أنساب طاهرة

أنساب_طاهرة25

مساء الخير هذا البارت حيل طويل
و بي هواي احداث فـ الاريدة منكم باجر مااطالبوني ببارت عندي امتحان ومداكدر ادرس
فـ باجر والي بعده اعفاء وشكراََ
#أنساب_طاهرة ٢٥
#بقلم_ام_مختار
#دنيا_غانم
_انت متأكد جدو؟
_گلي سدي الخط وراح توصلج ورقة من التكت مالته
سديت الخط ووصلني على اوتساب ورقه بيضه وبيها كل معلوماته وموعد الرحلة والتاريخ حفظت الصوره بالمفضله ونزلت سألت عن بابا عزيز طالع
التزمت الصمت وما حجيت اتأذيت بس ما هتميت 
هو بعد غاب ووين ما يكون ما يهمني وولاده وراح اولد وولدي راح يسجلون بأسم اخو وزوجته اكثر من هذا بعد شنو ممكن يصيرلي
دخل بابا للبيت بس شافني عرف اني ضايجة حتى بابا سيف گال شبيج يابه
_لا ما بيه روح ارتاح هسا شوي واجي وراك
صعد بابا سيف واني جريت بابا عزيز للمكتب
عزيز _گولي يابه
_ما ردت بابا سيف يعرف اعرف بي ينقهر من هذا الموضوع اريد اگلك شي بس توعدني بالاني اريده
_شنو الي تردي
_اني وصلتني صوره تخص هيثم صح ما اعرف مكانك بالضبط بس اعرف وين وجهته جانت ارويك الصوزه بس اوعدني ما ادور علية بعد وننسه امره كلشش
عزيز _راويني
اسيا _فتحت التليفون وارويته الصوره سد التليفون ودفعه الي وگال _ليش ما ترديني اجيبه
_ما اريد يابه مدام انت لگيت حل الولدي خلاص اني ما اريده يطلع من حياتي بعد شبح هيثم لازم يتركني انيي تعبت ومليت من اوجاعي ما اريد اولادي يطلعون للدنيا واحنه بدوامة نبحث عن اب ما اعرف وين غايب خلاص نسكت والله كريم الحد ما يكبرون
عزيز _لا يابه غلطانه مو هيج الحجي اني اريد اسجلهم بأسم رائد لأن مجبور الخاطر مستقبلهم بس اولادج بس يوعون و يفهمون الي راح يعرفون ابوهم منو وارويهم صور وكلشي احجيلهم باجر اذا متت الله يحسابني عليج مو على ولدج خفيت نسبج وفكرت زواجج من هيثم صالح الج بس طلعت غلطان فـ ما اضم عن احفادي هذا الشي لازم يعرفون ابوهم
اسيا: براحتك بس اني هسا الي يهمني لا ادور علسه ما اريده يطلع بحياتي بعد
گلي مثل ما تردين هذا هو بس منو دزلج الرساله؟
_جدو سعدون هو گال اساعدج وجابلي صوره من تكت
_ابويه غريب مو عادته يساعد احد
_خلي نگول مكسور خاطره عليه يا عمي ضمير وصحه ههههههه
_الله يهدي قابل شريد من عنده
اسيا _طلعت من المكتب مرتاحه اتلمست بطني اني وياكم الاخر يوم بعمري ما اتركم لحضه وولا اقبل واحد يأذيكم بكلمة ما يريدني لا يريد ما توكف الدنيا عليه وولا اني واگفه عليه.....
اييي احبة ويمكن حبي اله ما تزعزع ولا قيد شعره
بس مو معناها استقتل علية لازم اتعلم على غيابه لأن ممكن يطول خمسة وعشرين سنة...
بابا حجة وي انوار وجان شرطها بيت وحدها وطبعاََ بابا قبل هم علمود لا تصير مشاكل بينها وبين نمارق
بس رائد اعترض بس بابا گله كافي ظلم بنت اخوي صح عدها سوالف تضوج وهذا طبع نسوان بس مو معناها تشمرها وهيه بعدها طفله قضيت على شبابها وخليت طفل بأيدها ومعاند اذا انت ما يعجبك رجعها على ذمتك و تكسح مثل ما اخوك سوه
_ياله بوقتها رائد طخ للموضوع وبابا انطاهم شقة من الشقق ومنها حتى ليث من تنفتح الحضانه يخلوا يمهم وهيه جانت كلش متونسه بالعروض الي هلت عليها فجأة واني من اتذكر ولدي راح يتسجلون بأسمها اشيل روحي وافرشها على جمر
يعني باجر اي انجاز يقدموا اسمي ما موجود بجنسيتهم حتى حقوقي نسلبت مني بسبب تصرف خطأ بسبب مشاعر طايشة
بسبب غريزه حطمت نفسي وهاي تبعات تصرفاتي
طلع رائد من البيت وكام من يجينا نحس رجع رائد الاول فرحان ويجيب طفله ويا كبر حبيبي وكام يصيح ماما بس
نمارق _مرتك ما حاكها جلدها؟
امانة توصل سلامي َگلها حماتج تگول لو حكج جلدج احنه بالخدمة
اسيا _هههههههه عوفيها يمعوده
رائد _دعوفيها شلزكتي بيها
نمارق_لا هيج ازعل عليك عمي انا بدون ما احجي  على انوار ما اعيش ما اعيش
رائد _ادري بيج الوسواس الخناس
داخل للحمام ديرن بالجن عليه
اسيا _گعدته بحضني ولزمت اصابيعه ابوس بيهن شحلاه ونضيف يخبل و عطره وشعره
نمارق _نضيفه انوار الحقيره
_هههههههه حتى من تمدحيها تذميها
_انوار مستوطنة نفاية القلب اصبري خلي اشوف منو بالباب
_هههههههههه روحي روحي
نمارق _منوو صحت بس ما وصلني جواب
فتحت الباب صار گدامي علي مدنگ
السلام عليكم
_وعليكم السلام الوالدة حملتني امانة اجيبلكم اليوم الموطة من الكرادة تفضلي وفي امان الله
نمارق _يحجي وهو مدنگ سلمني العلاگه وهو مدنگ اصبر علي لحضه
_گولي
_انطاني ظهرا و يحجي
_عندي غراض جبتهن الها تگدر تاخذهن وياك
_ايي
_ركضت للغرفه طلعت شغلاتها   ونزلتله انطيته العلاگه ركب السياره وطلع
رائد _منو بالباب
نمارق _علي جايب موطه عمتي موصيته
اسيا _كلش طيبه من رحت ذيج المره جابولي يا يابه طعمها بالحلگ دفتحي العلبة گعدنه ناكل دقتني برجلها وحجتلي الصار
_مسكين ابن عمي گلبه يم حاكم جائر
_قصدج گلبه يم انسان ميت ما يحس بأي شي
_اكلي هسا وفكري واذا عجبتك الفكره نجيبلج علي الحد عندج
_لا عيني خليني على ذكرى زوجي افضل.....
اسيا _ بابا حجه وي محامي بخصوص موضوعي والنسب وحجاله كلشي گله
وبلشوا بالامور وصار الموضوع أنساب من مركز الشرطة الدائرة النفوس للعمارة للمحكمة
لعبوا ببابا سيف طوبة و بابا عزيز دخلوا سجن بس ليلة وحده لأن وضحوا للقاضي الامر الي حدث لأن بوقت النظام السابق  وماكو واحد من اهل ابوها يتبناها خفنه ياخذوها من عدنه وتختفي ذبوا الصوج كله بالنظام السابق
النظام الحالي تعاطف وي القضية ووي عمر بابا وطلعوا
ومن طلع بابا گال اكو ضابط من داخل السجن ساعدني خطيه كثر خيره
دائماََ الضباط توكف البابا وخاصه بمعاملاتي
وبفحص DNA الي سوينا بالشمال كله جان سهل وجانت الضباط و ما شابهه هيه تجي وتساعدني ومن نسألهم يگولون اطلعنا على القضية وتعاطفنا بس انا شكيت بكلامهم طلعت رقم جدو سعدون واتصلت
سعدون _اووو هاي منو اسيا بنت المرحومة شعجب متصله عليه
_شغلة وحده گلياها وارضي فضولي
_الي هيه؟؟
_انت الي ددز معارفك يساعدونه بالامور الي دنمشي بيها؟
گلي _لا يلا الله وياج
_وسد الخط بوجهي الي خلاني اشك بي حديث امي عن سعدون ومعارفة وفلوسة الي تخلي الكل تسويله الي يريده
و الي اكد شكوكي كلامه وياي احترگي بس حرگيهم وياج
احب بس حب عابر
جدو يوضحلي بكلامة يهتم بس ما يحب غيره يعرف بهذا الاهتمام سديت تليفوني وانطلقت الطيارة من اربيل البغداد
قبل عيد ميلادي بيوم رجعت بعد ما صار بأيدي ورقة التحليل الي تثبت اني بنت سيف
حولوا نفوسي من اسيا عزيز سعدون الى اسيا سيف غانم واللقب فرحت بهذا التغير
وبابا سيف يدگ اصبع وبابا عزيز زعلان من كل عقله ويگلي نسيتيني وقبلتي تتغير جنسيتج
_مو انت هيج ردت
عزيز _بس انتِ ما اعترضتي ايي ابوج بعد اجه شسوين بعزيز
اسيا _ثنينكم باباياتي انت بابا واحد..... واني داحجي باوعلي بابا سيف وخزرني وگال وانييي بس لا رقم ثنين
اسيا_اهوووو يووووم تعالي حضريني تعبوني تره ابتليت على عمري عود عندي ثنين بابايات
سيف _بابايات بعينج
عزيز _وقزقرط ولا تقل لهم اف ولا تنهرهما
هسا تگولين اهووو
اسيا _زعلت منكم وما احجي بعد وياكم
صعدت الدرج بالگوه واني داصعد احس بطني صارت مثل المثلث تقلصت من الجوانب وطالت من المقدمة خفت صحت الماما واني ع درج گلتلي ماكو شي صعدي هذا طبيعي صعدت الدرج ما گدرت اكمل بقيت على درج گاعدة وصلت للشهر التاسع وحملي دمرني
اسمع ماما تگوله هاي علامات ولادة شنو سويت عزيز
عزيز _مستشفى لا تحلمون تولد ما يقبلون وحتى القابلات بعضهم رفض البجر تولده يمهم
لگيت قابله بمدينة الصدر كلها مدحت بيها بس هيه تساعدني
حنان _ عزيز انت خايف عليها تموت مثل ما صار بفاتن هسا تريد تجيبها عند قابله وهيه حامل بتومممم
سيف _اكو حل ندخلها مستشفى عمي على حسابي فلوس بيتي وعندي
_يعني تتوقع اني ابخل عليها؟ اني رحت الدكتورتها وگتلها انطيج شگد ما تردين بس دخليها مستشفى ما قبلت وحجيت وي كذا دكتوره ما يقبلن الموضوع بي حياة او موت روح تطلع من روح والحالة العدنة روحين من روح
اني تره هاي الايام يمرن عليه بوجع
حتى مستشفيات اهليه رحت وحجيت وي واحد منهم رفضوا
_واذا ولادتها مو طبيعي لسبب ما شلوون
_اريدج تاخذيها باجر للدكتوره وتشوفين وتسألين شنو الوضع وتكدر تولد طبيعي اذا ما تكدر
ادخل للمستشفى واكلب الدنيا ساعتها
اسيا _صعدت للغرفة ودموعي تصب متت من الخوف معقوله اموت وهمه يعيشون ويبقون الانوار تضرب بيهم وتأذيهم تخبلت بيومها والنوم ما صاحب عيني  للصبح وما گدرت ابين الامي  البيها كافيها من يسألوني شبيج اكلهم تعبانة
سوولي حفلة العيد ميلادي وعزم بابا عمامي وعماتي حفلة صغيرونه
بابا اتصل بعلي ورزلة لان ما دخل وهو يتعذر من ابويه وبابا يرزل بي
اني لبست بدله ومكيجت واني لا حيل ولا طاقه عندي و نفسي ثگيل
احتفلنا وكل واحد جايبلي هديه بابا سيف يباوعلي ويدنگ رحت يمه گتله شبيك
_ما بيه بس اني ردت اسوي الج مفاجئة بس ما كملت
_اي مو شكال من تكمل جيبها الي انتظرك
_ان شاء الله كل عام وانتِ بخير
اسيا _طلعوا عمامي متأخرين بابا واكف بالباب يختنگ من يطلعون من بيته بعده يذكر الحادث
الحد ما اطمن عليهم كلهم ياله دخل ومن دخل صعدلي يلزم بأيديا ورجليه
نمارق _شبيك؟
_حرارتها مرتفعة گومي نروح للمستشفى
_لا يابه عليمن طبيعي الحامل حرارتها ترتفع ما بيه شي روح ارتاح
طلع من الغرفة بس بقت امي كل شوي تدخل تشوف حرارتي ما خلوني انام واني منايمة. الساعة بالثنتين كمت احس بوجع ما ينطاق شل حركتي وما اگد. ابقه بفراشي گعدت على طرف الجرباية وكمت اون من الوجع
نمارق _هاا اجتج الطلوكة
_الظاهر هيج فدوه صيح ماما بين ما طلعت نمارق اني فيضت مي راس اكو شي من بين افخاذي ديريد يوگع واني وحدي واول مره خفت حيل من الخوف گمت اريد انزل اني الماما بس گمت حسيت شي نزل مني فعل لا اردياََ خليت ايدي واحد من اطفالي نزل بأيدي گعدت بالارض من الخوف وصرخت يووووووووم
لحضات والكل صار فوگ راسي ماما ما خلتهم يشيلوني دفعت بطني و نزل الطفل الثاني هذا اخير شي اذكره.....
نمارق _من نزل طفلها الثاني هيه صارت زرگه بابا عزيز كام يلطم عل راسه ابوها سيف شالها وامي شايله الاولاد  انطيتهم الجنطة الهيه محضرتها خلوها  بالسياره ورجع سيف  جر بابا وطلعوا اني وحدي بالبيت اتصلت برائد ما جاوبني
انوار ما عندي رقمها اتصلت بعمتي ام اصيل خطيه جاوبت مفزوعه
واني ابجي وخايفه فدوه عمه تعالي ع سريع اني خايفه وحدي
ولا تكطعين الخط اسمعها طلعت ع سريع تصيح العلي تگله نمارق وحدها بالبيت واسيا دتولد واخذوها اسمع يگلها گليلها لا تخاف هسا بس البس انعالي ونطلع ع سرريع
طول الطريق اسمع عمتي تگله ما لبست شي جاي بالشورت بالشورت وهو يگلها كليلها لا تخاف خلي تخلي قرآن بالبيت هسا دقايق ونوصل
اقل الربع ساعة وصلوا وعمتي تصيح عليه
من دخلت للبيت اني ارتاحيت
ام اصيل _انطيني اي شي من ابوج اجه بالشورت والفالينه الكيمون
انطيتها ملابس وطلعتله
نمارق _اتصلت برائد ماكو لازم يروحلهم
عمتي حاجت علي وخلته يروح البيت رائد
الساعة ١٠ الصبح رجعت اسيا وهيه على الكرسي واولادها واحد بأيد ماما وواحد بأيد ابوها
ولاده يعجب الها اهل الارض القابلة تگلهم مولده نسوان طبيعي بعدد شعر راسي  وبجر  بس مو مثل ولادتها وسهولتها من واصلين للعيادة المرأة دتفتح الاضوية لأن متصلين عليها وجايتها حالة ولاده ودخلت اسيا الها
الاولاد گالبيت الدنيا بالسيارة الحد ما گاطعين السر ماما ماسحتهم وملبستهم وراضعين ونايمين
واسيا ما طولت نومتها غير نص ساعة
بابا عزيز زعلان عليها شلون تنامين وتسوين هيج بيه گلتله والله ما اعرف شلون نمت بس حسيت براحة مو طبيعيه بحيث عيوني من وحدهن انسدن
نمارق _عدت ولادتها سلامات بس بابا عزيز من يومها صار بي سكر اثر الهبطة من شافها
بيان الولاده طبكته وانطته الامي كلتلها ما اريد اشوفه يوم ما اريد اشوف ولدي مسجلين بغير اسم ضميها الحد ما الله يفرجها
اسيا _اباوعلهم مستغربه امس ببطني اليوم يمي
صار عندي زيد وزين صغيرونين كلشش
الجرابي اجتهم هديه من عمي امير
والملابس كلها من عمي لؤي و عمتي كوثر دلعتهم كل واحد ميتين وخمسين الف
ما ينزلون بالگاع خاصه بابا عزيز من يجي ويشوفني يرفع ايدي الرب العالمين ويكوم يتحمد ويتشكر هنوب يجي يبوس و يكرص
عزيز _الفرحة  فرحتين
اسيا _شنو هيه الفرحتين؟
گلي _گمتيلي  بالسلامة وشفت اولادج
ابتسمتله ادري الكلام مو صح الفرحتين لأن همه اولاد هيثم واولادي
بابا وماما شگد يكابرون كدامي وينكرونه ويحجون عليه بس ماما من يندگ الباب تطلع تباوع وبابا فد مره سمعته يحجي وي رائد يگله من راح  نكسرت وفراگه خلاني الليل ما انامة ما اعرف هو زين لو لا
عايش لو ميت
نسانه معقول نسانه......
نمارق _وين صفنتي؟
_لا ما صفنت شنو وين زيد؟
_ابوج ديلعبة
نزلت الهم انتبهتله عيونه مليانه دموع عبالي احد مضوجه شكو شصاير لويش عيونك مدمعة؟
_صارت عندي عائلة بنيه واحفاد بس فتونه ناقصهم ياريتها ويانه
_الله يرحمها
_جنت أجل الروحة القبرها بس بعد ما اگدر اريد اروح انتظرج تخلصين الاربعين و نروح شتگولين؟
_اني من عرفت الهسا ما رحت ما اگدر اروح جنت كل ما اروح الومها واحجي عليها لأن بسببها بابا عزيز متأذي واخجل هسا اروح
_يجوز ترتاح من نروحلها خلي نروح نقوي نفسنا ونروح
_أن شاء الله ان شاء الله اخذت زيد منه وصعدت ما اگدر اروح انقهر بالزايد امي هاي واني جنت احجي واتحسب عليها و جنت أذيها بكلامي شلون اروح اوگف يم گبرها و اني غلطانه بحقها اخجللل
رضعتهم وخليتهم بالجرابي مالتهم ثنينهم حاليا بوحده لأن صغيرونين بس ماما جانت هواي مركز برضاعتهم كل ساعتين تصعد يلاا يابه رضعيهم
وتغسل وتبدل و الضوا ميطفه تخاف عليهم من ابو صفار و من سبحتهم اول سبحة انطت صدقة
وبابا من كبر بأذنهم گلهم انت زيد ابن هيثم و اسيا وانت زين ابن هيثم واسيا فرحت اسمي انذكر ايي همه ولدي اني مالي دخل بالورقه    
بس هاي الورقه دمرت نفسيتي كل ما افكر بيها ابجي كلبي يوجعني ولدي ومو بأسمي حيل توجع
نمارق _ هاج
_هاي شنو؟
_اجه ضياء خطيه المسكين يسلم علينا وسأل عنج يگول والدتي تريد تطمن عليكم
گتله زينه
_ووين هسا هو
_وين راح محد بالبيت باباياتج على گولتج بالحضانه وامج وياهم
_خطيه الله يجزيهم خير
بالليل اجه هادي هو واهله جابولي الهداية وامه دلعت اولادي وتناغيهم بكلمات حلوة
گال هادي _حلوين الله يحفظهم
_تسلم رحم الله والديك
اباوعله هادي متوسط الطول شوي تارس
وجهه حلوه وعيونه شعره جماله حلوه والاحلى دائماََ مرتب ونظيف ريحة توصل السابع جار
يحجي وي بابا علمود بيت بالكرادة شايفة يجذب النظر بكلامه وگعدته
واني صافنه بي انتبهت يباوعلي ومبتسم ع سريع دنگت هسا شيگول عني والله عيب
من راد يطلع تقربلهم وخله فلوس بكماطهم وبوسهم وگال خسران الما يسأل عن هاي الطيور
و اليمامة
من گال يمامة باوعلي
اجيت اكله شاهيني علگ وطار بس استحيت باوعت النمارق وضحكت
من صعدت واني انوم الاطفال گلتلي اذا طلكج هيثم تزوجين
_يمكن بس اشرط اولادي وياي اذا قبل العريس الي يتقدملي اي ازوج
_احنه ليش حظ ما عدنه اني زوجي مات وانتِ ما اعرف اختفه
_مو مثل انوار شعجب ما گلتي هههههههه
_نسيتها خرب حظي صدگ مو مثلها
_سؤال اذا يخطبج علي توافقين لو لا
حسيت السؤال يعنيها باوعتلي وتحسرت
حتى لو جنت اريد هسا مو الا علي اي شخص
هم ما اگدر بعد
_لويش؟
_اصيل وكلشي بي صعب ينسي
و كلام الناس هم صعب ينسي شلي بوجع الراس خليني بيت ابويه احسلي
_خليج واني وياج والحياة حلوة.....
اشترى بابا بيت بالكرادة وهدية عيد ميلادي البيت ما قبل يسجلة بأسمة بالرغم اني رفضت بس هو گال ضمان الج والاولادج خاف يرجع زرجج وتصير اشكالات عندج بيت الج معززه مكرمة
وهذا الشي ثار غيرة بابا عزيز
وگلي تذكرين من گلت الي يجيبلي احفاد اشتريله سياره
_ايي
_هسا لازم تتعلمين سياقة َاشتريلج سيارة
_بس انت گلت للاول مو للكل
_لا لا للكل من باجر اسجلج بدورة تعليم واشتريلج سيارة
هنا اني شفت روحي هذا بيت وهذا سيارة واني بنص العزا ونمارق تلطم وتگول عيوني بعد ما تفيد بس بابا گال ثنينجن تعلمن واشتريلجن ثنينجن
كمت اترك اولادي بالحضانه يمهم و اروح لدرس السياقة ونمارق كل شوي ادزلي رسالة ولج اخاف ادعم السيارة بالحايط و يضحكون عليه
تچبنی و اني اچبن  بيها
نزلت للشارع الرهبة متملكة گلبي اخاف بس الي دربتني جانت بنت حلال وبأسلوبها  سحبت الخوف من گلبي
وتعلمت القيادة وبابا اشترالي سيارة وحتى لا نمارق تنقهر لأن بوقتها ما عنده فلوس گلها تردين سيارتي لو تنتظريني شهرين واشتريلج
گلتله   انتظرك
بس زعلت لان اشترالي قبلها
وحقها تزعل بس هو گلها اني وعدتها الاول عيب ارد بكلمتي بس وعد اشتريلج سياره احسن من سيارتها  كامت تطلع بسيارتي لو نطلع سوه الحد ما اشترالها سياره احسن من سيارتي واني هنا غرت
عزيز _وعدتها وعيب ارد بكلمتي
_هههههههه عزيز ابدد ما يرد بكلمة....
مر سنة على ولادتي تعودت غيابة
اذا اجه طاري هيثم استغرب اگول ميخالف خلي ينساني مو مهم بس معقول نسه امه وابو اباوع الاولادي ينكسر خاطري عليهم وارجع َاگول عايشين وافضل عيشة وهذا المقسوم
احنه نهاية ٢٠١٥ هنا الناس ضجت بالسفر عبر البحر
وبابا راد يبيع كلشي ويطلعنة بس ماما خاف على احفادها وگلتله نسافر بس مو بهاي الطريقة
عزيز _ماكو طريقة غيرها
_بيع العمارة و سويلنه فيز تطلعنا الاوربا وهناك نخلي محامي عود
_رفض بابا لان اذا بصمنه للفيزا بعد محد ينطينا لجوء حاول يقنعها رفضت گلتله احنه خلي نموت بس احفادنا شنو ذنبهم سكت عن الامر
وگلها خلي  نشوف بالاخير شنو يصير
جان يتابع الاخبار و الكروبات مالت السفر
لأن سمع الدول اتفقوا يعبرون الناس بسيارات
ما صدگ بس گال عسا ولعل نطلع
بابا اذا قررتوا تسافرون اني ما اگدر اجي وياكم
عزيز _ليش
اسيا _وبابا سيف؟
سيف _كلنة نطلع يابه محد يبقه شنو الذكرة الحلوة الهنا شنوو خلصتها اشرب سقم نطلع يابه بس خلي ابوج عزيز يلگه طريقة واني ويا
اسيا _تحسرت براحة عبالي يرحون ويتركوني بس الظاهر متفقين  الاصدقاء بس ما صارت ماما رفضت واكيد كلامها يمشي عزيز ما يكسر كلمتها
عزمونة بيت عمو امير ورحنة من ولدت الهسا ما رايحتلهم بابا سيف راح للبيت گال اريد ارتب بي كم شغله الحد ما ترجعين
بدلنة وطلعنه اولادي من يشوفون بابا عزيز يزحفولة وهو يشيلهم من ملابسهم ويگلهم اخخ يا ولد هيثم ربيتولي علة بگلبي
اسيا_مثل امهم.
عزيز_همه عين وامهم عين
_سالمه عيونك
عزيز_حنان زيد نسخة طبق الاصل من هيثم
_ايي كلش بس زين يشبه ابو اسيا
اسيا _ زيد جان بمثابة عقاب يشبه كلشش
ساعات ارضعه واني اباوع بكلشي الا بوجهه كل تفاصيله تشبهه حتى شعره الخفيف وهدوئة عكس زين
من رحنه البيت عمو امير جدو سعدون جان هناك بس ابد ما  حجة وي بابا ولا گال كلمة تغث خليت ولدي يمهم ودخلت اساعد البنات وجانت انوار جاية نمارق ما تسكت وهذيج ما تسكت
كلمة من هاي وكلمة من هاي صارت للظالين طلعت انوار الرائد گلتله رجعني للبيت خواتك ما يستحن وما اريد ابقه بمكان هنه بي
اسيا _اني شدخلني شنو قابل حجيت وياج
نمارق _ابوية ما يگدر بس على امي هييي احجي وياي اسيا ما حجت وياج جبانة
انوار _بعد الله شيسوي بيج حتى رجلج اخذه منج من حقارتج
اسيا _نمارق گلتلها حظي مو مثل حظج ما سامعة حظ العواهر جواهر بابا ضرب نمارق
انوار _ايي هم صحيحح ههههههه اني الشلت خيستجن وسجلت اسم ولدها بأسمي حتى استر عليها
اسيا _اني بطبعي هادئة وانسة و اسامح بس من جابت طاري ولدي لگيت روحي منبته اطافيري ببلعومها و دموعي شلال اذاا مره لخخخ تجيبين طاررريهم امووووتج تسمعين لزمني بابا و جدو سعدون بعدني عنها
اسيا_ ولدددي خططط احمر حقيرررة دائماََ هيه تعاركج وانتِ تجين عليه واني اسكت اگول ميخالف اخوي رائد خطية يصير بيناتنه بس اذا جبتي طاري ولدي اشكة الحلكج طايحة الحظ طلعتيها من ماعونها انييي ما سجلت ولد بأسمج لأن راضيه بس انيييي الانسان الوثقت بييي خذلنيييي انييي بنيه مثلج بدل ما تكونين وياي على زمان صرتي انتِ والزمان علية
الرجال الييي امتوني راحت واني اداري لگيته هو الكاسر متني شلته ببطن عني وهو شال نفسة وهجررر اني شنوووو ذنبي
انوار _ من خباثتجن
سعدون _خلااااص  انوارررر  لمي اللسانج لا اطيح حظج وانتِ ولج بت عزيز اذا مره لخ جبتي طاري بت عمج بشينه اكسره الراسج
اسيا _باوعلي واشرلي مسحي دموعج مسحتها واخذت ولدي وطلعت للطرمة
شگد جنة فرحانين لأن جدو ما حجة شي هنه خربن علينه
رجع جدو من المحل بأيدة حلويات جبس ومصاص خلاهن يمي هاي الجهالج
_شكرََا طلعت الحبس خليته بأيدهم على صوت الجيس هم يتونسون
_لا تبجين اذا كل واحد يكلج كلمة تبجين
شلون تاخذين حق اولادج
_قهرتني اني الورقه مالت بيانهم ما شفتها لأن تأذيني من اشوفها واسمي ما بيها  وهسا تحجي عليه
سعدون _ختولي هذولي ولدج وانتِ امهم وان شاء الله خير گومي لا تبجين
_مسحت دموعي وباوعتله جدو شو صاير حنين
رفع العوجية يريد يضربني اني ع سريع حميت روحي هو ضحك
_لا بارك الله بيكم من ولد كلشي معاجبكم
_ههههههههههه عافني ودخل
سالت على نمارق گالوا فوگ بغرفتها صعدت ع سريع ليش خلوها تدخل للغرفه لگيت علي واگف يم باب غرفته  و مدنگ فتحت الباب عليها لگيتها صافنه وبس دموعها تنزل
_گومي ننزل
_ما اريد خليني مرتاحة هنا
_لا تبقين هنا وتقهرين روحج نزلي وترحميلة احسلج
_باعي بقت بس صورة معلگة  ما بقالي منه شي
راح ما اصدگ ما اصدگ تركني وخلاص بعد لا اشوفه ولا احضنه ولا يضحكلي ولا يمازحني ولا يصيحلي نونه اسيااا مداطيق الدنيا بدووونه
_گووومي نمارق ما قبلت مديت راسي من الباب. گتله تعال ساعدني نطلعها
علي _خليها ترتاح وتطلع هيه
اسيا _بالگوه نزلناها ورجعنه للبيت
بابا عاقبها واخذ منها السيارة. لأن حجت على انوار والعرفنا رائد ضارب انوار امها خابرت امي واعتذرتلها و گلتلها
امي منعت اي زيارة العمامي اذا هيه موجودة
وبابا حتى ما يخلينا بس بالبيت اني ونمارق خلانا نشتغل بالحضانه هم اولادي يمي وهم ينطيني راتب شهري صارت حياتي الاولادي و الهاي الاطفال الي يجيبوهم يوميا ادور على النت العاب و اشتري واروح العب وياهم و نمارق تعلم الاولاد الي بعمر روضه بحيث بابا فتحلها صف بس ادرسهم التهت بيهم وتروضت
نرجع للبيت كلنه تعبانين انام حتى بابا سيف وي بابا عزيز
المسكين ضياء كام من يجي ما يلگه احد يترك الغراض يم الجيران و يتصل على بابا يسأل علينه
كلنه
الحد ٢٠١٧ صار عمر اولادي تلث سنين
وبابا عزيز ما ينزلهم من ايده وما يصيحهم زين و زيد كله ابن هيثم واحد ابن هيثم ثنين ويراويهم صور ابوهم ويگلهم هذا بابا وحتى صور عرسنا راواهن الهم كلشي يخص ابوهم حجا الهم بالرغم همه صغار بس هو هيج جان مقرر
قرر بابا عزيز يبيع كلشي ونطلع الاوربا
وهالمره  القرار نهائي بدون رجعة
رائد _ وتخلوني بالعراق وحدي اتخبل يابه مو كافي اني بعيد عنكم
_محد يبقى هنا الكل يطلع
اسيا _وشلون يابه شلون نوصل
عزيز _الشركات دسوي سفره لليونان بس نخلي مبلغ بالبنگ في حال ما رجعنه ياخذوا نخلي مبلغ ومن اليونان نترك الگروب واحنه نسوي الي نريده
اسيا _بابا سيف شنو تگول؟
سيف _ فلوس الي جمعتهن من ايجار البيت و شغلي وي عزيز  كلهن طول هاي ال ٣ سنوات خمس ملايين بس اسلمهن الك و انت بعد بكيفك فكرت ابيع البيت بس گلت سند لبنيتي
عزيز _لا تفكر بفلوس سيف بيتي ما راح ابيعه بس ابيع العماره
اسيا _وسيارتي هم بيعها
الكل قبل يبيع سياراته ونطلع بس الشرط جان لليونان بطيارة مو عن طريق البحر
بابا اول شي سوا اخذني اني ورائد للجوازات طلعنه للاولاد جوازات هنا صارت من صدگ وشفتهم بغير اسمي بأسم انوارر و رائد مسح على ظهري وگلي بس بالاوراق لا تخافين
_اني افتخر ولدي بأسمك بس ما اعرف شلون اوصفلك احساسي اغار عليهم ما اريد يسجلون غير بأسمي تعرف شنو اقصد
رائد _فاهم وعارف وحقج
اسيا _ رجعنه للبيت لگينه علي واگف يم الباب رحب بي رائد وگله ادخل گله انتظر عمي متفق ويا وهسا يجي وادخل عود
گله  رائد _شو انت ناقص دفووت لا اطيح حظك واكف بالباب شنو
_بالگوه دخله سلم على امي ودخل للمكتب بحجة ينتظر بابا بس رجع دخله ابوي اسمعه يرزل بي شلون ما يدخل للبيت
علي _حقك عمي بس اني الي اسبابي
عزيز _وشنو هاي الاسباب
علي _اني سكتت سنين وفوضت گلبي الربي
بس يا عمي اني دم ولحم وگلب ما يگدر بعد
عزيز _شنو الغاز احجييي
_عمي اني مراهقتي بلشت بيها و هسا الشيب ترس راسي واني بعدني من اشوفها اراهق
داخل عليك اسمع شنو راح احجي وانت بعد بكيفك توكف وياي لو لا..........
.............

اسيا _ قبل سفرنه بخمس ايام اجه ضياء بالليل بعد ما اتصل ببابا يريد يطمن علينه وگله بعد خمس ايام اني طالع لليونان اجه ثاني يوم
بابا من راد يطلع زيد وزين كاموا يبجون عليه شالهم وطلع للولد راده يدخل ما قبل ضياء گله بس اجيت اودعكم واعرف وين رايحين
عزيز _والله ماخذ الاهل ورايح لليونان ومناك اطلع
الاي دولة تعبت بعد اريد ارتاح
ضياء بس خلونه على تواصل
_اكيد الفيس مالتي موجود واي وقت تحب راسل واتصل
ضياء _ان شاء الله
فدوه الله هذولي ولد رائد وين البذات ما يجي اشوفه
عزيز _لا والله رائد مو هنا وهذولي ولد هيثم مو رائد
اسيا _يگول بابا من گتله هذولي ولد هيثم استغرب
وانصدم وگايله شلون بابا حجاله الصار
الولد راكب سيارته وطالع بدون ما يحجي
حتى بابا استغرب تصرفة
اني خجلت گلت البابا لو ما حاجي
عزيز _وين ادري عبالي يعرف وين ادري هيج يستغرب المهم حضروا جنطكم ما بقه بس خمس ايام
اسيا _كمت احضر بجنطنه
وامي تلم بغراض البيت و خلت كلشي بالمكتب وغطته دگ تليفونها الماسنجر تركت الغراض وطلعت بقيت انتظرها اتأخرت يوم وين صرتي تركت الزولية وطلعت ماكو باوعت للمطبخ هماتين ماكو طلعت للطرمة هيه رأساََ نزلت تليفونها
وين رحتي منو اتصل عليج
گلتلي هاا صديقتي هسا هسا اجي روحي انتِ ارتاحي
اني تمنيتها من الله بس اريد اصعد ظهري موتني امي ما ترحم
الحد يوم السفر وامي ما ينزل التليفون من ايديها واذا اتصل تصعد للغرفة لو تطلع للطرمة قلقتني احجي وياها تگول صديقاتي اني هم ما ركزت بالموضوع
سحبت جنطي بعد ما نزلت ولدي وسديت باب غرفتي كل حياتي بهذا البيت طفولتي ومراهقتي و شبابي و ولادتي وكلشي صار بهذا البيت
صعب اطلع منه بس من لا جاره صعدنا السياره وطلعنه المطار بغداد جانت رحلتنه الظهر من بغداد للقاهرة ومن القاهرة الاثنا
جانت الرحلة المتفق عليها ٧ ايام بس بابا گال نطلع بدون ما يدرون الگروب الغير دولة
وصلنه القاهره هلكانين وبعد اكو ساعات انتظار والاطفال ما مرتاحة وما نكدر نطلع من مطار القاهرة لازم ننتظر كام رائد يتناوب عليهم وباباياتي هماتين
الحد ما قلعت طيارتنا من القاهرة الاثنا همه بسرعة ناموا وصلنة مطار اثينا بين ما جمعنا الگايد و الجنط استلمناها ماما ما مرتاحة وتتلفت  گتلها شبيج گالت ماكو شي
مطار گلنه الگايد جوه سوق الحرة اذا تحبون ترحون امي رفضت رفض قاطع وگالت خلي ننتظر الناس هنا وهيه دتحجي فز گلبي الذيج النبرة. وهو يصيح زيد زين اني التفتت اثر الصوت العالي شفته وهو يطفر القاطع البينه وبين  الصالة الثانيه
هيه لحضه بابا تركهم بالارض هو نزللهم للارض  ولمهم الصدره
  هيثم_ يا يابه هاي مو خمسة ايام خمس سنين
اسيا _اني اخذت جنطتي وصرت وره بابا سيف

يتبع.....

....

....

....