فتاة عنيدة و متمردة تحب المغامرة
أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول
تابعوا معي لنتعرف على مصير هذه الفتاة
ستكون الكتابة باللهجة العراقية
گاعدة على القنفة وتحس گلبها راح يطلع من مكانه بسبب سرعته وگفت نزعت حجابها وصايتها لأن حست بالحر من التوتر فتحت شعرها ورجعت رفعتة على شكل كعكة ضلت تروح وترجع وتهوي على وجهة و تتكلم ويا نفسها بصوت عالي
" هو انا غبية ، دائماً احط روحي بمواقف خايسة هسة اذا اجة انا شون راح اباوع لوجهة و ابرر موقفي ، احسن حل اشرد قبل لا يجي ، لا نجمه فكري عدل اكيد اذا شردتي راح يلگاج بسرعة "
گعدت بالارض تفكر و قابلت الباب بظهرها دخل نسر للغرفة بهدوء وقبل لا يردف بكلمة وگفت نجمه بحماس و الفرحة بينت بوجهة من لگت حل لمشكلتها أخذت نقالها ودخلت على الگروب ودزت رساله للبنات تطلب من وحدة منهن تتصل عليها بعد ربع ساعة وقبل لا يردن عليها شهگت بفزع وطاح النقال من ايديها من حست بانفاسة الحارة لفحت رگبتها و حاوط خصرها بتملك
انتبه النسر من تسارعت وتيرة تنفسها بسبب قُربه منها اردف بهمس بنبرة صوته العميقة
" اذا سمعتچ تصرخين راح احول على الجهة الثانيه ادميها الچ "
" شنو قصـ... "
قطع تساؤلها من رفع چف ايدة من خصرها لفكها يثبتة و غرز اسنانه الحادة بوجنتها و عضاها بقوة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهي قبل لا تصرخ اذكرت تحذيرة رفعت چف ايده من فكها وحطته على شفايفها تكتم صرختها دمعن عيونها من الالم
دقيقة و حررها النسر من قبضته وگفت گدامه و احتظنت وجنتها التنبض بألم بأيدها وتنظر لنسر بعيونها الدامعة عضت شفتها بقهر من تكتف و اشرلها بنظراتة لحادة تگعد
