أنساب طاهرة

أنساب طاهرة 28

#أنساب_طاهرة ٢٨
#دنيا_غانم
اسيا : نام بابا دورت الغرفة وجوه الجرابي ماكو
جنطتي افف يجوز اخذها ويا بابا عزيز
نومت الاولاد و نمت الصبح همه جابوا الاكل وجمعونه
جانت جبن ومربى زبد وخبز
بعدنه دانكل واجه هيثم ويا شرطية
گال هيثم :صباح الخير
:صباح النور
هيثم :خابروني من الصبح حتى اشرحلهم وضع اسيا
وليش اولادي بأسم اخوي
اسيا : بس لا ياخذوهم من عدنه هيثم
:ولويش ياخذوهم يابه يلا خلصتي حتى نروح
:اي اي ع سريع مسحت ايدي وطلعت ويا اولادي
اخذتهم وياي واني دامشي مد ايده الي
اني ما مديت ايدي اصلاََ
گال :اخذي الي بأيدي اسيا
:مديت ايدي اخذتها هو لزم ايدي بقوه وراح دخل
فتحت الورقه كاتبلي خلي حجينه مطابق
كاتبلي كلشي كمت اكرر بي الحد ما طلع صاحني و
دخلونه سوه وياي اولادي سألتني
شنو سبب ابتعاده عنكم
گتلها لأن ماكو عمل بالعراق واجتنه فرصة عمل بتركيا
مدرس احياء
رجعت سألتني والمترجم يترجم
شنو صار حتى ما گدرتوا تتواصلون وما يعرف انتِ
حامل
گتلها بيتنه كله احترگ وياه الاجهزه وتغيرت كل
ارقامنه وغيرنه عنوان بيتنه ما گدرنة نتواصل
سألتني ليش ما تواصل وي اقاربنا
گتلها اقاربنا كلهم ما يعرفون وين عنوانة لأن جدي ما
يحب والدي وبسببه نقطعت العلاقة
تسال واني اذكر الورقة واجاوب
الحد ما حددوا موعد لفحص dna الاولادي
اخذنه وطلعنه هسا وين نروح
گلي لازم نروح البيتي
اسيا :هيثم على اي اساس اگعد يمك واني وياك شرعاََ
محرمين على بعض تره صار ما يقارب اربع سنين ما
شايفين بعض من غير اشهر الحمللل
:اني اعقد عليج مره لخ
:اني ما اريدك شنو غصب
:مو هنا نحجي نوصل للبيت ونحجي اني وياج
:اخذنه للبيت وهو شايل اولاده ويبوس بيهم ويناغيهم
ويبوسهم من منحرهم احس اعصابي انهارت لأن اني
تركني بسهولة بس اولادة لا غالين علية
دخلوا همه مشتريلهم اللعاب گعدوا يلعبون اني گعدت
على القنفة خابرت بابا وگتله اني ببيت هيثم
هيثم: اني جايب كلشي اذا تحبين تسويلكم اكل
اسيا : هو هذا الي تريده انت اولادك يمك و مراه
تطبخلك مووو هيثم
هيثم : ايييي هيج ترتاحين انتِ ايي اريد خدامة
:مو اني الخدامة روح للمكاتب و جيبلك خدامه
هيثم : ليشش صايرة صعبة هيج داحجي وياج واگلج
خلينة سوه وي اولادنا وهذا هو
اسيا :ايي خليك اني ما اريد مكان يجمعني بيك
ببساطة
: راح ترجعين تحبين اسيا
:اذا گلبي رجع يحبك اني اتبرة منه لأن نذل
:ميخالف نعيش خوان الخاطر اولادنة
:ما اريد اعيش خوان اني اولاََ حتى اخو ما اريدك
مطلعتك من قاموس حياتي كله و ثانياََ اني من حقي
اعيش واكونلي اسرة تحبني وتهتملي و تكون وياي من
اعجز مو حضرتك اخوة وبعدين تشوفلك وحده و يلا
باااي اسيا خلصت مهمتج ربي اولادج وحدج مثل ما
سويت سابقاََ
هيثم : نعيش هسا هيج وعود من تردين تزوجين
اطلكج
:وليش بالله اعيش وياك ما اريد
:لازززم تردين الخاطر هذولي
:سكتت عنة لأن ديراوح بمكان واحد واني تعبت من
الحجي فتح الثلاجة طلعله جبن وحمة الجاي وخله
الصينية وگعد ياكل الاولاد راحوا يمه اني سويتلهم
لفات وظلوا ياكلون
اتصل بيه بابا عزيز وگلي من باجر راح ابدي ادور بيت
بس الگه شي مناسب النة اشتري واجيبج يمي
گتله لا تستعجل علمودي اني ما عندي شي
انتظرك
رتبت البيت وغسلت المواعين هو گال اني  طالع للشغل
:هيثم لازم نسوي هذا العقد الاكشر الحد ما ننفصل
:اشوف واحد اليوم ونسوي
اسيا :گالها وطلع الذابحني هو باردد ما يبين هوغلطان
ولا متندم ولا يريد رضاي ولا يريد يسوي اي شي
بالعكس كأنوا ما صاير شي
وحياتنة مثل قبل اخوان بس الفرق  عدنه طفلين
هااي شنو ولكم لويش هيج  الملابس
فوكاها نسيت ملابسكم بالكمب اتصلت بابا گال اني
اتصل بهيثم هسا يجي ياخذهن
دقايق وتصل الوتساب رقم غريب ما جاوبت رجع دزلي
مسج اني هيثم
الووو
:اني مشتري للاولاد ملابس بالكنتور شوفي
:ايي بس  جيبلنة ملابسنة اني هم ما عندي شي
:شوفي الكنتور بعدين خابريني
:سديت الخط فتحت الكنتور ابتسمت شايل ملابسها
وخال ملابسي والجنطة مالتي موجودة
جريت ملابسهم بدلتلهم جانت الملابس كبار عليهم بس
المهم شي نظيف انطيتهم تليفوني باوعوا شوي و ناموا
اني سبحت وبدلت لبست ثوب طويل و حجاب
وگعدت بالغرفة اجه جايب الهم كل واحد  مسدس الي
يطلع فقاعات صابون
نايمين
:ايي خليهن يمهم من يگعدون يفرحون من يشوفوهن
:اييي مو شكال الاكل ع طباخ اذا تحب تاكل صب
الروحك عفته  ودخلت يفرح الكل بس اسيا حرام يگلها
شي يجبر خاطرها على السنين الي ضاعت
اني هم من التعب والهدوء والظلمة حسيت النعاس
داعب جفوني غمضت عيوني بعدني بين
النايمة والگاعدة نفتح الباب ما فتحت عيوني گلت 
يجوز يريد ياخذ ملابس
صاحلي بهدوء اسيا ما جاوبته او ما بيه النوم تمكن
مني
رجع صاحلي ام زين كررها بأم زيد ما جاوبته
اريد انام عود بعدين من اگعد اشوف شيريد
لحضات وحسيت گلبي توقف نطبع على خدي بوسة
اريد اسمع نبضاتي وين عني الهدرجة گدام بوسة
اختفن غمضت عيوني بقوة اريد انطي خبر الروحي لا
تصدگين ولا تضعفين بس حسرته قلقلتني
هو طلع واني بعد النومة طارت من عيني شنو يريد
بالضبط يحبني ليش تركني كل اعذارة مقنعتني.
يكرهني لويش هيج ديسوي عقلييي ما يستوعب
تصرفاته
گمت فتحت الكنتور طلعت الملابس وگعدت اطبگهن
وبالي يم الي سوا شيريد بالضبط مني اني تعبت والله
بالگوه مقاومة خليت الملابس و فتحت جنط الاطفال
ما كفه الكنتور الجنط مالتنه اخذت هواي مجال
طلعتهن على صفحة وخليت الملابس
گعدوا من النوم وشافوا العابهم طلعوله يلعبون ويا لگوه
نايم بالصاله
زين يگل الزيد دعدعة (گعدة)
زين حاف (أخاف)
هيثم كام يهتز من الضحك دارلهم گلهم تعالوا اني منايم
:شالهم  على صدرة ويبوسهم من منحرهم تذكرت
البوسة دنسيها يمعوده هيه بوسه شخبصتينه
حضرتلهم الاكل وگعدت اوكلهم هو گدامي گاعد بدون
تشيرت بعدهن تقاسيم جسمة نفسهن دنگت وستغفرت
ربي
اكلوا والتهوا يلعبون بالمسدسات اجه وراي للمطبخ گلي
لويش لابسة حجاب
:لأن ما اعرف وضعك ووضعي شنو
:دذبي اني من يمي اختنگت
:لا شكرا ما ناقصني ذنوب اني
:وشنو بالله الذنوب العندج
:اكبر ذنب بحياتي واتحاسب عليه قيام وقعود يوم
القيامة هو تزَوجتك
هيثم :ما اريد الجهاليسمعون حجيج لا تخليهم يعرفون
بينه خلافات
:اذن لا تحجي وياي ابو وجهين بعدته وخليت المواعين
ورحت يمهم گعد گدامي  يلاعبهم ويباوعلي صفح اني
ربطت حجابي بقوه لو تمووت شعرة من شعري ما
تشوف
هيثم : امس اتصلت بنمارق
اول مره اشوفها هلگد فرحانه وباركتلها هم ع الحمل
:اييي اكو رياجيل من الله يريحون الگلب
هيثم : جنت منهم اني
:فعل ماضي
هيثم :
بابا روحوا لعبوا بالغرفة
اسيا :گمت اريد ارَوح َياهم لزمني من ايدي
:شدسوووين انتِ
:انت الي شدسوي اني ما اريد اعيش وياك انت
دتجبرني فٓ تحملني
: اني ما اريد اجبرج اريدج يمي انتِ وياهم مو امة
محمد كلها عايشة وي اولادها شنو بس انييي حرام
:هذوله اولادك وروح عيش وياهم اني شنو ذنبي اعيش
وي واحد ما رايدني
:منووووو گالللل
اسيا :هو نتر بحجايته وصرخوا الجهال ركضنه اني ويا
لگيت زيد حلگه كله دم يبست بمكاني اني وبس اصيح
بيي هيثمم ابنييي هيثمممم
جرا من اللگاع للمغسله
زين :هو ما توكح الجنطة مو حبابة
اسيا :باوعت للجنطة كلهم واگعات الله ياخذج يا اسيا
لوو خالتهن بمكانهن لوويش طلعتيهن
هيثم :ما صارر شي لا تولوللين طلع الدم
هاي الجنط ليش هنا
اسيا :اني طلعته لأن ماكو مكان بالكنتور گلت بلكي
اشوفلهن مكان
انطلنيا لا تخافين ما بي شي عاض شفته الظاهر من
داخل ومشگوگه
اسيا :حلگه بسرعة ورم ويشهگ حبيبي
هيثم :اكو بالسرداب جوه مخازن الكل شقه
اني هسا اوديهن
اسيا : خلي نطلعهم شوي بلكت ينسة
: بدلي وتعاي ورانه
اسيا : بدلت ع سريع ونزلت ويا كاموا يلعبون بالطوبة
نسه وجعه بس حلگه صار شكبرة
باوعلي وگال ترحون يم اهلي
:ويشوفونه هيج يكومون يحجون علية
:شنو ليش يحجون قابل انتِ اذيتي
:همه لأن يحبوهم ما يقبلون خليها باجر بلكت يخف
الورم
:براحتكم
اسيا :واحنه نحجي سمعت عراقيين يحجون
واطفال يلعبون
گتله هذولي عراقييين
:هنا الاغلب عرب او بولندين و باكستانين وافغان هيه
منطقة فرغوها للاجئين
حتى عمارتنه كلها عرب بس شقتين يمكن ساكنيها
بولندين
اييي عدنه عررب بالعماره اريد اصدقهم
:ممنوع
:لويش بالله؟؟
:اكو وحدة بالعمارة شوي سمعتها تعبانة فــ ما اريدج
تختلطين بيهم
: وشلون عرفت خاف جنت مصاحبها
گلي :اسيا صيري خوش بنية
:لا جديات گلي شلون عرفت
:شفتها وي واحد بالعماره
:شسوي؟
:شرايج ارويج شنو تسوي
:اني ببلاها گتله صورتها راويني احب الفضايح
:لا ارويج عملي
:شكرََا استرهم الله يسترك
:هههههههههههههههه شفتها وي واحد بالعماره بوضع
مخل وزوجها المسكين يراقب شكو شاب بالعمارة
:وشنو سوو خافوا اكيد
هيثم : الگ....  ما تخاف اجتني البيتي تگلي لا عبالك
اني اهتميت اذا تحجي كلمة اذبها براسك ما تشوفين
جلبت  بيج
:هااااا تريدني انقذك  من مصايبك
:لا والله اضحك وياج شلي دخل اني رجال اروح بدربي
واجي بدربي بس هيه بت حرام وكلشي يطلع منها
:ايي كلشش
هيثم : ما تعرفين شنو بالگلوب فـ  لا تحجين
:گلي شنو بگلبك
:عيب ينحجي
:ما گدرت اسكت اكثر گتله يعني اذا تقصد تحبني يعني
حبك الي شي عيب؟
: خلاص اسيا مو گلنه فتره وترجعين يم ابوي ليش
اضغطين عليه
:اني الصادمني هذا وجهك وين جان ما شايفته طول
حياتي هذاا السم الدتبثه علية وووين جنت ضامه
واني جنت عبالي اعرف كلشي عنك واگلهم اعرفه اكثر
من روحي
اجه يوخر من يمي گتله من بعد هذا كلامك لا اني اخت
ولا زوجة مدام حبك الي عارر و شي تخجل منه
فـ انتظر الراح يجي منييي انييي هم ما اريدك
واريد  احب وانحب ومن باجر احقق الاريده عفته
وصعدت قهرني كلامه انيي عيب اذا يحبني حبه اليي
عيب و اني الهتميت بأدق تفاصيلة مو عيب علية
يضيع عمري وياااا
قفلت باب الغرفة علية رجعوا واسمعه يلعبهم وسوالهم
اكل الحد ما دزلي رسالة زين كام يغفي
فتحي الباب
فتحته اله لگيته  شايله
هيثم :هذا نام وزيد ما يقبل يجي يمج
خليته على جرباية هيه گاعده و ما تحجي
انتِ ضايجة منييي وضايجة من كلامي
ضايجة من صراحتي وياج لأن اني هيج تعودت وياج
من كبرتي و صرت اني الاقرب الج تعودت اكون وياج
صريح
اسيا : لا تحجييي وياي هيثم كلمة لخ هسااا اطلعععع
من البيت
گلي بعصبية :
ياريت اگدر اعبر عن الاحس بييي جان مو هذا وضعنا
:عافني وطلع كذاااب
قفلت الباب ونمت الحد الصبح فزيت على لعبهم يم
الجنط گتلهم وخرووا لا تدنون يمهن هسا اطلعهن اني
شلتهن وطلعتهن بالصاله جان مبدل ديريد يطلع
هيثم : خررب نسيت امس انزلهن باعي مخزنه رقم
اربعة والمفتاح الثاني  هو المفتاح كالت المخزن  مووو
تنسي لأن اذا دخلت للمخزن ونقفل من جوه بعد ما
ينفتح الا واحد من بره يفتحة
اسيا : ايي خوش ..... باسهم وطلع
رتبت البيت وكنست واتصلت بأمي حجيت وياها
گالت ع الاساس صديق الهيثم راح يساعدهم يلگون
بيت بسعر يناسبهم
بابا عزيز حجه وياي خاف مأذيني گتله لا
وبابا سيف باله يمي گتله اليوم اجيك
سديت التليفون وباوعتلهم هههههه ناموا من گد ما
يلعبون خليتهم بفراشهم اذكرت الجنط خليت وحده
بطن الخ وجريت المفتاح الاول
وتليفوني بأيدي ونزلت هو گال جوه بس وين جوه ما
اعرف نزلت للطابق الاول واكو درج بعد نزلت ع الباب
رسم باب صغير فتحت الباب من وحده
نفتح الاضوية عبارة عن ممر طويل ومجموعة غرف
صغيره وبيبانهم عباره عن خرسانه  مو باب حتى خفت
وصار بوجهي رجال تراجعت ليورت گلي هي مدري
هاي اني من الخوف گلت السلام عليكم هو ابتسم
بوجهي وصعد باوعت للارقام هو گال رقم اربعه مخزنه
لو رقم تلاثه لا اربعه لو رقم ثنين هو گال رقم ثنين
بس على شنو ما اذكر
هسا المهم المفتاح بأيدي لان اذا نقفل الباب بس
المفتاح  يفتحة امشي واحجي وي روحي خايفة
وبصوتي داوسي نفسي لأن كل ما امشي واجاوز
مسافة ينسد ضوا وينفتح واحد لخ عبالك فلم رعب
فتحت الباب الكيلون  بالگوه نفتح قوي وحديد وثگيل
بالگوه نجر الباب  شنوو هنا شصاير هذا باب لو حرگ
اعصاب بقيت ساندة الباب بجسمي ودخلت الجنط
شلون ما جان تجاوزت الباب داريد اطلع بس الضوا
الفوگاتي مفتوح نفتح باب المخزن وشتغل الضوا
بقيت جامده بمكاني بس اسمع صوت نفسي
وهمه گدامي هيه هيه لازمته وتبوس بي
وهو دينزع بلوزة  هو وجه الي من باوع وشافني اني لا
اردياََ دخلت للمخزن مالتنه وسديت الباب
ما اسمع شي عبالك الباب عازل طلعوا او بعدهم
بالمخزن ما اعرف   بس كل الي اعرفه جسمي يرجف
كلي ارجف رفعت تليفوني داتصل بهيثم ماكو اشارة لا
اتصال ولا نت
بقيت واگفه بمكاني والمفتاح بأيدي اخاف افتح الباب
ايي شنو قابل انتِ شدخلج اذا شفتيهم دنگي وصعدي
للشقه واذا سوولي شي لا لا قابل شيسولج انتِ مخبلة
يا يمه اعصاب ما بقت بيه
خليت المفتاح بالباب اصلاََ المفتاح صغير
عزززا بعينج اسيا
گلج المفتاح الثاني وانتِ خذيتي الاول
كمت ابجي ولدي فوگ التليفون مابي اشاره والباب ما
ينفتح كمت اضرب على الباب واصيح هيلب يلعن
يومج اسيااا شنزلج شصخمج گعدت بالگاع ابجي اريد
بابا عزيز بس هو يطلعني من مصايبي
ياررب ولدي فوگ ساعدني
حاولت اتصل بالتليفون ماكو طوارئ واني شعرف من
طوارئهم اضرب ع الباب وماكو فايده
باوعت الساعة التليفون الساعة ١١
هيثم يجي بالاربعه يعني بعد خمس ساعات ياله يجي
هيثم و اهلي هسا مستحيل يفتقدوني لأن قبل شوي
خابروني وولدي فوگ وحدهم اذا گعدوا شلون اضرب
بكل قوتي وبكللل ما بيه
واگلهم فتحولي الباب والله ما شفت شي هسا اني
شدخلني واذا دتسون مصايب اني شنوو فتحووولي
الباب اطفالي فوگ لا يحترگون لا ينتلون فدوووه
فتحولي الباب
الحد الساعة ١٢ واني اصرخ واضرب بس ما من مجيب
وكل ما اجمع قوه ارجع اضرب ع الباب بس
بدون فايدة الحد ساعة ٥ ونص نفتح باب القلعة
باوعلي نزل ااولد من ايده ونزل ايديه الحد اركباته
وگال : گلت عافتني وراحت
گلت هاي المره بدون رجعة
طلعني من المخزن وحضني حيللل الدرجة توجعت
وبجه ساعه صارلي ادور عليج گلبي نشلع من مكانة
عمي اني جذاب واني اكابرر لا تشوفيني هيج احجي
والله اجرع الدم قبل المررر من أذيج بكلمة انييي ميت
بيج موو بس احبج
انتِ نومة العين من صرتي الي وحلالي طارت النومة
منها
وما تنام الا تشوفج يمهاا
اسيا اني مو گد كل الحجي الحجيته ولا گد كل
تصرفاتي واني كل بوسه منج الي انتهيت بيهااا وكل
مره تقربتي بيها الي اني جنت متمنيها
نكرتهن وهجرتج بس يشهد الله اني ما مرتاح من يوم
التركتج خفت من الناس ايييي
بس بهاي الساعة خفت تضيعين مني مره لخ
احبج اسيا وحق فاطر السموات والارض
انتِ وولدج بگلبي
َاذا عبالج اني اجيت للمطار  بس الخاطرهم لا والله
اني ردت سبب يرجعني بعد ما نهزمت منج
وولدي رجعوا امهم الحضني مره لخخخ
حجيت عليج وجرحتج بس حتى لا احس روحي
ضعيف ما جنت ادري اني بدونج
اصلاََ ضعيييف
يتبع .....