)
General FictionSi Anna Marie at si Mark Yuan -- dalawang ordinaryong high school student na may karaniwang pangalan. Ang pagkakaibigan nila ay dahil sa pagkakaparehas ng kanilang mga hilig -- sa mga kanta, sa mga libro, sa mga pinakikisamahang mga tao . . . at sa...
