أنساب طاهرة

بارت ٨

هذا البارت طلبوا البنات وبالمقابل ما انشر يومين يعني لا باجر ولا عگبه اكو بارت
خلي يكون بعلمكم
وهاا الحد هسا التفاعل ما عجبني ولا تصويتكم ولا تعليقات وزعلانه هم 🥺🥺
اريدد تفاعل اكثر وخاصه هنا بالوتباد
وهسا اگول قراءة ممتعة

#أنساب_طاهرة ٨
#بقلم_ام_مختار
#دنيا_غانم

حنان _ گاعده بالطرمة علي المرجوحه و يمها الطبله عليها بطل حاطه بي ورده وماي و كتابها و الراديو بصوت عالي رياض احمد يغني
واجب بالروح اشريك وهيه تفر بشعرها يمين ويسار و تغرز اصابعها بي وتنزل خصلات علي وجناتها بسبستلها من باب المطبخ

گلتلي:تعاي حنونه

سٱلتها :وين عمي.

گلتلي:طلع طلع ما اشوفيني ماخذه راحتي
:وين راح

جاوبتني:يگول رايح للگهوه بعد ما ندري هسا فجأة يدخل و يصير حضر تجوال

: نصيت النار علي الاكل وگعدت يمها صوت رياض ما گدرت اقاومه وهو يگول
يالحبك هين وهين... واقرب من رمش العين
تجاوبني و عيونها الصفر يلمعن وي ابتسامة وجناتها :محد گلك يا زين... على عينك حاجب
نصت الراديو وگلتلي حنونه ابويه ما عنده روحه للبصرة؟؟

:يگول عزيز هاي الايام يطلع للبصرة

تحسرت وگالت:بأقرب وقت يارب وبالسلامة

: هسا گومي ولمي هاي السوالف تره اذا اجه تعرفين شيسوي و مو بس انتِ تضررين احنه وياج ويسوي بيت دعاره ونسمع اغاني و نقرا كتب

ضحكت وگالت:ما يصدمني بس من يگول بسسس الكح..... تقرا كتب

:لج امس اجه العزيز يگله انت ما تستحي اربعة وعشرين ساعة تگو... وي مرتك

همهمت بخجل :ما يستحي بس امور الفسق بباله

: بعد شنسوي لازم نتحملة

گلتلي: لو ما عندي اب شگد جان صارت حياتنة حلوه

: جان تحسرتي على اب

:اذا اب مثل سعدون ما اريده ولا اتحسر

:قاطع كلامنه عمتي نزلت لابسه الثوب المكشكش
و الكصايب اللونهن نحاسي الشيب والحنه هاي اثارهن

ضحكت امج بهمس بهدوء وگالت:نزلت فتحية خانم

:هههههه لا تسمعج
صَوت بيبيتج العالي اصدح : ليش گاعده هنا هيج لا يشوفج ابوج و يعصب

:ردت استجم شوي بس العنده سعدون وين يستجم

:اخذت كتابها وصعدت بس صعدت اجه جدج وشافنه بالطرمة تخبل علينه شسون وتباوعن للجيران و اكيد عدجن شي وي الجيران ما جاوبته اني ركضت وبيبيتج هم تخاف منه قابل شسوي
و
امج قليل تنزل يمنه معتكفه بالبيت وتقرا كتب قانونية او بالراديون تحطه ناصي وتسمع الام كلثوم و العبد الحليم لو رياض جان ابوج عزيز يجيبهن الها اشرطة من شارع ابو نؤاس
وجدج يگله هيه عاشگه و انت صايرلها گرن
يجاوبه ابوج هاي بنيه و تحب تتونس بهاي السوالف عود من اخذ منك فلوس احجي اني د اجيبلها من مصرفي الشخصي
عماتج هنا كلهن مزوجات بس ما مرتاحات بحياتهن لأن الزيجة غصب وجبر رغم الكل متخرجات و كبار يعرفن مصلحتهن بس جدج يريد كلشي بكيفه
وعمامج ونسوانهم ويانه بالبيت اغلب وقتنه هدوء لأن الوقت اليطلع بي جدج نريد نرتاح
والوقت الي بي هو احنه ساكتين بس هو يصيح على كلشي لو تتعدين من يمه هم يعاركج