أنساب طاهرة

أنساب_طاهرة20

أنساب_طاهرة ٢٠
#دنيا_غانم
#بقلم_ام_مختار
آسيا_بقيت صافنه على تصرفه وبعصبيه گلت شبيكككك
هيثم_راسييي يوم رائد طلعنييييي من البيت
رائد_ايي ايي
عزيز_وين تروح غير نفهم راح تخبلوووني والله
هيثم_مااا يحتاج تتخبل ياااابه ما يحتتتاج كافي هيثم يتخبل هذااا مناك
رائد_خلي نطلع وهسا شوي واني ارجعه
عزيز_ بس اريد افهم شبييي ناخذك مستشفى
آسيا_متوجع من شي احجيلنه شبيك موو هسا دخلت ما بيك شي
باوعلي والعيون يحجن ما يحتاج السانه يحجي اشرلي بسبابته وگلي صعديييي سترييي نفسج ومسحي الي بوجههههج لا تخليني هسااااا انزل اكسررررررلج هذااااا الراس بت سيف الگوا.....
اسيا_ صعدت بدون ما اجاوبة موتت روحي من البجي نزعت الروب و مسحت مكياجي بي الحقيرر مو هو راسلني يريدني هساا يغلط عليه وعلى ابوووي ابوووي لو صدگ حب امي ذره جان ما خلاني ملطشة الهيثم
الفستان نزعته وكصصته كله
صعدولي ماما وبابا يردون يعرفون عبالهم متعاركين بيناتنه حجيتلهم الصار بابا نزل بس امي بقت تباوعلي صاير شي احجيلي
_والله كل الي الصار حجيته ما اعررف شبي
_جنتي لابسه فستان قصير جوه الروب و مكياج طوخ اكو شي صاير بينكم احجيلي خلي افهم
اسيا_نكرت گتلها لا بس ردت اراوي  هذا الفستان عليه حلو لو لا وصار الي صار
خجلت اگلها شكلها اني حبيته الدرجة اني تمتت زواجنه اني تجاهلت اسلوبه السابق ونكرت عدم رضا بعلاقتنه الزوجيه وضعفت يم حبي اله
شگلهااا اني اشبه بيبي وتمنيت بس اتمم هذا الزواج سكتت گلت يجي يوم واحجيلها
اللفجر وماكو هيثم اتصلت برائد ما جاوبني
بابا جوه كاعد ينتظرهم و امي بباب المطبخ فرشت وتباوع للباب
واني ع درج گعدت وصلني مسج من رائد كاتب بالطريق جايين نزلت الاهلي طمنتهم
امي سحبت ابوي وگلتله لا تحاجي خلي يرتاح باجر نگعد ونحجي ويا دخلوا للغرفه واني بقيت بمكاني ع درج بس الي يدخل للكليدور ما يشوفني من دخلوا رائد گله اني صاعد ما تصعد
ما جاوبه اصلاََ
فز رائد من شافني ع درج اشرتله يسكت صعد بهدوء وهو بقه جوه  انتظرت ساعة كامله ما صعد
نزلت ووگفت بهدوء اباوعلة
جان نايم على القنفه ومغطي عيونه بأيده
گتله_ شلون صرت
رفع ايده العيون حمر باجي هيثم رجع ايدي على عيونه وگال صعديي اسيا تعبان من ارتاح اصعد
_شنو صار بس احجيلي والله بالي يمك مو دخلت ما بيك شي مو انت گتلي حضري نفسج الي
مووو انت مشتاقلي لوو اني غلطانه شنوو صار واجيت تغلط عليييه وعلى ابوووي
انييي سويت شي لوو هيج خبال بسس
_اسيا انييي واحد تعبان انيي قليل اصل
انييي واحد ما عنده مروه حراممم السنين التعب بيهن ابوويه  عليه انييي واحد ضيعت كلشيي
ضيعت كلشي حلو بحياتي انييي ضعفت اني القاوووم وگال لا ما يصير اني الحتى نفسي الامارة بالسوء دخلت بأحلامي وما ستسلمت
الگه روحييي اني مو بس مستلم انييي هجمت اسوار روحيي
اسيا_ شنو سويت انت اني مدافهم شييي
سكت شوي وگال  بكل هدوء _صعدي  اسيا ارتاحي اعتذر عن البدر مني بس من شفتج لابسه هيج والمكياج ورائد موجود ما تحملت وهسا رحميني وصعديييي
اسيا_ صعدت الغرفتي ما نزلت بعد وحتى الصبح ما طلعت من الغرفة ما اكدر انزل من اذكر امس شنو سوه اكرهه روحي تصرفه بحياتي ما شايفته بعائلتنة بس من جدو سعدون هاي الالفاظ بس بابا بحياته ما حاجيها
ندگ الباب ودخلت امي گالت نزلي طلعوا الولد
_وين راحوا؟
_گالو يفترون شوي تعاي نمارق هم دتتريگ
اسيا_نزلت رتبت وي ماما البيت وحضرنا الغدا
اسمعها تحجي وي نمارق على الروضه والحضانه لاگين مكان زين بزيونه ويردون هناك يفتحوا
بس بابا بعده ما ماشي بالاجراءات
و اسمعها تگلها كل ما نفتح موضوع الروضه تصير مصيبه وهسا اخوج ما نعرف شبي
نمارق_ يجوز شايفله وحده ويريدها بس ما يعرف يصارحكم
حنان _شنو هذا الحجي امييي لا تسمعج اختج
نمارق_خلي اختي تلم ملابسها وتجي يمي احسن ما تنصدم
اسيا_يوم اني خلصت تردين شي
نمارق_لا تبقين ضايجة تعاي اكلي وعود من يزوج عليج ابجي
اسيا_خلي يزوج مو فد مشكله عفتها ودخلت للمطبخ گعدت اهز برجلي  حتى لو جاي تتمازح وياي مو بهاي الطريقة قبل جانت على انوار هسا صارت ع الكل و اسلوبها هجومي وعدائي كلشش
دخلوا همه وهيثم دخل للمطبخ من شافني تجاوزني وعبر بدون ما يحجي گال الامي اني رايح انام بالصاله لحد يگعدني
عزيز_ليشش بالصاله ما عندك غرفة
هيثم_كااافي يابه كاافي الله يخليك
عزيز_هااي المسكينه من امس گاعده تنتظرك بالرغم انت غلطت عليها وعلى اهلها اني منها حتى باب الغرفة ما افتحها الك وهسااا انت صاحب الزايد تريد تنام بالصالة
هيثم_نومها بحضنك موو انت مقهور عليها نومه بحضنك اني متنازل عن وصايتها الك
عزيز_اسياااااا
اسيا_گمت بتعب البابا كلام هيثم يوجع حيل
نعم بابا
_امس من سألناج شبيكم گلتي ما اعرف هو رجع وحجيتلينه الصار كلام هيثم يگول اكو شي صايرر ليش يابه ما تحجين ونحل مشاكلج
اسيا_والله ما اعرف اذا صاير شي سأله
هيثم_واني داگول ما صاير شي بس اني تعبان
وانت دتفكر بيها وانييييي منو يفكر بيه
تسع اشهر يابه تسع اشهر اني......
اعتقوني شووي
حنان _عوفوه عزيز
عزيز_ما جنتوا هيج ولكم لا بنيه وولا ولد يسمع الكلام وجنتوا راسكم ما ترفعوا لو اني حجيت هساا وين هذا الاحترام كبرتوا وتمردتوا على سعدون
هيثم_بشنووو تمردنا هههههههه كل الي تريده صار ابشرك يابه كله كلههههههههه
الجان سالفة ما يتسولف بسررري صرت انييييي اطلبه
الجنت اخجل افكر بيي لمحة عشته كله
اطمن
رائد_كافي هيثم
هيثم_ دمرتني يابه والله دمرررررتني
اسيا_عفتهم وصعدت قفلت باب الغرفة وما طلعت ولا گدرت انام واروح يمنه ويسره حسيت بألم يم مثانتي و ظهري موتني لزمت ظهري وبقيت اروح واجي اريد انزل واحجي ويا
بس كلامه جان يسم الروح انييي غاليه عد نفسي ورخصتها اله
اني فاتن الرخصت روحها السيف وبالتالي شسوه تركها حامل بيه وهيه شسوت تركتني واني بعدني لحمه حمره
وهسا اني شنووو مثلها ذابه روحي على رجال ما يريدني بسس ليش بس اني ليش هو مو عاركني حتى اصير زوجته موو هو جنت لو ابعد منه يحجي ويعصب
مو هو الاخر رساله بيني وبينه حضررري روحج مشتاقلج ليشش بس تلومين نفسج
خلي هو هم يلوم نفسه اذا هو ما يريدني مو امشي حسب طوووع غريزته انييي
الجوع كرصني وايديه كامن يرجفن وشفايفي يبست عطشت فتحت باب الغرفة ونزلت للمطبخ لگيت نمارق گاعده تاكل
نمارق_ وين دافنه روحج هستوه هيثم ورائد گاموا جانوا ياكلون وانتِ مقهوره
_مالي خلگ احجي نمارق سكتي عني الله يخليج طلعت بطل مي من ثلاجة وكلاص وصعدت
الصبح ندگ الباب بس بقوه فتحت الباب 
ماحجه وياي بس فتح الكنتور جرله ملابس وراد يطلع گتله تره اني ما ميته بيك ولا اني الذابه روحي عليك انت الرايدني وانت الجنت كل لحضه تريدني وهسا تحجي عليه وتقلل من قيمتي
حبيتك اييي بس اعوذ بالله من حبك وقت ما ردتني صعدتني السابع سما وهسا انيي صرت
ولا شيء يمك ما يحتاج تكون وصي عليه الحمد لله بابا عزيز موجود
التفت عليه صفن بوجهي وگلي جنت اگول اسيا  تشبه منو
هسا عرفت تشبهين عمتي وبيبتنا
تشبهين امج  بالشكل وطبعج طبع بيبتنا ام ابونا
اسيا_ احجي بدون الغاز حتى نجاوبك
گلي_ما يحتاج تجاوبيني خليج ساكته افضل
طلع من الغرفة شكيت هيثم تذكر كلشي لأن ما يعرف بيبي ام عزيز ولا حاجين عنها فد شي يخلي يگلي تشبهينها 
گعدت على القنفة صافنه ما اعرف شسوي انزل مالي خلگ ابقه بقيت بمكاني الحد ما حسيت بدوخة سطرتني نزلت ردت اتريگ لگيته گاعد على القنفة المقابيل المطبخ من شافني رجع راسة للقنفة و غمض
حنان_تعاي اكلي يوم من امس مماكله انتِ
اسيا_هو گدامي ما انطيت بروحي وگتلها لا ما اريد ما جوعانه و اني الجوع موووتني وجسمي اصلاََ ما كمت اگدر اوگف و احس بحلگي مثل طعم الدم شربت ماي حسيت بدوخة اكثر گعدت على الكرسي سنحت كل جسمي استسلم للدوخة
خليت راسي على ميز الطعام اريد بس بروده توصل الراسي الصار عباره عن جمرر
حنان_يمه بنيتي هيثممممم
اسيا_غمضت عيوني بس حسيت بي يمي تلمس جبيني وگلها ما مصخنه اسيا
احجي وياي يابه شكوو شصار
اشرتله بدون ما افتح عيوني عندي دوخة
هيثم_ما ماكله هيه من امس موو
حنان _ولا اي شي
هيثم_گومي اكليلج لگمه يابه يوم انطيها اي شي خلي تاكله يجوز صار عدها هبوط
اسيا_ما اريد شي اريد اصعد الغرفتي بسس
لزمني من ايدي يساعدني بعدت ايده ما قبل
هيثم_البيناتنه شييي و مرضج شي ثاني لا تربطين اسيا
اسيا_وخر عني هيثم تعبت من تصرفاتك وعدم اتزانك
هيثم _ هسا لا تعتبريني زوجج اعتبريني اي شي ثاني
اسيا_ما جاوبته صعدني للغرفه  سمعت رائد يصيحله غطاني وطلع
شوي واجتي امي جايبتلي اكل
اكلت لگمه وحسيت بوجع يموت بمعدتي
تركت الاكل وغطيت روحي و نمت
ما گعدت الا على صوت بابا وهو يگول الامي من الصبح الهسا نايمه شنو ميته محد صعدلها شبيكم
بابا اسوو
اسيا_ما بيه شي بابا بيش الساعة
حنان تسعه بالليل
_يا يابه كل هذا اني نمته والله حتى بعدني ما شابعه نوم ابوي حط ايده على جبيني يريد يعرف اني مصخنه لو لا گلتله نمارق لا تخاف ما بيها شيي قابل صارلها تسع اشهر تبجي على زوجها
حتى بالجذب ما مديت ايدك عليه وطمنت
حنان_نكرتي الابوج هماتين
عزيز_حقها تعاي يابه تعاي الج حضني كله موو بس ايد انتن روحه العزيز النفس اليصعد والينزل تعاي الحضني يا فرحة بيت عزيز
اسيا_گتله بتعب مو اني فرحة. بيتك
گلي _اجذب عليجن ثنينجن قابل شسوي
كمنه نضحك ونمارق لازگه بحضنه
نزلنه للعشا هيثم حاجة ابوي يريد يبيع سيارته
گله بابا ليش تريد تبيعها؟
هيثم_ اريد اشتري وحده جديد
عزيز_من تصير زين وكلشي يرجع المكانة الصحيح بيعها
هيثم_اني ما بيه شي يابه لا تخاف بس ردت انطيك خبر حتى تشوف اذا احد من جماعتك يريد يشتري سياره وانت رائد هم كلش مستعجل على بيعتها
اسيا_عافهم وصعد دقايق ونزل اكلت وياهم بس اكل شوي معدتي تكوم توجعني
صعدت للغرفة گالبها گلاب الكنتور مطشره كله اذا تريد شي گلي لويشش هيج تسووي شنو بس اذييييه والله ما بيه حيل المهن
الم بالغراض واحجي وي روحي
حتى فايل الاوراق مطلعه شسوووي بي رجعت ع سريع كلشي بعدم تنظيم ما بيه اريد بس الزم الفراش نمت حتى ما اعرف شلون
فزيت على طكطكته وهو دياخذ ملابس
گتله اذا تريد تطشرهن مثل امس اني اطلعلك
گلي_ما يحتاج خلصت
نزلت لگيت امي كاعده بالطرمة وعينها على الباب شكو ليش گاعده هنا؟
_هيثم طلع بسيارته وگلبي يمه
_ليش طلع بيها ما حجيتي ويا
_هو يجاوبني قابل محد يجاوب انتوا كليتكم ما تسمعون الكلام اني راح اتصل بعزيز واذا ما سوالي حل اروح الاخوتي انتووا ما تردون
_تخبلت علينه نزلت نمارق الوجهه اصفر گلتلها وانتِ هم موتي روحج على اصيل لوو اصيل عايش وانتِ الميته جان تزوج عليج
انتووووا بس شيرددكم انتووا تردون تخبلونه
اتصلت بببابا و گلتله وكامت تحجي اشكال والوان
نمارق _شبيها
_هيثم خبلها طالع بالسياره وهيه خايفه عليه
نمارق_هيه بس هيثم تهتم بي واحنه تصبح علينه
اسيا_تدورين حنيه شنو  انتِ
شو مقهوره من الكل وتردين اهتمام شكو
گلتلي_مالج دخل انتِ
رجع هيثم وسيارة ويا دخلها للبيت
وصعد للغرفة
اجه ابويه وجايب ويا اوراق التحليل
الحمد لله ما بي شي امي ارتاحت هنوب گلتله هيثم فوگ اصعد حاجي 
صعدله سمعت اصياحهم  شوي ونزل بابا ضايج
البيت كله متكهرب
گالت ماما جيبي المفرش خلي نصب غدا
فتحت الميز داخذ المفرش ماادري  بعد باي شي فزيت على ضربات بابا و امي تصرخ ونمارق طالعه للشارع تصيح ماتت 
وهيثم يم ابويه من فتحت عيوني گام
اشرت الامي ما بيه شي
عزيز_بدليلها حنان خلي اخذها للمستشفى
اسيا_لا لا مايحتاج لأن ما ماكله هسا اكل واصير زينه
كام يحجي عليه وگعدني على يمينه و نمارق على يساره و گال اكلن لااا اگلب الدنيا اليوم
اكلت لگمتين المعده شبت نار گتله بعد ما اگدر غصبني......
بالليل صعدت هو جان يلعب بتليفونه من شافني جر فراشه وطلع اني صافنه بوضعه شنو الصار وباللحضه وحده شنوتغير معقول كلام نمارق صح شايفله وحده
لا مو معقول زين شنو صاير احجي وي روحي وماكو جواب سبوع كامل هو هيج يحجي ويا بابا يگلب الدنيا ادخل للغرفة يطلع
اخير شي طكت  روحي گتله بس گلي شنو الصار حتي اني افهم شووف اخير رسالة شنو بيناتنه كاتبلي حضري روحج ومشتاقلج واجيت مابيك شي وصعدتلي تضحك فجأه ما اعرف شنو صارلك و نزلت متخبل وما تحجي وياي بيك شييي گلي راح اتخبل واني احجي وي روحي بس اريد الگه مبرر التصرفاتك ماكو
هيثم _ ماكو شي ما بيج شي انتِ اني البيه تعبان و مالي خلگ احد
_زين ليش بعت سيارتك جان خليتها و نطلع ونتونس ويرجعلك الخلگ
_اشتري وحده لخ
_زين هذا ذهبي بيعه واشتري سياره احدث وخلي نطلع للشمال سفره خلي نسوي اي شي يونسك
اني مالي غيرك رغم حجيت عليه وقهرتني بس
اني ضايجة بدونك ما اعرف شسوي ما اعرف ويامن احجي والمن اشكي خليك ضايج بس احجي وياي ليش هيج متجاهلني اريد اشكي منك
بس ما عندي غيرك اشكيله
هيثم_ اشكيلي شنو مأذيج من هيثم
_يگلي احبج وهو يأذيني
يگلي اني ذايب بيج وهو ما يحجي وياي وينتر بيه حبيته من اول بداية زواجنه وهسا تعلقت بي اكثر وهو السبب حسسني بحبه و احتواني واهتم بيه وهسا ما اعرف  شبي كارهني
هيثم_ راح اريحج منه
اسيا_شلووون تضربه الي؟
_هسا تشوفين شلون
اني عگب باجر طالع لسليمانية
_اخذي وياك
_لا غير مره
_كم يوم و  َترجع؟
_يومين وارجع
اسيا_لعد دير بالك على روحك وتونس ولا ترجع ضايج فدوه والله اني اخلص اغلب يومي وياك
و بهذا الاسبوع شكد اذيتني بس مشتاقه لسوالفنه
_الله كريم......
.........
هادي_ حجيت الامي الصار ما صدكتني وگلتلي انت گلت الابوك جنت امشي بنومي
گتلها و الله اني سويت هيج حتى لا يعصب عليه ما صدگتني قررت بالليل هم اراقب مدام باجر عطله اليوم الا اراقب واشوف شنو يصير
العصريه كلها بقيت يم باب بيتنا هيه جابتله الاكل خلته يمه و ولدها اجو يضحكون عليه ويصيح له مخبل و ياكلون اكله لو يطشرون اكله
وهو ما يجاوب ولا يباوعلهَم گاعد ومدنگ
دخل ابوهم ما حاجاهم
الشمس تموووت بيوتنه وسبالت و ما نتحمل وهو اذا راد يبرد روحه يشغل البوري مالت الحيوان و يغسل بي ويدخل يمهن اني هم ما دخلت بقت امي اصيح عليه ما ستجابيت صغيرون وعنيد ولجيت وي جدو سيف انتفضت للظلم وامي وابوي رافضين ما يدرون اني رافض هذا الظلم اخاف خاف بيوم يصير هيج بيهم ونتعلم السكوت وهم نسكت بأذيتهم اجاله المغرب صاحله سيييييف هو رأساََ گام وبيده السلاسل
بس گله خلي اروح للحمام
گله دقيقتين اذا ما خلصت اطلعك من الحمام سحل
هو ع سريع ركض وطلعلة بسرعة
جدو سيف من يدخل للبارگه يدنگ من گد ما طويل
دقايق وطلع يقفل بالباب بأيده مجموعة مفاتيح اذا اريد مفتاح بيتهم شلون اطيح بي وشلون اخذ منه المفاتيح وشوكت افتح الباب بقيت صافن بباب بيتهم التفتت باب بيتهم مثل باب المطبخ مالتنه بقيت اهز رجلي معقول يصير لا مو معقول
غافلت امي وهيه تصلي ولميت شكو مفتاح بالبيت حتى  مالت المجمده جريته اجربهن كلهن بس ينامون خليتهن يم راسي وسويت روحي نايم نومت اخوتي بعد الهدوء الصار شغلت اللايت وباوعت للساعة جانت الساعة ١٢ ونص جريت المفاتيح ولفيتهن بقطعه قماش  حتى لا من امشي يطلع منهن صوت جريت الللايت و  فتحت باب المطبح وخليت بينه وبين السركي الطابوگه وركضت البيتهم جربت اول شي مفتاح المطبخ ما فتح صوته وصريخة بلش وهو يصيح طلعووووني
اانتفظت  كلشي بجسمي ينتفض من الخوف
جربت مفاتيح الغرف ما صار عين على المفتاح ونفسه على القفل وعين على بيت عمي ضرغام اذا طلعت جنات وشافتني تموتني يمكن
ما فتح ولا مفتاح لميتهن وردت ارجع شفت يمي بالگاع مفتاح المجمده گلت اجرب ما خسران شي
خليت المفتاح الحجم اصغر بهواي بس هو الوحيد الفتح القفل من نفتح اني ما كمت اسمع دگات گلبي شغلت اللايت ودخلت خايف اخاف من الظلمة و خايف لا يشوفني واحد وخايف من ظلي
البيت كامل بس التراب مالي البيت الصاله و ما اعرف بعد شنو سمعت صوت باب نرگع فزيت فزه طيرت روحي
لحضات وسمعت صوت رجلين تمشي صكيت بمكاني.........
........
اسيا _بدل وحضر جنطته
و وخلاها يم باب الغرفة اني رجعت رتبت الكنتور
واسولف ويا هو ما يجاوبني سكتت داريد اسد باب الكنتور طاح فايل الاوراق جريته وخليته جوه الملابس وسديت الباب حسيت بدوخة
بعدها ما احس بأي شي افز همه يضربوني او يغسلون وجهي خالني بحضنه ويغسل بوجهي
گلي شنو ديصير وياج هاي صار كم مره توكعين من وحدج
_ما اعرف ما بيه شي من وحدي اتعب بالحضتها اوكع بمكاني
هيثم_تركتلج فلوس بالجرار  اذا تحبين خلي امي تاخذج
_لا انتظرك من ترجع نروح سوه ما جاوبني
النوم اغرى جفوني گلت انام وقبل لا يطلع اگعد اودعة وقتت تليفوني وگتله من يدگ كعدني اودعك هزلي براسة بس
غمضت عيوني ما فزيت غير ساعك ١١ الظهر
من شفت ساعة بالتليفون شهگت باوعت جنطته ماكو نزلت الامي لگيتها دتسوي السبيناغ
ودعتي هيثم؟
_اي هو گعدني وباس راسي وطلع ليش؟
_نمت و ما دگ التليفون والله وقته وما رن
_لا تضوجين اتصلي عليه و اطمني يرتاح گلبج
_اتصلت بي ماكو رد تركت التليفون گلت يجوز نام بالسيارة رجع ابوي من الشغل فتح باب البيت وبقت سيارته بره صاح من الباب هيثمممممم
حنان _اسم الله شبيك شبي هيثم
_هيثممم وين وين ابننننج
_وين ابني سافر للشمال گال يومين ويرجع ليش شتريد منه
عزيز _ابنج ما سافررر للشمال صعدي شوفيلي اوراقكم اسياااا ع سريع
اسيا_ شصاير يابه وگعت گلبي برجلية
عزيز_هيثم عاد الماضي كله
هيثمممم سافر بدون رجعه شوفو شنو دازلي رسالك يگلي اني رايح بدون رجعه وبتك ذنبها برگبتك
و اني وتعب روحي وهواجسها كلنه برگبتك
يتبع...
.....
....

....

....