🍒🍒🍒🍒🍒🍒🍒
اردف نسر وعينة على نجمة " خير عمي ليش تصيح "
رد ابو ضرغام على نسر وتجاهل سؤاله
"هلا شيخنة شونك"
"بخير بشوفتك عمي، اليوم ما شفناك"
"اي والله بعد عمك جان عندي شغل هواي فما صار مجال امر للديوان، الحجي كاعد؟"
"اي كاعد كلهم موجودين جاي ينتظرك تفضل"
"زاد فضلك ابني يا الله بوية تعالوا"
...🍒...
تقدمت نجمة حتى تتبع ابوهة وخوانهة بس النسر جان الة رأي ثاني وكف بوجهة واردف
"ليش عمي جان يصيح عليج"
"انا وأبوي انت ما دخلك عسى ما يكتلني تمام، ثانيا هذا مو شغلك خليك ابعيد احسن"
عاينلهة بنظرة حادة والشرار يطاير من عيونة
"مو كأنوا لسانج طولان بنت عمي لو انا متوهم"
ابتسمت و السخرية واضحة بصوتهة
" انت كلتهة لسانج معناها ما الك دخل بي أن كان طويل لو قصير ألتهي بشغلك شيخ لا تدخل بشي ما يخصك "
تقدم خطوتين حست ب انفاسة الحارة وهي تظرب وجها واردف بصوت عميق أقرب للهمس
"منو كايلج السانج ما يخصني انتي كلج على بعضج تخصيني ومالتي، خلي كلامي ترجية زيني بيهة اذنج خاصة بعد اسبوع اداومين كلية، واذا الج نية تتمردين حسبي حساب راح تتحاسبين على كل اصغيرة وجبيرة والي راح يحاسبج هو النسر مو واحد ثاني"
... 🍒🍒🍒...
POV: نجمة
شفت الغرور من خلال ابتسامتة
و الانتصار والثقة بخطواتة
كلامة جان مثل السم ب النسبة الي
حاولت اسيطر على عصبيتي حتى لا اصيح
لأن انا بوضع ما يسمحلي اتجاوز عليَ
سمعت جدو يسألة علي جمعت افكاري ودخلت والثقة جانت عنوان خطواتي
"سلام عليكم"
سلمت وباوعت لواحد واحد بيهم
جانو عمامي ولد عمامي
اظاهر الموضوع جبير حتى مجمعين
ردو السلام وجدو سألني
"وعليكم السلام خير بوية تأخرتي برة"
باوعت النسر ورديت على جدو
"اعتذر جدو بس جان اكو جلب ينبح بوجهي خفت اتحرك ويهجم علي ف اضطريت انتظر على ما يروح
يا الله دخلت "
..........
الهدوء
عم المكان بعد ما حجت نجمة
الكل التفت على النسر
عرفوا هو المقصود بهذا الكلام
الجد التفت على احفادة الي بس اكتافهم تهتز
فهم جاي يضحكون بس بدون صوت نظرلهم بحدة حتى يسكتون
أنت تقرأ
النسر و المشاكسة
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
