🧡الجمعة 🧡
" طلبي هو ، حفيدك ادم يستلم قضية التحرش الي راح ارفعها ضد زوج أمي "
أنتبهوا على ادم من أستفسر عن الموضوع
" ليش تريد ترفع قضية؟ ، أو بالاحرى ليش قضية تحرش ؟! "
جاوبة أزاد باستغراب
لأن حد علمة همة يعرفون السبب
" ليش أختك ما گلتلكم!؟ "
" شنو تگللنة أختي ممكن تشرح الموضوع من البداية ، وليش ضحكت ماكوا شي يضحك بالموضوع؟ "
رد علي أياد و عدم الصبر بين بصوتة و أخر كلامة عگد حواجبة باستغراب و الكل چانوا يشاطروا الرأي من سمعوا ازاد يضحك
" ضحكت لأن عرفت ليش جدك أختار أختك بالذات حتى تحل الموضوع ، السالفة و ما بيها أختي شردت من بيت ذاك الحيوان لأن چان يتحرش بيها من چان عمرها ١٤ سنة "
الكل انتبه على وجه ازاد من ذكر موضوع أختة شون تغير و عيونة تحولن حمر من القهر سكت و أخذ گلاص الماي شربة دفعة وحدة
ورجع كمل كلامة بحزن وهو ضاغط على قبضة أيدة بغضب و راص على أسنانة بقهر
" و السبب الي خلاها بعد ما تحچي ، لأن الساقط گايللها صوتچ يخليني أش.... "
سكت وفرك وجهة بجفوف أيدي بعد ما أستصعب ذكر الموضوع
و أتغيرت أجواء الديوان بعد ما سمعوا كلامة و فهموا أخر شي شنو راد يگول و علامات الغضب بينت على وجوه الموجودين عدا النسر
ألي بتسم برود و حرك رگبتة للأتجاهين يطكها واردف
" شيخ أزاد قبل لا تتحول قضيته للدولة وبعد ما نگدر نسوي شي شنو رأيك نأدبة شوي "
رفع راسة الازاد يباوع للنسر وألتقت نظراتهم
ابتسم ازاد نفس ابتسامة النسر و ميل راسة للجانب واردف
" لهذا السبب أنا ما لبست دشداشتي شيخ نسر أجيت أطلب منكم تساعدوني حتى أخطفة لأن نار گلبي ما تبرد أذا بس رفعت علي قضية و جرجرتة للمحاكم "
كل الموجودين قسموا همة گاعدين بين أثنين مختلين وتأكدوا أنو ليطيح بين أديهم ما يطلع سالم
وگف النسر و چان بيدة نقالة ألي دگ ينذر عن وجود اتصال من نجمة
" شيخ أزاد أنتظرني بسيارتك على ما أبدل ملابسي و أجي ، من رخصتك جدي "
شيخ يعقوب هز راسة يسمح للنسر يروح
مشى النسر من وصل قريب الباب سمع ازاد يحاچي بصوت عالي حتى يسمع
أنت تقرأ
النسر و المشاكسة
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
