فتاة عنيدة و متمردة تحب المغامرة
أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول
تابعوا معي لنتعرف على مصير هذه الفتاة
ستكون الكتابة باللهجة العراقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شفت جبل و شاهين يم لسيارة تقدمت عليهم "صباح الخير ، اليوم ويامن اروح"
" صباح النور ، ويانة لإن نسر راح للمحلات واصلة بضاعة جديدة راح يستلمها وبعدين يجي ورانة"
جاوبني شاهين و رجع يسولف و يا جبل على السيارة
"تمام انا راح اسلم على جدو و أجي"
حجيت وياهم و رحت ركض لبيت جدو دخلت للصالة شفت بابا و عمامي گاعدين يم جدو سلمت عليهم و تقدمت باتجاه جدو دنگت ابوس أيدة تجاهلني وگف حتى يروح گضيت ايدة وحجيت بسرعة
"اول شي انا اسفة ماكان لازم ادخل للديوان بهاي الطريقة و ثاني شي أعتذر لأن قللت من أحترامي أتجاهكم"
" وثالث شي أمس سويت مشكلة جديدة الشيخ ما يعرف بيها و قررت أگلك على الاقل واحد منكم يكون عندك علم"
أخذت نفس و حچيت بسرعة و أنا مغمضة عيوني خايفة من رد فعلهم صار هدوء فتحت عيوني و أشوفهم يباوعولي بصدمة و حسيت عيون جدو راح يطلعن من مكانهن
"و أنا صدكت انتي ندمانة و جاية تعتذرين ، طلعتي مسوية مصيبة جديدة و جاية تگليلي حتى اذا عرف خطيبج تگليلة جدو يعرف مو صحيح؟! "
اردف جدو بداية كلامة بسخرية و ختمة بسؤال و أشوف بابا وگف وطلع ما عاجبة تصرفي بررت موقفي لجدو
"لا جدو مو هيج قصدي ، انا أول امس رحت حتى ابلغة ب الموضوع بس ما صارت و امس من أجة الشيخ لبيتنة علمود المشكلة الي صارت ب الكلية انا غافلتة و أخذت حساب ازاد من نقالة و ضفتة بنقالي ، راسلتة و أتفقت وياا اليوم نلتقي ب الكلية علمودا أختة "
"گومي ، گومي بعد جدج روحي لكليتج و خلي ننتظر و نشوف شنو نهايتها و ياا مشاكلچ الي ما تخلص"
