ملاحظة / بداية البارت معادة لكن بالنهاية ضفت احداث جديدة
ــــــــــــــــــــــــــــــــــــــــــــــــــــــــ
🍡9:00 صـ🍡
نايمة و صافنة على سقف الغرفة
أحاول أذكر شون اجيت هنا الشي الوحيد
الي اذكره هو من نمت على صدر نسر ، زفرت بتعب من اذكرت انا عروس و اليوم صباحية
عرسي ، ما ادري ليش احس اليوم كئيب كلش
الله أعلم شون راح ينتهي
جرجرت روحي للحمام ، غسلت و رحت للكنتور أخذتلي صفنة افكر شنو ألبس أخر شي
قررت ألبس الصاية البيضة
شمرتها على الچرباية و رجعت ادور على
حجاب و بالأخير قررت ألبس حجاب أبيض لأن تعاجزت انسق حجاب ويا الصاية
بديت أبدل و بعدما خلصت تبديل دگ الموبايل
و توسط الشاشة اسم
' الطاووس المغرور'
فتحت خط و رجعت أحط مكياج
سحبت قلم الكحل
" صباح الخير مشاكستي "
" صباح النور نسر "
رديت بهدوء و أنا أحط كحل
لعيني اليمنى
" يمتى گعدتي؟ "
" قبل شوي ليش تسأل؟ "
رديت علي و أنا أحدد شفايفي
حتى أحط حمرة
" أمي دزت علي حتى اصعد أگعدچ "
" تمام أنتظرك تجي تگعدني "
" ليش منو جاي يحاچيني هسة خيالچ؟ "
" لا أنا قرينها "
سأل بمزاح و رديت علي بنفس الطريقة
لكن جوابه أستفزني بصورة فضيعة
" مو أنا أكول نجمة مستحيل تحاچيني
بهل طريقة أو تلفظ اسمي بصورة مجردة
بدون ما تضيف لقب من ألقابها "
منا گعدت لعبانة نفسي و مالي خلگ
ومنا هو گال هيچ ما تحملت ، شمرت قلم
الحمرة و سألته بعصبية
" شنو قصدك شيخ نسر؟ "
ضحك بأنتصار لأن نجح بأستفزازي وگال
" حلو بما أنو گعدتي حضرتچ نزلي بسرعة
لأن جاي ينتظروچ "
" شنو يصير أذا صعدت للغرفة شوي هاا؟! "
رديت علي بصوت مخنوگ و أنا مبرطمة طاحت دمعتي من سد الاتصال ، شوي و نفتح
باب الغرفة دخل يباوعلي
و ما غابت عني صدمته من شاف دموعي
أنت تقرأ
النسر و المشاكسة
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
