/Дууссан/ 💋Boyfriend😳 [🧠 Shortstory 🫀]

10. Бидний холбоо

=====================

Жуниныг ийм итгэмээргүй санал тавьсных нь дараа би шууд өрөө рүүгээ гүйж ороод хаалгаа түгжчихсэн.

Би үнэхээр яах ёстойгоо мэдэхгүй байна. Бас толгойд минь хэтэрхий олон бодол тасралтгүйгээр эргэлдсээр байна. . . .

Бидний холбоо. . . .

Хэзээ ч дуусахгүй мэт урт удаан байсан. Бараг л төрсөн цагаасаа хойш холбоо хамааралтай байгаа гэхэд хилсдэхгүй. Нэг гудамжинд амьдардаг бас ээжүүд маань сайн найзууд тул маш жаахнаасаа л хамт байсан. Харин миний ой санамжид бичигдэж эхэлсэн үе бол бага сургуульд байх үеэс. . .

Магадгүй би ухаан орж, хангалттай том болж эхэлсэн үе болохоор тэр байх. Анх бол би түүнийг төрсөн дүүгээс өөрөөр юу ч гэж харж байгаагүй.

Жунин бараг л миний мөрөөдлийн төрсөн дүү байсан байх. Өөрийгөө түүний эгч гэж бодож, итгэж, түүнийг нандигнан хайрласан тэдгээр жилүүд. . .

Бага сургуулиас ахлах сургууль төгсөх хүртэл бид үнэхээр л жинхэнэ эгч дүүс байсан. Мэдээж миний мангар наргиаг эс тооцвол шүү дээ.

Цэвэр цусны холбоо гэдэг шиг л цэвэр сэтгэлийн холбоотой хамгийн дотно хайртай хүмүүсийн минь нэг байлаа.

Нэг л өдөр тэр болон түүний гэр бүл амьдралаас минь явчихсан. Хэдийгээр цахим хаяг, холбоо барих хаяг гээд бүхнээ солилцсон боловч өдөр бүр уулзаж хамтдаа тоглож, хамт хөгжилддөг байсан тэр хүү зүгээр л амьдралаас минь арчигдах шиг л болсон.

Жунины гэр бүл Америк нүүсэн жил надад маш хэцүү байсныг санаж байна. Нэлээд их уйлснаа ч санадаг. Бас аль болох ойр ойр Жунин болон тэдний гэр бүл рүү захидал илгээдэг байсан ч цаг хугацааны эрхээр ч гэх үү зүгээр л бага багаар мартагдаж эхэлсэн.

Учир нь би Жуниныг төрсөн дүү шигээ хайрлаж, санаж бас түүнд захидал илгээдэг байсан ч түүнээс нэг ч хариу ирээгүй юм. Ингээд л бүх зүйл бүдгэрч эхэлсэн.

10 жил. . . .

Бүхэл бүтэн арван жил би Жунинтай холбоо бариагүй. Түүний гэр бүлтэй холбоотой байсан ч түүнтэй лав биш.

Гэтэл 10 жилийн дараа гэнэт гарч ирчхээд дүүгийн хувьд биш эр хүний хувьд сэтгэл зүрхийг минь догдлуулаад байгааг би яах вэ?

Үүнийг зөвшөөрч болно гэж үү?

==================

29:14😎

#HappyKimKaiDay😎😎😎