أنساب طاهرة

أنساب طاهره 29

#أنساب_طاهرة ٢٩
#دنيا_غانم
اسيا : بعدت منه باوعت الاطفالي العيون حمر
واضح هواي باجين زين متقيأ والاثر على ملابسة
مسحتهم بحجابي واني ابجي وياهم
بقوا ساعات بدوني ومحد يعررف بيهم وحدهم
باوعت عليه لگيته صافن بينه لزمت ولدي من ايديهم
كلامك هواااي متأخر اجه بعد ما النفس طابت
وبعد ما علمتني احقد وحقدت عليك
واني اشكر الله لأن تحبني حتى تعرف شنو الوجع من
تحب واحد ويرفضك
وبالنسبة الي طابت نفسي منك
وانتظر اللحضة الانفصل بيها عنك واروح اعيش حياتي
وي غيرك.... محروگ گلبي ومقهورة على ولدي و خايفة
جمعتهن كلهن وانفجرت بوجهه وكمت اخربط بالحجي
صعدت الشقتني ابوس بيهم محد انتل محد صارله
شي الله ياخذ الجنط والساعة الطلعت الجنط بيهن
هيثم :ما بيهم شي الحمد لله
:شوكت اجيت وشلون عرفت اني بالمخزن
:اجيت الساعة بالاربعه عبالي عفتيهم ونهزمتي
ما اتصلت بأهلي بس برائد گلي لا ما اجت اخذتهم
وطلعت افتر بالشوارع الحد مارجعت للبيت و  انتبهت
الجنط ماكو نزلتلج موو گتلج اخذي المفتاااح
:اخذته بس مو مالته طلع
هيثم : جان جربتي قبل لا ينسد عليج
:اصلاََ اني ما سديته بس خليت الجنط وداطلع وشفت
ثنينه جوه ما اعرف بموقف مو حلو مثل الحجيتلي
عنه وخفت و من ربكة دخلت جوه وسديت الباب لأن
عبالي هذااا المفتاح
هيثم : شلون شكولهم
:وين ادري بس الولد شفت عيونه جانن ملونات يمكن
خضر بس البنيه مشفتها
:هذوله نفسهم
:منو هذوله الحجيتلي عنهم؟
:اييي ما توب هاي الساقطة عدها ولد وما تستحي
:شلنه دخل ختولي المهم هسا جهالي بخير
هو ما جاوبني دخل اخذ ملابسة وراح للحمام 
نزعتهم ملابسهم وغسلتلهم بالمغسلة و بدلتلهم ووكلتهم
وگعدت يمهم اباوعلهم وابجي لو مطوله اكثر جان
شصار بيهم
اني شنزلني ساعة سوده النزلت بيها مسويه روحي
شاطره وسباعية همزين ما راحوا بيها اطفالي
هيثم :مگابلتهم وتبجين شكوووو
:لو منتلين لو محترگين  واني جوه ومحد يدري بيهم
:البيوت هنا كل كهربائها مصممه للاطفال ما ينتلون
حتى النقط مقبغيها وما يگدر يفتحها الا بالغ و الحريق
بعد هذا الا من الخارج والا ميوصلون للطباخ همه عدت
سلامات المهم انتِ هسا بخير
:باوعلي وتحسر
گتله اني زينه
ثاني يوم وصله بريد لازم نسوي التحليل سوينا وننتظر
بريد  منهم لخ
بابا لگه شقة   بنفس المدينة بس انوار عارضت اذا اني
موجوده ما تگعد لأن شرطها جانت ما ترجع ويانه
رائد : يابه انتوا اشتروا  وروحوا اني خليني بالكمب
هيثم : يابه لا تستعجل تگدر تشتري شقتين وحده الك ووحده اله
رائد :لا ما مجبور بينه خلي يرتاح اني مسؤول عن عائلتي
عزيز :يابه اني من شوكت افكر هيج انتظر اخوك
ونشوفلنه شقتين افضل هم اسيا ترتاح وهم انتوا
ترتاحون عائلة كلها بيت ما يصير
هيثم :ومايقبلون الافضل كل عائلة وحدها بحكم
الاستقلال هم يحجون
اسيا :وبابا سيف؟
سيف : اني راح ابقه بالكمب همه ينطوني سكن گالوا
عزيز :گتله تعال ويانه هو رافض
اسيا : اني وبابا سيف نگعد وحدنه
عزيز:  وتركيني ايي مو كتلكم هيه تفضله عليه ما
تصدگوني
اسيا :انته ماما وياك واحد يرد الوحشة عنك خو ما
اخلي وحده انت لو لا سامح الله وحدك ما اخليك
هماتين
ما فاد الحجي زعل مني وبابا سيف يضحك عليه ويگله
اختارتني انيي عبالك اطفال مووو حتى ما باقي شعره
سوده براسهم لو ما الصبغ هههههههه
رجعت للبيت طول الطريق ساكت هيثم قريب ما ردنه
نوصل گال خلي نعقد من جديد وناخذ بيت اكبر
واجيب ابوج يمنه ونعيش سوه الخاطر اولادنة
اسيا : الخاطر اولادك لو الخاطرك
ما رد علية نزلنه
من داريد نصعد صارت گدامنة عائلة عراقية سلمت
عليهم و  الترحيب الحار وعرفني عليها اسمها مونيا  
الرجال گال الهيثم
ماجنت اعرف عندك عائلة
هيثم :جنت مقدم ع لم الشمل والحمد لله اجوي قبل
اسبوعين
اسيا : هو يحجي ويا واني وي البنية عبالك المنقذ
ضحك وسوالف وهو يخزر بيه من صعدت گتله شبيك
احجي َوياها وتخزر بيه
:هاااي نفسها الي شفتيها وي الي شفتي بالمخزن
:عززززا
: بعد لا تحجين وياها و لا من تشوفيها تسلمين عليها
مفهووم
اسيا :نخطف لوني اني حتى عزمتها للبيت باجر العصر
خفت اگله وهسا يصعب نومت الجهال وطلعت داريد
اگله لگيته نايم تعبان جبت المفرش ذبيت عليه من
تعديت من يمه گلي :الخاطري
التفتت علية
باوعلي الخاطري
اريدج تبقين يمي الخاطري
اريدج الي اسيا حلم اطلكج ما اگدررر
:وما زلت اناني
:گولي الي تردين تگولي اني اريدج خليني اتعذب
بس المهم بأسمي والي وحلالي انيييي شگد ما تردين
تبعدين المهم بعدج الييي انيييي
:واني ما اريدددك
هيثم : رفعتلها الغطوه تعاي رجعي نامي على صدري
وشوفي روحج ترديني لو لا
:لووو يصير علاجي ما اسويهاا لوو امووت وانت
تحييني هم ما اريدك
:يعني خلاص البيني وبينج
:ايي خلاص
:ما اجبرج اريدج بس ما أذيج
فهميني وعذريني واني انتظرج منا الحدد اخر يوم
بعمري
: شوكت تغيرت مشاعرك اتجاهي؟
: حلمت بيج فد مره حلم تبوسيني نفسهن الشفايف
الناعمه حسيت بيهن بحلمي
وانفاسج الحارة الحد هسا حارگة صدرري
من فزيت من الحلم ما بعدت الافكار من راسي بالعكس
حسيت روحي مراهق اريد اختل وي روحي واتذكر
الحلم واحسس بي
بس ما گدرت اگلج اني احبج اخجل من الناس
شيگولون حب اخته هواي هاي الكلمة اثرت بيه و من
صار الحادث زاد هذا الحب لأن ماكو شي يردعني ولا
يمنعني
رجعت الذاكرة ورجع البلاء والتفكير والضمير لطمست
روحي ماخذ كلشي ومنهزم
اسيا :اسولفلك اني شلون حبيتك وشلون عشت بدونك
ابتسم وگلي سولفيلي
:والله ماكو احسهن كلهن صارن بخمس دقايق حبيتك
وجنت اول حب بحياتي
وصدمتني خطية گلبي اخذ وضعية الدفاع والحد هسا
ماخذها وانتهت هاي القصة
:ههههههههه گلت راح تحجي شي يريح الگلب
اسيا :الله وين رجعتني اني هم جنت بيوم من الايام 
انتظر شي يريح الگلب
هيثم : تغيرتي هواي وين البنيه الجانت اذا تشوفني
تسابق الحضني وين الجانت اقرب من روحي الي
اسيا : الله يرحمها انت موتتها
لا تقتل القتيل وتمشي بجنازته
وهسا خلي نام اني تعبت من الاعادة
باجر تاخذنه الاهلي
:اييي تدللين
اسيا : تركته ودخلت غرفتي دموعي ما يوكفن احبة مو
بأيدي هو اول واحد گلبي دگاله واول واحد اني عشت
ويا كل مشاعر الحب وضيعني بنص صحراء ما گادرة
اعرف منين الاتجاه الصحيح
وباقيه اني وكرامتي نقاتل نفتح الباب غمضت عيوني
سمعته يبوس بيهم سد الضوا وطلع
اخذنة  الصبح للكمب ومن گد ما تعبانه فتحت گلبي
الانوار وگتلها اني احبه بس مو گادرة انسه الي سوا
بيه
انوار :اووو انتِ بطرانة رائد شسوه بيه بس ما اگدر
ازعل لحضه......
اسيا :وهيه دتحجي صفنت سكتت لحضة وباوعتلي
بنظره تخوف وگلت بس تدرين انتِ صح
:شنو انوار الطيبه غادرت اجتي هسا الشريرة
:ههههههه لا بس الزلم ما يستاهلون وخاصة هيثم طلعها
من ماعونها اني منج ابدلة بهذولي السورين يخبلون
اسيا :هههههه اني هم ناوية ابدلة
شوفي هذاك الگاعد يلعب وي اطفالة بس خطية زوجته
اخمطه منها
انوار :لا الحياة تصير بيها اكشن احلى
:ههههههههه  لا شوفي هذاك اليمه يخبل شحلاتهم
المسافة البيني وبينهم ما تخليني اشوفهم واضح
بس گاعدين نمزح اريد اطلع من الكابة الاني بيها
قبل لا تنسد البيبان اجه علينه كام يلاعبهم بالساحة
ويلعب وياهم طوبة ويباوعلي اني انطيته ظهري
عزيز : راح ترحون؟
هيثم :ايي يابه
عزيز :شلونك انت وياها؟
اسيا :تقرب الي وباوعلي وگال :هيه صايرة
ادور غيري
انوار :ياا اشوفها مساع عينها على سورين و تگول هذا
احلى وهذا اصغر وهذا يناسبني
اسيا : بعد زوجينه
باوعتله هو اخذ الجهال وطلع
اني طلعت ورا ما حجيت اني اريده يغار مو جان
يحجي وي الساقطات ويخليني احترگ خلي هو هم
يحترگ
بدخلتنه للعماره صارت گدامي
مونيا هيه هيج تگول اسمها
گالت بصوت عالي :يا حيف عليكم اهل بغداد يگولون
عنكم اهل كرم و معازيب
اسيا : ابتسمت يبوو عذريني والله هسا من حجيتي
تذكرت امس عزمتج ابويه مريض ومتخربط ورحناله
مونيا :ياا صدگ هيج الحمد لله ع سلامتج
اذا تحتاجين شي احنه نعين وناوين
هيثم : بعديي عن زوجتي وفكينه شرح يلاااا اسيا
اسيا :صعدت الدرج ورا خله الجهال بالغرفة وطلعلي
وين تردين توصلين اسياااا
ساعة سوري وساعة فخرية
عگدت حواجبي منو فخرية گتله؟
:هااي الطركاعة الجوه الجاي تحجين وياهااا اني مووو
امس گتلج ما تحجين وياها هنوووب عازمتها
:اني ما ادري هيه هيج عزمتها ومن گتلي خفت اگلك
َالهذا السبب اني گتلك خلي نروح البيت اهلي و گتلها
ابوية مريض
هيثم :اسيا لا تختبرين صبري ابددد ما اعجبج ابددد ولا
عندي طاقة تحمل اشيلج واركعج بالگاع
انوار اليوم  حجايتها وگفت بلعووومي
اسيا :انوار دتكذب من يمتى اني صديقة الانوار
واحيجلها الگالته مو  صح ضحكنه شوي بس مو
بالطريقة الي هيه حجته
هيثم : مره لخ لا تشاقين شقة ماصخ
اسيا : انت مالك دخل بيه حجيتها بنتر ودخلت الغرفة
وقفلت الباب خفت منه لا يسويلنه شي بهذا الليل
الماسنجر ما وگف رسالة وره الخ وهيثم رفس الباب
وگال شنو هاي الرسايل اني خفت من رسائل قبل  لا
اشوفهن باوعت نمارق دازتلي صورة العينها مزورگه ما
اكدر اشوف باقي الرسائل اتصلت ع سريع شكوو
شصاير شبيج علي ضرربج
نمارق :اني من امس بغرفتي راحوا للزيارة وضاله يمي
هاي المصيبة الصغيرة وتعاركنك وضربتني على عيني
:وحده وحده منو ضربج
احجي وياها وهيثم خبص الدنيا فتحتله الباب
جر التليفون من اذني شبي علي شمسويلج
گلها
نمارق :مو علي اخته الصغيرة جايه زعلانه وموتتني
ضرب زورگت وجهي كله وعلي هسا داتصل عليه ميرد
هيثم :عمي امه وينهم
:ويا بالزيارة راحوا الاصيل
هيثم :ويعوفكم بدون رجال
:امس جنه بيت عمي لؤي بس رجعنه العصر وخطيه هو
ويانه وهيه عاركتني
اسيا :يحجي بعصبيه وگلب الدنيا گلاب حتى زين وزيد
گعدوا سد الخط منها واتصل بعلي رد عليه
هيثم : هساا ترجع البغداد لا هسا انييي اجييي
اختك ضاربة اختيي على اييي اساس
اسيا :ما جاوبة علي سد الخط
اتصل بنمارق ما جاوبته
يجوز خابرها علي :گتله
:اليوم  احرگة  هو واهله وانعل شرفة وشرف خواته
اسيا :اني دموعي من لا شيء يردن حجة وهو گدامي
يدافع عن نمارق وحرگ الجو بنتر گلي ليش دتبجين
:اني ما عندي واحد يدافعلي مثل نمارق
:منين يدافعلج مني عمي حترگت اني
شمسويلج هسااا مو ادوسين بطني وساكت اگووول
خطية احرك روحي حتى ترحميني اسيا
صرتلج اخ ما عجبتج صرتلج زوج ما ردتي شنوو تردين
گولييي واني اسويلج
:ما اريد شيي خلاص
حوطني بأيدة وگلي غلطت وجاي اگلج رايدج اني
احبج واريدج مره لخ تزينين حياتي جل من لا يخطأ
:ما اريددككك
:ليش يابه اجكجك
:لا  صاير حجي اريد واحد شاب مثلي يعني
هيثم : بس بلا زحمة اتصل بعلي يحفرلج يم اخووو
:هههههههههههه
هيثم :ها اخذ اهلي  وارَوح  اخطبج منهم
:هاي بالله شلون
:اخذ ابوي وامي اخطبج من رائد وابوج
:لا ما اريدك
تقرب الي اكثر من اجيت الحد هسا هو ما ركز بعيني
باوعلي ولزم فجي اريد انسه كلشي مر علينه واريد
اخلص العمر وياج
زعلانه مني والله ارد اعتبارج اجمعهم كلهم الاذيتج
كدامهم وكدامهم اعتذرلج هيج يرضيج
جاوبته :يمكن
گال  : مدام يمكن نجرب ونشوف
باس راسي وگال اروح اشوف عليوي شسوه
:روووح.
:لا تضوجين انتِ نص ونمارق نص
:ما ضايجة سديت الباب ونمت ما سمحت العقلي يفكر
خلي نشوف عود شيصير وبعدين اقرر ارجعله لو اطلك
.........
نمارق : الووو
علي : اني هسا حركت البغداد بس احجيلي شنو صاير
:كامت تحجي عليه وتگلي انتِ تردين تكرطين اخوتي
كلهم الاول موتي وهسا اخذتي الثاني هم هسا يموت
ماتحملت ضربتها وضربتني على عيني وزورگت كلها
علي : خليج بالغرفه وجاي اني كلمة ما اريدد تحجين
نمارق :كلامها صحيح زواجنه غلط اني گتلهم الناس
راح تحجي
علي :واني شدخلني بالناس اني عليه بيج اني رايدج
لجج انتِ شدتحجين انتِ شايلة طفلييي
حلم عمررري انتِ وقطعة منج
نمارق :واني داحجي ويا سمعته يگول اشهد ان لا اله الا
الله ما كمل شهادته
اني كلي كمت ارجف عليييييي
..........
اسيا : الصبح بدل واجه يمي گال اني طالع للشغل بس
ارجع احجي وياج عليج الله كااافي
هسا روح ونشوف شنو يصير گتله
سمعت الباب نفتح رجعت نمت ندگ الجرس
عدلت حجابي ورحت داريد اخذ المفتاح انطي اله ما
لگيت المفتاح فتحت الباب اني من شفت عيونه ع
سريع سديت الباب
رجع  ندگ الجرس تفضل من وره الباب گلتها
گلي بلهجته اريد احجي وياج
گتله ومنو حضرتك حتى تحجي وياي هسا اتصل
بزوجي واگله هذا واحد بالباب يريد يحجي وياي
وشايف لو اجه وشافك يصير كتلك رفس
رجع بلهجته گال ما يهمني واذا ما فتحتي الباب ما
تلووومين الا روحج
اسيا : اذا انت رجال خليك بمكانك وشوف شلون ما
يهمك قفلت الباب اكثر من مره وسويت روحي اتصلت
وگتله الووو هيثم تعال هذا واحد بالباب ما اعرف
شيريد باوعت من العين السحرية واگف ومجتف ايديه
عززا بعينح اسيااا
دخلت غرفتي وقفلت حتى باب غرفتي الحد العصر
حتى ولدي وكلتهم بس جبن و خبز من الخوف جبت
الجبن والخبز ركض و گعدت بالغرفة  اوكلهم
ندگ الباب احس گلبي يدگ برجلية اسمع صوت القفله
ويندگ الباب اتصل تليفوني هيثم
هيثم :انيي بالباب شكوو قافلته من يمج
اسيا : فتحتله الباب وگتله اخاف لأن وحدنه
هيثم : علي مسوي حادث وهسا بالعمليه لا اهلي يدرون
وولا اهله هم
:شلون عرفت
:مسوي على طريق النجف نمارق خابرتني وگلتلي لأن
هيه متصله بي والناس مجاوبتها
: وشلون وضعه يعني شبي
:ما اعرف بس نمارق متهستره تگلي تعالوا اخذوووني
ما ابقه بيتهم لحضه وتخاف تحجيلهم
:لويش تخاف
:تگول اذا يعرفون يگولون بسببي سوه حادث وكلام
حماتها نور يطلع صح عقليه تعبانه واني محتار
:خابر عمي لؤي وگله خلي بس نطمن على الولد هاي
اختك مخبلة هيه شدخلها
هيثم : مووتت رَوحها بجي وتتوسل بيه ما اتصل
:اييي دتصل ختولييي
اسيا :اتصل بعمي لؤي ودزله رقم الناس الويا هو
مغلطان بالحادث بس ابو الكوستر غلطان و هو
ومجموعة بالكوستر بالمستشفى الناس الوصلتله گالوا
وضعه كلش حرج لأن شامر سيارته و نازله بمنحدر
عالي
الكل عرف بالحادث وخواته جايات لازمات نمارق
مخلصات عليها لو ما عمي لؤي جان ماتت نمارق وابنها
بأيديهم
بابا من عرف بقه منتظر اخوته شيسون بس من خابرته
نمارق تبجي ودزتله الصور شلون مأذياتها  گال راح
احجز واروح النمارق
هيثم :خليني اني اروح  يابه انت اذا رحت بعد صعب ترجع
عزيز :يضررربني طووب المهم بنتي
هيثم :انيي رايح يابه اخذ اجازه واروح
خلوا الجهال يمكم اسيا امشي وياي حضريلي جنطتي
وارجعج يمهم
اسيا : رجعني للبيت طلعتله ملابس ولا جنطه اكو
خابرته گتله حجزت گلي اي باجر الفجر خلصتي حتى
اجي اخذج
گتله اييي هسا شوي وراح اكمل
سديت الخط واخذت كل المفاتيح ونزلت للمخزن
فتحت باب مخزنه وسديته عليه المفاتيح بأيدي طلعت
الجنطه مالته انفتح باب مخزنه
اني تراجعت ليورا عيونه ما يرحن من بالي
گلي انيي مو گتلج اذا ما تفتحيلي الباب ما تلومين
الا  روحج

يتبع.....

.....