سمعت الباب ينفتح غمضت عيوني بقوة وحطيت ايدي على وجهي حسيت بخوف فضيع خفت اذا التفت وما اشوف النسر
" نجمة "
من سمعت صوتة حسيت روحي رجعت لجسمي وأخر ذرات قوة بجسمي تبخرت و خرت أيدي من على وجهي وفتحت عيوني
مديت ايدي لنسر اريدة يشيلني ويلمني بحضنة حتى احس ب الامان الي فقدتة كم دقيقة
نزلني من السيارة و حط أيدة على راسي و الثانية حاوط بيها خصري وسحبني لصدرة
حاوطت راسة ب أيدي ودفنت راسي برگبتة
حاجيتة وأحس بلعومي تجرح على ما اردفت ب أسمة
"نس.....نسر"
" روحة لنسر ، كافي بنيتي لا تبجين شو خلي اشوف وجهج "
سحب راسي من رگبتة وحضن وجهي بجفوف أيدة ومسح دموعي
"لا تبجين بوية شوفي عيونج شصار بيهن من البچي وصوتج راح هم ، ما صار شي هاي انا گدامج ما بية شي ، أنتي مو أتصلتي على الولد حتى يجون؟؟ "
أومئت براسي و باوعت للولد واكفين ورا
"هاي الولد أجوني بعد ليش تبجين ، امشي وياي لسيارة أخوج حتى نرجع للبيت ترتاحين"
حاولت امشي بس أحس رجلي ما يتحركن باوعلي ب أستفهام برطمت شفايفي وعيوني دمعن مرة ثانية
"نس.... نسرر ، م ما أكدر أمشي"
" أشش لا تبجين بنيتي "
جاوبني و مد أيدة ورا ضهري و الثانية مدها لرجلي ورفعني من الارض مشى بية للسيارة وهو يحجي ويا ياسر
" ياسر راح ارجع ويا ضرغام أنت أرجع بسيارتي تلگة لمفاتيح داخلها "
فتحولة باب السيارة و صعد وهو شايلني راد يحطني على الكشن بس انا تمسكت بي بقوة وهزيت براسي رافضة انزل من حضنة حطيت راسي على كتفة
سمعتة تنهد و أشر لهم يتحركون
غمضت عيوني شوي وحسيت شي يتحرك على أيدي المجروحة فتحت عيوني شفتة جاي يمسح الدم
"شون جرحتي ايدج؟ ، ضرغام عبرلي چيس لكنينس من يمك"
أخذ الكنينس من ضرغام ورجع يمسح أيدي بهدوء
" طاح النقال بين الكشنات دخلت ايدي حتى اطلعة ، چنت خايفة وردت بس اطلعة حتى اتصل على جدو ، من لگيتة سحبت ايدي بسرعة و حسيت أكو شي كصاني "
" نوصل للبيت و أبلغ ياسر يشوف شنو أكو ماشي بوية "
هزيت راسي موافقة على كلامة أحس ما عندي طاقة احجي رجعت راسي على كتفة وغمضت عيوني
أنت تقرأ
النسر و المشاكسة
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
