#أنساب_طاهرة ٣١
#دنيا_غانم
#بقلم_ام_مختار
اسيا :هذا مستحيل حجي علي ديكذبون عليج
:اني بنفسي سمعته يصيح
وعمي يگول بس عرف جايه تخبل ما يريد حتى
يشوفها وبابا گال هو من امس من استفاق ما راد
يشوفج
واني گاعده وحدي وحامل وبابا توسل بيه بس حتى
يطلعلي فيزا واني رفضت گتله ما اتركة
و الله ما سويتلها شي هيه اذتني واني بس دافعت عن
روحي اني شنو ذنبي
اسيا :سكتت نمارق وهاي اول مره اشوفها هيج رد
فعلها تحسرت وگالت اني غلطانه جان لازم اسكت ما
احجي اني خسرت علي بأيدي بعرامتي وسوالفي
الماصخة بالرغم هو شگد روضني
بس اني ما اعرف اعيش وي ناس تحبني
اسيا : ولا يوم بحياتي شفت نمارق بهذا الشكل دائماَ
ادوس على نفسها وتقوي روحها هسا مسلمتها
نمارق : قبل لا يرحون للزيارة گلي رايح للامام علي
اتشكرة على كل لحضه اني دخلت ضريحة ودعيت بيها
الربي بيوم من الايام تصيرين الي
يگلييي اني احس اللحضات لحضه لحضه حتى نمارق
تجيبلي اول فرحة هسا يگلهم ما اريدددها لا هيه ولا
بأي شي يربطني بيها
راح اتخبلللللل اسيا
اسيا : حتى اخوج ما يريدني نمارق
نمارق :كلهم حقراء همه كلهم ما يجي بعينهممممم
اسيا : بابا يمج؟
:بالطرمة گاعد وشفايفه صارت زرگ ولج اخاف يرجعله
السرطان بسببنه احنه الله غاضب علينه الله غاضب
وما راح يرضى علينه
اسيا :استغفر الله يمعوده اني غطوني بالخ... وساكته
گولي الحمد لله
نمارق : مشتاقتلة اسياا و الله يووميا اطلع الصور
واگول هسا يرجع الوعية ويخابروني واروح اشوفه
ويگلي در النجف مشتاقلج
اسياا توسلت بيهم يخلوني اشوفه ما قبلوا گلولي ما
يريدج هو
ما يريدني ولج والله كله يگلي در النجف ما انزل من
اللسانه ليش هسا ما يريدني
اسيا : تبجي و تتوسل بحجيها وتشكيلي وجعها واني
استمع يمكن رحمة من الله حتى انسه وجع روحي
سدت هيه الخط بعد ما موتت روحها من البجي
والملامة باوعت البابا لكيته يباوعلي
گلي خلي نرجع للعراق عدنه بيت واني اشتغل اي شي
ونعيش
:بعد الصار ما اگدر ارجع اني هنا و ما خلصانه من انوار
وشرها
سيف : شنو الي تردي اسوي الج گولي اسوي
اسيا : خلصني من هيثم يابه بعد صعب اني وهيثم
ننجمع بفد مكان طلكني منه تعبت واني
هيج معلكني وصدگ هذا النذل
سيف : يابه سمحيلي اگلج شغله وما اريد تأذيج
حجايتي بس انا ابوج وسمعيها مني لا تسمعيها من
غريب
اني لو بمكان هيثم اسوي اكثر منه
الولد جايب رقمج وبينج وبينه رسائل تطمنين علية
اسيا :والله جان وياي بالمخزن
سيف :ليش ما خالتله رمز
:يابه اني عندي طفلين اذا لزموا يظلون يدوسون الحد
مايقفلوا الي شلت الرمز لأن ما متوقعة الصار ما
متوقعة هذا كله يصير انييي شنو ذنبييي
سيف : مروان اخذ الفلوس وراح الغير مدينة تدرين لو
لا
:الله ياخذه الله لا يراوي يوم سعادة
والله اني من شفتهم ما ردت احجي الاحد شلي دخل
بيهم
سيف :تتوقعين همه هيج سووا لأن خايفين منج؟
بالعكس لأن همه يعرفون بيج خفتي كدروا عليج كون
بالحضه الشايفتهم تلفين بخلفتهم واطلعين من المخزن
هو من نزلج للمخزن معناها مراقبج
و من سوه سوايته لأن عاجبته مريض هذااا مرض بگلبه
اسيا :لا مستحيل هو سوه هيج لأن خافوا
سيف : لااا صدگي لااا لو خايف جان ابتعد عنج
هو مسجون قبلها بنفس التهمه وبعده يزاول قذارته
تگليلي يخاف
اسيا : ربي يدمره مثل ما دمرررني
يابه الاجتماع الجاي انت روح الهيثم وطلكني
:مو هسا خلي يطلع ونحجي تردين تزيدين النار حطب
يابه هسا يگولون تريد تطلك منه حتى تلعب بيكيفها
آسيا : لزمت راسي راح انجن شنوو اسوي يطلع غلط
بقيت تلث شهر وعشر ايام بالكمب بس اني وبابا
واولادي
خابرتني ماما وگالت رائد راح يسافر الفرنسا
:شيسوي؟
:ابوج ما گدر ياخذ النمارق غير فيزا شنگن ولازم
يروحلها بالقطار ويهربها بالقطار الهولندا
آسيا : يگدر؟
:ولد مغربي راح يساعدة والله خاله ايدي على گلبي لو
ما مسافرين بس ابوووج وقراراته دمرتنا كلنهههه
اسيا :بالعكس ابوي خلصنة من اهل العراق جانوا بس
يظهرون الحب شفتي شنوو سوو بنمارق
تحسرت امي وگالت الغلط مو باهل العراق الغلط بالحية
اليمنه جاي تهدم حياتنه واذا ما تنگلع من حياتنة
تشتتنه كلنه
:قصدج انوار
حنان :ليشش اكو غيرها
اسيا : انتظري خلي تجي نمارق ونهججها اني وحدي ما
اعرف افكر هيه هم تفكر هم تنفذ واني اسند واحجيها
من كل عقلي يوم لأن تعبتني هايي الانسانة دمرتني
والله بيوم الي اشاقيت وياها وي الولد ما شايفتهم اني
وهيه ما گالت هذا حلو وذاك احلى بس گلت جاي
تضحك وتسولف شنو قابل الانسان ما يوسولف
ويضحك ما جنت ادري هيه حية استغلتها وحجتها
حنان : تريد هسا بيت وحدها خاف ما كفاها هسا تريد
بيت وحدها ولو تموت ما اخلي عزيز يشتريلها بيت
تريد تطلع ايجار الله وياها صدگ انقهر على ابني بس
لووو تموت ما اخلي يشتريلها
اسيا : عوفيها يوم.
حنان :شلووون اعوفها واني بأذني يوميا اسمعها تحجي
عليجن انييي هم بشر وداتكطع جنت احجي عليجن
علمودها هسا لا والله ما اريدها بيت ولا بحياتي ولا
اريدها بحياة ابني رائد يستاهل الاحسن منها
اسيا : الله كريم هسا خلي توصل نمارق ونرجعها هيه
الامها،،،، سديت الخط من امي و كل الي بالي اقلعها
الانوار بس من اصفن اگول خطيه ليث
اباوع الاولادي هيه ما گالت خطيه اولادي من تشهر بيه
لا ما گالت لعد اني هم ما اگول حضنت اولادي
وغمضت ونمت
طلع رائد واني وأمي كل نص ساعة نتصل عليه الحد ما
سد جهازه ومن وصل فرنسا ياله طمنه لان هو هم ما
لازم يطلع ما عنده اقامه بس هذولي المغاربة شطار
حتى يسوگون من فرنسا وهمه اقامة ما عدهم بهولندا
ويرحون ويجون
حنان :شوكت ترجعون؟
:الجمعة بالليل الناس كلها هاجة بالقطار نضيع بيناتهم
اسيا :گلتله امي دير بالك على اختك
رائد :بعيوني حنونه ان شاء الله تجيج سالمة
اسيا:ورجعنه ننتظرهم الحد ما وصلوا رحنه اني وامي
للمحطة اني ادبج كلمات هولندية الحد ما وصلت من
شافت امي وكامتت تبجي اني وامي حضناها ونسكت
بيها وهيه ولا راضيه تسكت
وطول الطريق تبجي وامي ضامتها بصدرها بقيت يمهم
ساعتين يلا اني راح اروح
نمارق :ابقي اليوم يمي فدوه
:والله ما اگدر بابا وحده خطيه باجر اجيج وعد هم
الجهال مسجليهم بروضه لازم الصبح اوديهم
انوار :هم شوفي البيت ما يكفي يا دوب على گدنة
نمارق : انومج بالبالكونه لو رادت اختي تبات هم
عذرينه شنسوي ما عدنه زريبة جان نومناج بيها
انوار : الزمي حدودج نمارررق
نمارق :ارويج حدودي منا وجايي هاااي مرتك هجمت
بيتييي وبيت هاي المسكينه هيه وامهاااا
يحشن براس عمتي وحمواتييي خلن الزلمة ما يريدني
انوار :خو گولي هو ما طايقني اذبيها براسنه شنوو
رائد : بلا زحمه خوية مرتي مالكم شغل بيها انتن
بحالجن ومرتي بحالها اذا ما طايقينه نطلع
نمارق :هيج صاررر يعني
اسيا :خلاص نونو ارتاحي يلا الله وياكم اخذت اولادي
وطلعت انتظرت الباص الحد ما اجاني وصلت للكمب
بدخلتي اجوي شباب عرب دنگت وعبرت ما بيه حيل
بعد مصيبة
دخلت البابا لگيته يحجي وي بابا سيف گتله شصاير
سد الخط وگلي ابوج جيته شوي صعبة لأن اذا فيز
تطلع بصمته
اسيا : وبقه هو هسا وحده المسكين
سيف : تهون فترة وتعدي
:اييي كلشي يهون..... نامو جهالي بحضن ابويه
الايام قطار ما يوگف
صار تلث اشهر وهو بالسجن ما افكر بي بس تجي
لحضات اشتاق ولو اشتاقيت اطلع صوره بتليفوني
القديمه اگلب بيهن گلبي يوجعني عليه
ما بقه بعمري شي واني يوم واحد حلو ما عشت
بس حنان اهلي تمنيت اكونلي اسره ونعيش بسلام ما
گلت بسعادة بسلام حتى السلام ما حصلنا
مشتاق الاولادة و كل ما يروح رائد اله يرجع مشتري
هداية الهم ويگلهم من ابوكم وهمه يكومون يبجون
عليه.....
ورائد كام يدرس و يشتغل بهاي الاشهر وكف على حيلة
وهو اول واحد بينه اخذ الاقامه
اولادي بقت معاملتهم معلگه بس طلع فحص دي ان اى
يثبت همه اولاده بس لازم يكمل المعاملة ياله ينطونه
الاقامة وهذا شي صار مستحيل بعد ما انسجن
هيثم......
بايا عزيز بالعراق وحدة عايش وماما هنا متخبلة
و نمارق اليوميا مشكله وي انوار الحد ما قرر رائد ياخذ
انوار عطلة الاهلها تغير جو
نمارق : اي والله خوش فوگ الي تسوي بينه تاخذها
سفرة
رائد :لا تدخلين نمارق شي ما يعنيلج لا تدخلين بي
حنان :يوم روحوا روحوا بس خلصونه
رائد :يوم خلي ليث يمج احنه ما نطول سبوع ونرجع
حنان :يوم اختك يوميا تعبانه ويحتاجلها مستشفى
شلون اسيطر على طفل وياي
انوار :عمه هو سبوع بسرعة نرجع ما نطول
اسيا :اني اخذه وياي روحوا
خزرتني نمارق ما هتميت احنه ما نحبها اييي بس ابن
اخونه قطعة من گلبنه
حجز رائد وسافروا على تركيا وبعدها البغداد الحد ما
وصل ياله امي ارتاحت
.......
عزيز: الحمد لله على سلامتك يابه
رائد :الله يسلمك يابه اني بس اودي انوار الاهلها واجي
للبيت
عزيز :براحتك
رائد :تركتها بيت اهلها واجرت تكسي وطلعت البيتنة
والدي محتار برجعتة
يابه هسا عوف رجعتك احتار بأمري
:وانت شبيك
رائد :اني ما اريد انوار يابه وهذا كله سويته حتى
ارويها الظلم شلووون يصير
عزيز :تخبلتوا انتوا ما بيها مجال هذاك بالسجن يتوعد
بزوجته وهيه ما تعرف بشي و نمارق علي يشيل
روحه ويدگها بالگاع ويگول ابني ما ينولد غير يمي
وهيه ما اريدها وانت تريد اطلك شنووو صاربكم
رائد :بت اخوك لووو يصبوها ذهب بعد ما اريدها
تريد توكف وياي تسوي فضل ما تريد اني من باجر
ماشي بأجرائأت الطلاگ وراجع الهولندا
آسيا : بابا خبرنة بالموضوع كلنه نصدمنة عبالنه ناسي
طلع ديحوكلها ورادها توصل للعراق وحدها
ومن مطلكها مطلكها غيابي واتصلت علينه تدعي
وتتحسب نمارق كلتلها لو ترحين بحضرت العباس
تدعين هم الله ما يستجاب وابنج دنفكر نسمي بأسم
اسيا هيج بس نردلج الجميل
اسيا :خلااااص نمارق هاي السالفة مووو لعبة توجع تره
حيللل
اتصلت برائد الدنيا ليل ادري اخوي هسا متوجع يحبها
برغم الصار كله
رائد:هاا اسو خو ماكو شي ليث زين؟
:لا ينشغل بالك حبيبي زين انت شلونك
رائد :زين ان شاء الله باجر احجز وهاي اليومين ارجع
: رائد ليش سويت هيج جان يكفي كرصه اذن وانتهت
رائد : بعد ما اطيقها وما اطيق كذبهاا اني تعبت حبيتها
وبأيدها خلتني اكرهه
اسيا : اني اسفه حتى حياتك دمرتها بس والله هيه
جبرتني احجيلك
رائد :لا تفكرين اسيا اني من زمان ما رايدها وهيه
بأيدها وصلتنا الدرب اظلم
آسيا : طلكها ورجع وهيه كامت يوميا تتصل علينه
تتوسل تشوف ابنها وتعرفني انا ائثر بهذا الموضوع
تتصل علية وتريدني اقنعه يرجعلها ابنها
: والله گتله ما يقبل توسلت بي يگلي لا تفكرين اصلاََ
بالموضوع
انوار :هو شلونه زين ياكل يشرب يبجي علية
آسيا : لا تخافين هو يمي اني خالته بعيوني واني
يوميا احجي وي رائد بلكت الله يهدي ويرجعه الج
انوار :شكراََ اسيا
اسيا: ما يحتاج تشكريني اجيت اسد التليفون لگيته
داخل على غير برنامج بين ما جاي اطلع من البرنامج
اسمعها تگل الامها ابني عد الحرباية الصغيرة ابتسمت
وسديت التليفون هيه هيج ما ممكن تتغير
.....
نمارق :وصلت الشهري وهو حتى اتصال ما اتصل
ويوصلنه حجي هو ما يريد حتى يسمع صوتي
ادخل على صورة اتخبل ليش هيج سوه بيه خلاني
اتعلق بي واحبة و تركني
دخلت على الفيس بوك كاتب
اخير منشور اله كاتب
انكروا قلب كان ملازم لهم
حتى شاب
و اثقلوا روح
كانت صندوق همومهم
حتى اهلكت
وفتحوا جروح
لن يشفيها الف زمان
نسخت ودزيتها الاسيا
اسيا : ناقصنة علي المريض عائلة شافطة يجحدوك
ويلوموك
يتوسلون بيك ويحجون عليك
لا تباوعين المنشوراته خيولي
لا تنقهرين انتِ على وجهة ولادة
نمارق : راح ارسله اگله هو منو الخذلك مو انت متريد
تحاجيني وما شوفني
اسيا : بكيفج حبيبتي سوي الي تردي
رجعت گالت لا ما اتصل خلي يحجي الي يريدة مدام ما
يريدني الا اخلي بحسرة حرف منييي هو اني صوجي
ازوجته جان يتوسل نظرة مني هسا صار ما يريدني
شبع مني وذبني
اسيا :شبع مني وذبني اييي و الله صرت مركونة بعد ما
صرت الزوجة والطبيبة وام اطفاله هو كلشي ما ناقصة
وراح يطلع ويزوج واني ابقه طول عمري اربي اطفالي
وخلاص انتهت حياتي....
بابا عزيز گدر ياخذ فيزا الفرنسا بعد ما عمي لؤي سلمة
ورثته من جدي وجدوا جان كاتب كل الحلال بأسم
عمي لؤي بس عمي لؤي ما قبل وبالتساوي وزعها
عليهم گدر بهاي الاشهر يبيع كلشي بس تركله بيت لخ
ببغداد وصل لَفلندا متهالك وضعفان ومتغير وزعلان
من عدنه لأن تركنا وحده بس هو يعرف الوضع شلون
صاير
فـ عاتب شوي وگال من شوقي الكم عاتبت والا اني
اصلاََ ما اريدكم ترجعون للعراق......
اسيا : نفس المحامي اللزم قضية هيثم گله بابا اريد
اشتري هنا شقق واريد اقامتي عليها
وهو نفسه راح يلزم قضية بابا لأن طلع من هولندا
ورجع وهنا صارت اقامته اصعب في حال قدم لجوء
بلش المحامي يشرح البابا وضعه وفي حال اشترينه
عقار يصير الوضع افضل
ولو اشترى عقار بمبلغ مليون و ٢٥٠ دولار يگدر ياخذ
اقامة خمس سنين وتجدد
بس بابا ما عنده هذا المبلغ
وبقوا بابا والمحامي يدورون على مكان مناسب
يشتريلهم شقه ويشتريلنة
لگوا بأحد المجمعات الطابق الخامس شقتين وحده
مقابل الخ نفس التصميم بابا عجبنه واشترا
وبقه يشتغل المحامي ع الاقامة
عزيز :الي على اليسار الكم لأن اطلالتها حلوة
نمارق :يابه هاي الشقة بيها تلث غرف الكم وحده و
الرائد وحدة والهيثم وحدة هو ما بقالة شي ويطلع
اني هم اريدلي غرفة
عزيز: اني وامج انام بالصاله و انتِ الج الغرفة باباتي
اسيا :ولويش هيج يابه خو شقتنه بيها ٣ غرف وحده
الي ووحده البابا سيف ووحده النمارق
نمارق :اييي يابه خليني يم اختي هم نسولف ونرتاح
عزيز :خاف سيف ما يرتاح
سيف : صدگ جذب يا خوي فوگ تعبك وياي ما اتحمل
بنتك شو بنتك بنتي هلا بيكم كلكم
عزيز :هذا هو لعد متفقين
اسيا :بابا اشترا اثاث النه واحنه دنرتب بالاثاث صاحت
نمارق
هاا راح تولدين يوووم لحكينه
كمت ارجف اني اذكرت ولادتي جسمي كام ما يشيلني
بحيث واكفه باب شقه اهلي واگلهم نمارق نمارق نمارق
نمارق
صاح بيه ابوي ياله گتلهم نمارق ولدت
عبالي هم راح يصير بيها مثلي بس بابا ورائد شالوها
وركضوا بيها للمستشفى دخلوا وياها امي
تگول ماما طول ما هيه تطلگ تصيح مبخته اسيا
جابتهم بمكانها
وترجع تگول طلكناها الانوار لعد شعبالها احنه بنااات
عزيز
اسيا : هاي السجية مالتها الحقيقية
باوعت امي الاتجاها وگلتلي وكل ما تتعب تگلي بهمس
ماما راح اجيبله طفلة الي جان يتمنى ظفرة
من هو مراهق
يوم وعدني اذا جبت يكون وياي بس اليوم هو تركني
حتى ما اتصل علية ولا اطمن علينه هو هذا حبة
اليدعي كذااااب
اسيا : ولدت وهيه تگلي : طگيله صورة حتى اخلي بابا
يدزها العلي خطية
ايي لا تخافين اخذتلها صورة ودزيتها البابا
اهتز تليفوني بأيدي باوعت الوتساب اتصال من علي
صار هواي ما شايفة اسمة بتليفوني عفتهم وطلعت
الووو
علي :ابني زين؟
:ايي الحمد لله وزَوجتك هم زينة ودمعتها بعينها لأن
اكو واحد واعدها يكون يمها بهيج يوم
علي : موگد وعدي بس الوعدته طلع مو كفو وما
يستاهل كل لحضه انتطرته بيها
اسيا : بعد ال سعدون اطغوا لا تقصرون
حتى جدي الجنة نگول علية قاسي ما سوه سوايتكم
تقعلون وتنكرون
جدي جان يفعل ويگول بكل فخر عكسكم
نكرت مرتك وابنك الخاطر اهلك هذااا حق وين بأي
كتاب مكتوووب.....
وهسا اسمحلي ابن عمي اختي محتاجتني سديت
الخط بوجهة ما متحملتهم ولا طايقتهم
او بالعموم اني ما متحملة روحي لأن ما بقه بس شهرين
ويطلع هيثم واني گلبي ديستوي على نار هادية خايفة
من يطلع يأذيني
رجعت للبيت قبلهم رتبت غرفتها وسرير اصيل
الصغيرون گالت نمارق : علي گال لو صار عندي ولد
اسمي اصيل وسمته مثل ما يريد علي
من جابوها طشيت فوگها ورد الصراحة جبته من
الحديقة الگدامنة
بس الجكليت اني اشتريته ومن الغالي هههههه تستاهل
اختي وصديقة دربي بالحظ
وسويت الغدا مطبك سمك وفاصوليا وگعدنه كلنه ناكل
وفرحانين بس هيه حبيبتي متوجعه گعدتها على
الكرسي ووكلتها خليني اليوم ادللج
نمارق : ولج شلون جبتي ثنين واحد ونشگيت شگ
اسيا : همستلها اني بنت فاتن الصعاب ما تصعب علينه
او بالاحرى الصعاب صعب تفارگنه فـ اجسامنا تعودت
عليها
همستلي : اني بنت حنان بس هم سويت مصيبة
باوعتلها بخوف شسويتي
:علي ما گلي سمي اصيل بس اني عناد بي سميته
اصيل وخفت اگول الابوي وما يقبل
اسيا :عزا العزاج نمارررق هسا يگول بعدها تحن
الاخوي
:اني اريده هيج يفكر حتى يحترگ گلبه مثل ما حرگ
گلبي
اسيا : سكتي هسا لا يسمعوج
اتصل تليفون رائد جان خال النغمة مقطع من اغنيه
كاظم الساهر الله من دلع النساء
وين رجعتني هاي الاغنيه اخذتني الاتعس يوم بحياتي
والاشنع وحش جنت افكرة انسان يحب كاظم الساهر
عكسي لا لا اني كذابه اني هم احب كاظم الساهر لأن
هو يحبه
صياح رائد انتشلتني من الظلمة السافرت الها
وهو يحجي فلندي شي افهمه وشي لا بس كل الي
فهمته اكو واحد مسمم
عزيز :شصايررر ما تحجيي
رائد :هيثم مسمم ومودي للمستشفى
اسيا : بقيت بمكاني بس گلبي راح وي رائد
ما يگدر يصبر
طلع هو وبابا عزيز وسيف بقيت احوص بالبيت
اتصلي بيهم يوم خلي نطمن عليه
:اصبري بعدهم ما واصلين ما اريد اتصل وبعدين ما
يردون علية
اسيا :انتضرت فوگ النص ساعة گتلها اتصلي بعد ما
اگدر اصبر راح اوكع من طوولي والله
خابرتهم وفتحتلي سبيكر
:طمنه ماما رائد
:لا تخافون ما بي شي هسا راح يطلع الدكتور
وسمحولنه ندخلة تحجين ويا
:لعد لويش هيج خوفونه
:من الصبح مسمم بس هذا الي اتصل علينه عباله هسا
جايبي الله يسامحة وگف گلبي لككك ناقص هيج
ترعبنه عليك
آسيا :سمعت صوته الهزيل درت وجهي عن امي
ومسحت دمعتي
هيثم :لا تخافين يوم ما بيه شي الحمد لله زين اني
حنان : يوم والله من الخوف ما اجيت وياهم ومرتك ما
گعدت من عرفت الهسا مسكينه
هيثم : رائد اخذ التليفون وطمن امي
اسيا : باوعت النمارق همستلي خيولي
ماما راحت الزين وزيد يحجون ويا هو تونس بيهم
اسمعه يگلهم مابقه شي يابه راح اجي وترجعون
الحضني همه كاموا يفهموا اكثر و يردونه يرجعلهم
لميت السفرة و غسلت المواعين و دخلت انام او
اهرب من اوجاعي اصح من كلمة نوم......
يومين بعد ولادة نمارق بالليل اتصل عليه علي
ما جاوبته رجع اتصل عليه گتله شتردون بعد ما
مكفيكم السويتوا
:انطيني نمارررق
:ما اخليك تحجي وياها وتأذيها
:اسياااااااا انطيني نمارق لا تخليني هسا اتصل بعمي
واحرك الدنيا فوگ راسجن
دخلت الغرفتها لگيتها نايمه فززتها من نومتها نونو
گومي
نمارق : شنوو اصيل بجه
علي :جدج اليوم اطلعه من كبره اخلي يبجي عليج
نماررررررق
اسيا :صفصفت على صوته انطيتها التليفون علي ع
الخط خذت تليفوني ولزمت ايدي الخ
نمارق :نعممم
:مسمية ابني اصيل بعدج گلبج يحنننن الغلط مووو بيج
الغلط بيه اني الهنت نفسي الحضرتج
الغلط مو بينا احنه الغلط بتربية عمييي والدلال الزايد
بحيث بناته يسون كلشي يردن بدون صداد ولا رداد
والله يا نمارق اذا الزمج احرگج والله بدل ما افرررح
بأبني الگاج مسميته على اسممم اخوي
نمارق :گتلي بولادتج راح اكوون يمج و شنوو صارر
خليتني واني حامل انهزم من قطار القطار
ورجعتني الاهلي لأن ما تريدني لأن اني نحس عليك
لأن دمرت حياتك موووو علي
علي : تگولون الي تگولوا اذا تعاتبين
افتح دفتر عتاب بس انتِ حتى حرررام اضيع وقت
واحجي وياج انتن بنات عزيز تخبلتن فد نوووب اني
باجر اتصل بعمي اذا الاسم ما تغير والله ابيع سيارتي و
اجي فيزا اسحلج بشوارع الدولة الانتِ بيها
سمعتييييييي
اسيا:سد الخط بوجهه وهيه كامت تعيط
لزمت التليفون ورگعته بالحايط هذا التليفون هجم
بيوتنه ساعة السودة الصار بيها تليفون بحياتنة
نمارق: ما اغير الاسم وشيريد يسوووي خلي يسوووي
اسيا :اهدي هسا مو زين عليج
نمارق :فوگ ما طردني من حياته وكسر بيه جاي
ويصيح وينتر
تعبت اسيااا تعبت اني مليت من حياتي گتلج ما اريد
اتزوج الناس ما ترررحم ليشش بهذلتوني
:بشرفج لا تبلشين نمارق البيه كافيني والله وجع روحي
لاح شراين الگلب وساكته الخاطر ولدي لا تزيديها عليه
لأن راح انفجر......
شهر الخامس بدايته من الصبح بابا و ماما ورائد راحوا
يجيبون هيثم من السجن اني رتبت شقتهم وغرفته
وحضرت الغدا بطلب من ماما لأن تريد تروح وياهم
حضرت كلشي وطلعت من الشقة
سبحت زين وزيد و بدلتلهم ملابس جديده وعطرتهم
وانطيتهم النمارق اخذتهم وبابا سيف طلع متواعد وي
اصدقاء اتعرف عليهم هنا وطلع واني بقيت يم باب
الشقه افتر وفاتحة العين السحرية وكل شوي اباوع
الحد ما سمعت هوستهم من دخلوا ممر الشقه باوعت
فتحتلهم نمارق الباب وحضنته التفت يوووم گليله هاي
شقتها يوووم خلي يباوووع فدووووه حسييي بيه
نمارق گلتله هاي المقابيلك شقتنة بس ما التفت
هيثم :تعالوا يا يابه شگد مشتاقلكم يا نفس هيثم خلص
العمر وانتوا بعيدين عني بس اوعد بعد يوم ما
افارگكم تنامون هنا هنا بمنحر هيثم يا بعد نفس ابوكم
عزيز : ادري مو وقتها بس والمسكينه الي ضيعت شبابها
وياك
هيثم : خلوني ارتاح هاي اليومين بس واطلق سراحها
لا تخاف واني بالسجن فكرت بكلشي
واولهم هيه اتحرر منها واحررها منيي اني بعد ما
افيدها هيه تريد شاب هيثم وين وطلباتها وين تريدلها
سوري او حلو بعد هيه الاعرف بطلباتها
عزيز : لعد انت جنت غلطان من تگول خلصت العمر
وياها طلعت اصلاََ مو يمها لو خلصت العمر وياها جان
عرفت هيه ما تسوي هيج
هيثم :لا يابه اني مو غلطان اني بالبداية هم گلت مثلك
وصعدتله وكسرته وطفيتله عينه واتصلت بأخوي
يروحلها ويگلها هيثم اخذ حقج واني وياهااا وشما
يصير اني ما اتركها ولا تزعزع الثقة بيناتنا
الحد يوم المحكمة واني متلهف الشوفتها وگلبي يريد
يطمن عليها. طلعت هيه جانت تطمن على حبيبها تريد
تعرف هو ما ميت هيثم ما سواله شي ما أذا ما وجعه
حنان :كاافي هذا مو وقته وخاصه الجهال موجودين
ويفهمون تعال يوم اگعد خلينه فرحانين هسااا
اسيا :اجتي نمارق بالليل وحجتلي الصار
وين ولدي
:يريدهم اليوم ينامون يمه
:خلي ياخذهم سكتت لحضات وشگيت الثوب اللبسته
بهدوء يشك بيه وانييي گلبي خلص من عذابه الي
ومن حبه
يشك بيه واني داشك بنفسي تخبلت لأن مجنونة
بأنسان دمررررني خلي يشك براحته بالنسبة الي بعد ما
يهمني هيثم گلبي مدام ما يجوز منه يستاهل ينلسع
كل لحضه لسعه
يوميا اخلي راسي ع المخده وانوم هاي الروح
المتوجعه بالگووووه اليوم شراح ينومممها
نمارق :تعاي نامي يمي وحده تصبر الخ على همومنا.....
نامت بحضني مثل الطفل وحاضنتني تريد مصدر امان
هلكها الزمان حب هيثم وتصرفات هيثم دمروها نايمة
بحضني وهيه هلگدوتها...، بأيدي اني مغطيتها
اسيا : الصبح جابوا زيد وزين وليث وكلتهم وبدلتلهم
وطلعتهم للروضه واني طلعت للمدرسة
او انهزم من المجمع كله
خلصت حصصي ورحت الروضه الاطفال انتظرهم
خابرت رائد حتى لا يجي گلي اني وهيثم راح نوصل
:تمام اني راح اروح
رحت المحطة الباص اخذت باصي وطلعت للمجمع من
دخلت هوسه والظاهر ديسون المي او ما اعرف شنو
بالگوه دخلت للمجمع بسببهم اخذت المصعد وصعدت
الشقتنا ما لگيت احد بالشقة خابرت بابا گال طالع
اتمشى ندگ باب الشقه فتحته رائد هاا حبيبي تفضل
:امي طابخة باميه ولحم غنم من هذا الي ننتظره كل
عيد ياله يجي الفلندا ما تجين
اسيا : لا ما اجي بس اريد حصتي اذا ما جيبوها ازعل
رائد :خطيه امي تنتظرج
اسيا :ما اكدر رائد هسا اذا اجيت وياك واحد ينزل من
قيمة الخ وگدام اولادنة عليمن خلوني بشقتي و معززة
مكرمة
رائد : هم صحيح كلامج
تردين شي
اسيا : بس مو تعصب
:لا اني شوكت معصب منج گولي
اسيا :شلونه
رائد : يظهر هو زين ويسولف ويضحك ويلعب وي
الاولاد بس داخله مثل داخلج وداخلي وداخل نمارق
رمادددد
اسيا : الله يبشرك بالخير طمنتني علينه كلنة
رائد : جدي سعدون جان مانع هاي الزيجات كلها لو
يصير اروح ابوسه من راسه بس هسا حتى الجمجمه
تفتت
:ههههههههههههه
باسني من راسي وراح
اسبوع كامل ابد ما التقينه وولا موضوعنة نفتح بس
گالوا يريد يطلگني اني هم تقبلت الموضوع
ومنتظرة ورقة طلاكي
:اييي نونو جبت وياي بعد تردين شي
:ايي فدوه جيبنه وياج ماجي من السوگ العربي اريد
اسوي تشريب دجاج
:ايي تدللين
نمارق :صدگ من تجين راساََ روحي البوابة الدرج لأن
المصعد معطلي صيانه
:يبووووو لعد لا طلبين بعد شي ما بيه اصعد خمس
طوابق وشايله بأيدي غراض هواي.....
كملت مسواگي وطلعت للمجمع صعدت الدرج بأول
طابق صار گدامي شافني وبعد نظرة عني
وكمل طريقة ولا كأنوا اصلاََ شايفني
"" أحباب تلاگوا ملگة غربة ""
يتبع.....
:
أنت تقرأ
أنساب طاهرة
Romanceقصة حقيقة لا احد يعرف لغز الحياة ولا اسرار البيوت هجرتها كما هجرت روحي تركتها للسنين لتداوي جروحي وجروحها ومنذ تلك الليلة لم اذق صبا النسيم ولا لين الهبوب متى وأين يكون اللقاء وماذا يحدث ساعتها مجرد تخيل تلك اللحضات ينتابني حزناََ عميق كجرو...
