✨6:35 م✨
چانوا مجمعين بصاله ، الكل گاعدين بس نجمه واگفه گدام ابوها وعينهة بالارض تسمعهم يتناقشون بالمشكله الجديدة الي سببتهة
چانت الاجواء بالصاله متوتر وكلهم يباعون لنجمه كسر الهدوء ادم من سأل ابو وعرفت نجمه من صوته هو معصب
" يُبه راح تضل ساكت؟ "
رد ابوها بأنفعال وصاح على ادم بدايه كلامه
" شنو تريدني اسوي هاا ، شيخكم گال لحد يدخل بيها و انا اتحمل مسؤلية المشاكل الي تسويها ، وانا راح اسوي الي گاله وما ادخل بعد خلي هو يحل مشاكلها "
" اي شيخنه الي طردنه من الديوان بسببهة "
رفعت راسها
وجهت نظرها لاياد من رد على ابوها بسخريه التقت انظارهم ونزلت نجمه راسها بسرعه من نظراتة الغاضبه رجعت بذاكرتها قبل ساعتين من جاوبت النسر بخوف وتوتر
" اااا ، أاي "
حرر راسها وهي حست رجليها بعد ما يشيلنها من الخوف ودموعها بطرف عينها
رفعت راسها وشافت النسر ضل يروح ويرجع بالديوان و ايديه على راسه
اخر شي گعد على الكرسي الموجود بزاويه من زوايا الديوان ويهز رجله بسرعه
وجه نظراته الحاده لنجمه وحاچه اخوانها وهو عاگد حواجبه ويأشر عليها
" اخذوها منا أذا ظلت دقيقة بعد گدامي ما اظمنلكم تطلع عايشه من الديوان "
راحلها ضرغام يساعدها توگف واخذها هو واخوانها للبيت
سمعت صوت نقال ادم اتصل علي ياسر يبلغه يرحون لبيت جدهم حتى يحلون المشكله
طلعوا يتمشون و نجمه تمشي وراهم
بذات الوقت نروح لبيت شيخ يعقوب الي چانوا ايضاً
مجمعين بالصاله بس الفرق هنا النسر هو الواگف گدام شيخ يعقوب وعينه عالأرض
كسر الصمت الشيخ يعقوب من سأل النسر
" عرفت شنو صار حتى نجمه تجرأت تهدد ابنهم بسلاحك؟! "
رد علي النسر بعد ما تنهد بثقل
" لا شيخ ، اتصلت على الامن بالكليه علمودا يدزولي تسجيل الكاميرات حتى اشوف الي صار بس لهسة ماكوا شي "
اردف شيخ يعقوب بصوت جوهري
" ارفع راسك شيخ نسر ما عاش الي يزل راسك، تعال أگعدا يمي على ما توصل نجمه ونعرف شنو صار وياها حتى تهدد بالسلاح "
توجه النسر للمكان الي اشر علي الجد حتى يگعد وبعد ما گعد بدقيقة دخلوا بيت ابو ضرغام
للصاله عدا نجمه الي چانت تشجع نفسها حتى تدخل
أنت تقرأ
النسر و المشاكسة
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
