النسر و المشاكسة

خلخال

🦋 بعد مرور اسبوع 🦋

اليوم حنتي انا و مليكة و حالياً أنا گاعدوة بالصالون
انتظر الصالونة تخلص شعري حاسة بحماس لشوفة نسر بأعتبار صارلي اسبوع ما شايفتة

اي لا تتفاجئون خلصت هذا الاسبوع بين التجهيز و الدوام بحيث تكسرت من التعب و على ذكر الدوام چان يصادف الثلاثاء من صارت مشكلة بنهاية الدوام
ومن رجعت انفجرت بنسر و طلعت كل الضغط الي عشتة بي

طالعة بگراج الجامعة و چان بيومها مطر و الارض كلها ماي بحيث صايرة بحيرات جاي امشي للسيارة مال جبل مر من يمي واحد يمشي بسيارتة بسرعة بحيث من عبر علي دمرني طين من راسي لرجليه

حسيت بوقتها ذاناتي صفرن من العصبية و حضرتة بكل وقاحة تجاهلني وراح أنا ما تحملت طلعت النقال من الجنطة و اتصلت على نسر

بمجرد ما فتح خط اردفت بعلوا
صوتي و العبرة خانگتني

" تعوف كلشي بيدك و تجي للكلية تاخذني لا
أهدمها فوگ راس هذا الحيوان ، الكلب ، القندرة
الي دمر ملابسي و راح و لا كأنوا مسوي شي "

سديت الخط قبل لا يرد علي و توجهت للحمام
اغسل وجهي و أدية عن الطين
تقريباً ربع ساعة و أتصل علي طلعت من الحمام
شفتة واگف أباب الگراج
فتحت الباب مال السيارة وسديته بقوة من صعدت
هو من شاف وضع ملابسي و عيوني لمدمعات
ما سألني عن شي

بعدما وصلنا للبيت صعدت لغرفتي سبحت
من خلصت توجهت لبيت جدو سألت قمر عن مكان نسر گالت گاعد بالديوان هو وجدو رحت للديوان
بس فتحت الباب هجمت علي بالكلام

" تمام فهمت زواجنة الجمعة بس مو معناها
تتجاهل وجودي "

اضطريت اسكت من اختنگت بعبرتي
نزلن دموعي وشهگت بقوة رفعت ايدي
امسح دموعي بقوة من على وجناتي
بعدها كملت كلامي

" تعرف شون يطيح حظي بالدوام من طلبات الدكاترة ؟ وفوگ هذا كله لازم من يخلص الدوام اطلع اجهز للعرس ومن ارجع للبيت احس جسمي متكسر من التعب بس ما أگدر أنام لأن لازم ادرس
و اليوم اضطريت ارجع للبيت بدل ما اروح اكمل مسواگ بسبب واحد ساقط ومتهور چان يمشي بسرعة و دمر ملابسي طين "

سمعته يتنهد بتعب واردف كلامة
برود وهو عاگد حواجبة

" نجمة أنتقي ألفاظچ ، أعتقد أنا محذرچ
من قبل بخصوص هذا الموضوع ؟ "

برودة أستفزني بحيث من رديت علي استخدمت أعلى نبرة عندي لدرجة صوتي حسيتة راح