ك بابٍ مخلوع مُلقى على الأرض
ما زالت تنبض في جسده
بقايا طرَّقاتِ أيديهِم

~~~~~~~~~~~
نسر " أي عمة أسمعچ لو ما ناوية تعترفين بخطأج ؟ "
أم ضرغام " أولاً لا تنسى هي بنتي
قبل لا تصير زوجتك ..."
ردت علي أمي بس قبل لا تكمل كلامها رجع قاطعها
وهو يحچي بأستهزاء
نسر " وين چنتي من أحتاجت أُم تسمعلها ؟ لو هسة يا اللّٰه أذكرتي أنتي أمها ؟ "
أمي أنصدمت من كلام نسر و ما عرفت شنو ترد علي بحيث انتبهت عليها تفتح شفايفها حتى تحچي بس ترجع تسدهن لأن الكلمات ما تسعفها
رد علي بابا و مبين من كلامه ما عاجبه اسلوب نسر بالكلام ويا ماما
أبو ضرغام " نسر أوزن كلامك لا تنسى ألي جاي تحاچيها زوجة عمك و تصير أكبر منك و أحترامها واجب "
باوع لبابا بلا مبالاة و رد علي
نسر " هذا مو موضوعنا عمي ، وهسة أريد
جواب لسؤالي ، ليش ضربتي نجمة ؟ "
أم ضرغام " ادخلت بشي ما يعنيها و اجاوزت
علي بالكلام ، انت تقبل احد يجاوز على امك "
غمض عيونه بنفاذ صبر من سمع كلام أمي
ورد عليها بسخرية
نسر " الحجة أقبح من الفعل "
سكت شوي و رجع حاچاها بهدوء
نسر " عمة نجمة ما تتجاوز على أحد ما
مأذيها ، فرجعي بذاكرتچ و سولفيلي شنو
صار بالضبط"
أمي عصبت من سمعت و شافت نسر شون
يحاچيها گدام جدي و عمامي
أم ضرغام " بعدك ما صار ساعة من رجعت و حضرتها حچتلك القضى و المضى "
نسر " متوهمة هي ما حچت ، عيونها
الحچلي شنو صار بغيابي "
أم ضرغام " و ليش حضرتك جاي ادافع عنها ، شبيها ما عدها ألسان ادافع عن نفسها "
غمض عيونه بنفاذ صبر رجع فتحهن عگد حواجبه
صاحلي بصوت عالي لدرجة أخترعت وگلبي راد يطلع من مكانه
نسر " نـــــــجـمـة "
حطيت أيدي على گلبي أهدئه و انتبهت
أنظارهم تحولت علي
نجمة " نعم شيخ ؟ "
نسر " صحيح أنتِ مجاوزه على أمچ بالكلام
و هي لهذا السبب ضربتچ ؟ "
أنت تقرأ
النسر و المشاكسة
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
