#أنساب_طاهرة ١٨
#بقلم_ام_مختار
#دنيا_غانم
هادي_ما يفيد اهمسله همس لا تصيح هو يزيد
رجعت للبيت خويت من التعب ونمت الصبح گعدت متأخر ع سريع لبست بنطروني و قميصي
وطلعت بالخط اللبس حذائي ولازم الاسئلة و اقراها واگلب بين الاوراق ضربت جبهتي خرب نسيت مصرفي والاكل و الشرب يلا بقت علي هاي هسا المهم اخلص من امتحان الكيمياء اريد اخذ درجة كامله اريد انجح واتخرج واخلص كلية و اصير مثل المخبل
دخلت للامتحان الاسئلة سهلة اباوع للطلاب محتارين واحد لازم مقدمة شعره وواحد يباوع السقف الصف وواحد يباوع بورقه صاحبة واني غمضت عيوني اذكر حركاته وهو يعلمني ويگلي تخيل هاي ذرات و تخيل هاي هيدروجات
كلشي يخلي ملموس الي و كلشي ينطينيا بمثال حليت الاسئلة بسهولة وطلعت گعدت اراجع. الاسئلة بالاستراحة كله صح
خلصت دراستي و رجعت للبيت خاوي من الجوع
دخلت من الباب عمه جنه لازمه جهالها وبالعوده تضربهم وحتى اخوي ضربته وياهم تعودنه ما نحجي وياها هاي الغاليه الجدو سالم لأن شنيعة مثله ووحشية فد مره عضت ابنها طلعت دمه
انسانه گلب ما عدها واليدگ هذا كوم حجار باوعت جهة بيت المخبل هو جان گاعد بالعتبه
ومقرفص روحة ويباوع ناحية بيتنا
عمه جنه زمخت بي _ظل بمكانك من يستوي الاكل اجيبلك
_تعديت من يمه وگتله _امتحنت اني وراجعت الاسئلة كله صحيح
ما جاوبني
_تريد شي
جاوبني بتعب _اريد ماي ما تنطيني ماي
_ركضت للبيت ترستله الصراحية وانطيته اله
شربها كلها على دفعتين بس وتلف نفسه مي
اخذت منه الصراحية هو گام وبيده السلاسل دخل للبارگه وسد الباب
جنة _وين راح المخبل سويتله اكل
_دخل للبارگه انطيني اني اخذه اله ذبيت جنطتي ورحتله لگيته نايم على الارض جبتلك اكل ما تريد؟
_لا
_جدو سالم هسا هنا وبعد شوي يجي و يسد البارگه بس يغفل ابوگ المفتاح واجيبلك فراش
_لا ما اريد
_ليش ترتاح اكثر
_هيه هم ما عدها فراش
_ميخالف هسا اني انطيك فراش و من تشوفها انطيها فراشك
نزلت دموعه مثل الطفل بأيده اللازم بيها سلاسله
مسح دمعته وگال ربطوني اريد انام
_نام بدون ما يربطوك مو احسن
_لا ربطوني
_عفته وطلعت دخلت للبيت امي صاحت بيه وين اتأخرت يلا تعال ناكل
_اگدر ارَوح اكل يم المخبل؟
سؤدد _يااا تريد جدك يذ#بحك
_خطيه يكسر خاطري
سؤدد_ اوو هسا يكسر خاطرك لعد لو شايفه اول ما شفنا امي جانت تخبزلهم خبز واني اجيبه ببغداد
جانوا رابطي بوحده من النخل لا سگف يحمي وولا شي يستره وبس امه گاعده َتبجي على حاله و ابو سكران يطب ما فاهم شي ويطلع ما فاهم شي
........
سيف_اتركنييي عمي طلعني ما تريد اساعدني
لا تساعد بس اتركني
سالم_ووين اتركك تروح البت سعدون
سعدون الخلاني اعرض حلالي كله للبيع حتى انهزم منه انيييي سالم يجيني هذا الساقط يگلي ابنكم اخذ بنتي وانهزم بيها انطي عقد الزواج يتفل على عقد الزواج و يگلي هذا قنعوا روحكم بي والله لاطلع روحك ياااا سيف
سيف_غدرتني يااا عمي اجيتك مأمن و گتلك
مرتي حامل خلي نبيع حصة ابوي واخذهم وياي واطلع من بغداد زوجتي بمزرعة بقضاء بلد تنتظرني وانت گتلي ابشر و خليتني انام و غدرتني هاي الغدرة طلعنييي عمي زوجتي وحدهااا اتركني احلفك برسول الله
_لوو تموت لوووو تطلع روحك ما اتركك الحد ما تموت ياله افك قيدك مو بسببك اهجول عشيره
سيف_لا تهجولهم طلعني من العشيره واني وياهم نجازه انيي ما سويت غلط تزوجتها وهيه مرتي على سنة الله ورسولة
سؤدد_ يجر بالسلاسل يريد يگطعهن ويروح يگلهم هيه بالمزرعة و اني اريد اروحلها خطيه
ابو سيف من يصحه يظل يبجي عليه و من يصير الليل يجي يطوطح وما يعرف الله وين ذابه
وولا يعرف احد نلگا نايم وي الحلال وساعات نايم بالطرمة مالت بيتهم و ام سيف محتاره بيهم
سؤدد وباعوا بيوت بغداد وبعد ما عرفت عن اخبارهم شي الحد ٥ سنين واجوا خطبوني الابوك ورجعت هاي المره وهو بعده يتوسل ويگلهم طلعوني بعدها تنتظرني
هادي _وامي تسولف مطرت الدنيا سمعنا صوت جدي سالم باوعت من الشباك جاي يسد بباب ويگله والله لو شگگت ملابسك احرمك من الاكل يومين
سؤدد_صارلهم سنين حابسي وشتا وصيف يهددون بي وهو يسوي الي يريده ولو يمنعوا من الاكل سبوع ما يهتم هو اصلاََ ما ياكل تشوفه ظال جلد وعظم
_يوم لويش ما تنطي ماي جان عطشان
_يوم اني اخاف على نفسي والله ما بيه طكة
عمتك جنه لو شافتني تشكي الجدك سالم واني وين وطك جدك سالم وين
هادي_ فززني صوت صرخته اليمنه يوصل ورغم صوت گراگيع المطر بس صوته عالي حيل عالي
الحد الليل ما وگف مطر اباوع من شباك المطبخ للبارگه صوته اختفه ادري هسا هو مصلخ كما خلقني ربي لأن من تمطر يگول هيه هم مطرت عليها و ماكو شي يسترها غير قميصي
يا قميص ما نعرف
و من تبرد يظل بره الحد ما يربطوا
لأن هيه بردانه وما عدها غير قميصه
ومن يحتر يظل بمكانه او بالاحرى همه ما يدخلو للبيت يخلوا بالبارگه يم الحيوان حتى الحيوان يسبحوا وينطوا ماي حتى لا يتگرم لو يصيبه داء الا هو ما يحنون عليه حتى بدلو ماي
وكل شهر اذا ابوي و عمامي حنو عليه جروا وسبحوا
سؤدد _شدسووي ولك
_ما اسوي شي رايح انام رحت يم اخوتي ونمت من تعب وقلة النوم
فزيت على هز امي الجتفي گووم اجت الجدك سالم الحالة يريد يصلي بينه صلاة جماعية
هسا وكتها اريد انام باجر اصلي
_گووم يوم گوم واستر علينه
هادي_ ما ادري اذا بوقتها اتوضيت بس الاذكره مسحت عيوني لأن ملزگات طلعنه من بيتنه البيت عمي سامر جبناهم وطلعنه البقية عمامي و رحنه البيت جدو سيف وبده يأذن بحكم الاذان بي استحباب قوي يحچيلنه بالدين الي صرنه نمقته لإن هو ظالم
واگف اني وراهم وحاط ايدي على خدي واردد ورا لقلقه لسان صغيرون وما فاهم شي ونعسان والمطر يزخ و الجو كئيب وهو يدعي والمخبل يصرخ وهو يصيح الله اكبر واني اصيح فوگ راسك وسيف يصرخ خلصنه صلاة الصبح بالشافعات التفت النه بعبايته وگال بارك الله بيكم
باسوا ايده وطلعنه لبيتنه النومة طارت ومارجعت كون هسا كلاص حليب و خبزه اكسبها على صوبه و اكلها امي عبالك سمعتني غسلت الكتلي و القوري و سوتلنه جاي و طلعت خبزها اليرد الروح و خلته يم الصوبه اني طلعت وحده و كسبتها
اذكرت المخبل ما ماكل من الغدا لبست نعالي و ركضت البيت جدي سالم
صبحك الله بالخير يا تاج راسنا
هونفش ريشاته جنه طاووس وگال
صبحك الله بالنور جنك استعدلت بعد الكتله
_اي والله سيدنا اكلك يا تاج راسي ما تنطيني مفتاح البارگه هذا المخبل من امس ما ماكل ولا يموت ويبلوك بس اوكله َاجيبلك المفتاح
_ايي هاك بس ربع ساعة اذا ما ردلي المفتاح اطيح حظك وودي يروح للحمام
_اي اي تدلل جريت المفتاح و ركضت الدنيا تزخها زخ فتحت الباب هو ع سريع قرفص روحه وگلي اطلع اصبر جدو هسا اجيبلك بنطرون جان مصلخ لأن الجو بارد و فاتن عمي هم بردانه هو هيج يفكر
جبتله من ابوي ملابس فتحت قيده و درت وجهي
تجي نروح للحمام
_ايي
_من شلته بسرعة ينشال بأيدي و يرجف الحمام مالته مسوي يم البارگه شلون حمام لا يطاق
خلص وطلع يريد يرجع للبارگه وريحة جاي امي تسطر جريته تعال جدو وياي هو هم انسحب وياي بدون ما يحجي فتحت باب المطبخ ودخلته حسست اجتافاته رخت غسلت ايدي وگعدته يم الصوبه من شافت امي لطمت ولك شدسوي
هو گام وگال _اني طالع طالع لا تخافين
سؤدد _لا لا والله ما خايفة منك خايفة من عمي سالم
هادي _شافه ابوي خزرني
هادي _بس ياكل ويروح البارگه كلها ماي بس يشرب حليب و ياكل الخبزه واودي والله وجدو سالم ما يدري جاي يسمع للقرآن
ابو هادي _ع سررريع لوو جدك عرف كلنه يربطنه وياا
هادي _ركضت حطيتله كلاص حليب وخبزه وجبن و امي طكت بيض هم خليته يمي وامي تركض وياي هو جر كلاص الحليب و الخبزه اكل منها اقل النص وشرب كوب الحليب وطلع بكل هدوء
طلعت ورا _شبعت
ما جاوبني دخلته للبارگه وقيدته ورجعت ركض الجدي سالم گلي _اتأخرت خمس دقايق ضربني بعصا على ركب رجلي اليمنه ما حجيت ويا بس بست راسه وگتله السموحة هو لأن جوعان يرجف و ما كدرت بسرعة اخلص المهمة طلعت اعرج
اباوع البيته هو احلى بيت وولده احسن من ابوي وعمامي وولد عمهم الرابع وهو الوحيد البقة من العمام وواحد لخ من گد ما طيب خرف ونام بفراشة بس هو ابد ما طاح وتعب وولده مثله قاسين رجعت للبيت ما اشتهيت اكل شربت بس حليبي و بدلت وطلعت للمدرسة
بالدرس الاخير المعلمة جابت اوراق الكيميا اني الوحيد الجبت ميه من ميه و المعلمة تگلهم صيروا مثل هادي سباعي وشاطر انتوا شبيكم
رجعت للبيت طاير من الفرح لگيته گاعد بعتبت بييت اهلها جدوووو جبت ميه بالكيميا جبت ميه هو اجاني يمشي ويضحك من شاف الميه حضني وباسني من راسي عفيه عفيه بوليدي شاطر سباعي انت ذكي
_لا جدو انت خوش تشرح
_لا انت ذكي مو انا خوش اشرح
انا مخبل ما اعرف شي ما اعرف شي
_رجع انتكس وراح گعد بالعتبه جابتله جنه الاكل
وجابت جهالها وياهم ياكلون ويتفلون بأكله ما اكدر اطردهم ذول ولد بكر جدو سالم وين اگدر اني عليهم غير يكتلوني اني واهلي
هو هم ما يحجي يگلهم على كيفكم لا تتأذون
دخلت للبيت عفت ورقتي ع المجمده وشفت جدورة امي حطيت بالطاسه تمن ومرگ و لحمه فرتتها وركضتله لا يشوفني جدو سالم اكل جدو اكل ع سريع لا يشوفوني هو هم اكله خمس لگمات وگلي ضمه ضمه من اروح اخذه الفاتن هيه حامل حتى تتغذى هيه والطفل
رجعت للبيت ما اعرف شگله وهو صارله تقريباََ ١٥ سنه ساجني هاي السجنه
دخلت للبيت امي تهلهل لازمه ورقتي و تهلهل
ههههههه اي جبت درجة كامله
سؤدد_روح يا عمي سيف كون الله يخلصك من سجنك مثل ما مفرح گلبي
_يوم انطيته اكل يگلي ضمه الفاتن هيه حامل
_ايي هو فقد كلشي بس يذكر ذاك اليوم عبالك ما جاي تَمشي الايام والسنين
_هو من جابوا شلون تخبل
.......
سيف_اني ما اريد منكم شي بس انطوني حصة بيت ابوي وسيارتي اشتري الاهلي بيت بالشمال بالجنوب بأي مكان و هم ابعد وعائلتي وياي
سالم_ابوك تشوف حاله ما فاهم من الدنيا شي
اذا سعدون لگاك شلون تحير بيهم
_والله ابعد من سعدون بس ساعدوني مرتي حامل وتركتها بمزرعك وحدها واجيت اذب تعبي يمكم
سالم_ نام اليوم يمنه وخليني الصبح اشوف شلون اجيبلك المبلغ واطلع بمرتك وعائلتك
سؤدد_ ابوك يگول نوموا يمي لأن بيه سكر وكل شوي يروح للحمام حتى من ينام يگلهم وهو ما يشك بشي
بس ما نام سيف طول الليل گاعد وصافن سأله ابوك شبيك
_تركت عالئتي بالمزرعك ما اعرف شنو وضعهم
_نام حتى الصبح بسرعة يطلع
_حاولت بس ما جاي اگدر
_انا رايح للحمام شوي واجي
_يطلع ابوك يگلهم بعده ما نايم ويرجع الحد الصبح هو استسلم للنعس ونام جفتوا و ربطوا وخالين امه تصرخ اذكر الحد هسا صرخاتها الناس َكلها طلعت عليها واني شايله الخبزات و رايحتلهم
اتمخطر وشفتهم يسحلون بي للبستان ذبيت الخبزات وركضت البيت امي وگتلهم الارهابيين خاطفين وليد ما عرفته من شفته ضعفان بس مو مثل هسا و هم همه مدمين وجهه
بس هو ما فقد و ما مل ولا جل وهو يصيح تركوني مرتي وحدها بالمزرعة وحامل
الحد ما بيوم من الايام جدك سالم ضاج من صوته و بشوميه (عصا) ظل يضرب بي ويگله مالك مره سعدون لگاها وذبح#ها و ذباها بالخيس وهو من يومها هذا حاله زين و يفهم ويدرسك خو بعد بس من بفقد يذكر بس زوجته وحامل و يذكر هذاك اليوم ويظل يصرخ
_جدو سالم ظالم
ضربتني على حلگي و اني احجي اسكتتت تريد يربطك يمه
_ليش عمامي واولاد عمامي ساكتين
_بعضهم يگولون يستاهل و بعضهم واحنه منهم نخاف نحجي
_هم بيوم من الايام فكر ينهزم
_لا لان هو ما يعرف غير عتبت باب بيت اهله
و البارگه هو بنفسه ياخذ سلاسله ويروح العمي سالم حتى يربطة
_اخذت ورقتي و دخلت غرفتنا
الحجي هذا ما لازم اسمعه يوجع الروح
.......
اسيا _ قاطعني كلش لا يحجي وياي ولا يقبل اسويله اي شي
صاحتلي امي تريدني اطبخ التمن
طبخته الها وابوي عجبه الجو گال فرشولنه بالطرمة ناكل حطيت الفراش واني وحدي بس ماما تساعدني نمارق لا تنزل ولا تساعد انقل الغراض واخلي بالطرمة خليت الصحون هو صاح الامي التفتتله اذا تريد شي گلي دا تكمل الطبخ امي
اتجاهلني وصاح _ يوووووم
_امي فتحت باب المطبخ وگلتله_هاا حبيبي
گلها_ هاي الطابوگه شيليها الديطلع منا ويفوت ممكن يعثر بيهاا ويتأذى
اسيا _ ابتسمت بس اني داعبر منا دفعتها برجلي
امي گلتله _تريد بعد شي
_لا
اسيا _تخاف عليه مووو بصوت خاف حجيتها
ما جاوبني جبت جدر التمن وقبل لا اعبرله الباب طلاگتين ضربت الباب برجلي وصحت بصوت شوي عالي اخخخخ
صاحت امي شبيج
اخخ يوم احترگت ايدي لگيته واگف بالباب تركت الجدر ولزمته شلوووون تگوم انت
هيثم_ياااابه تعاللل اخخخخخ لعنه ع الساعة هذيج
عزيز _يا الله هاي شنو يابه شلون گمت
هيثم _اسندني يابه
آسيا _ترك ايدي وسند روحةببابا گعده ع الكرسي هو توجع لزمت ايده شلون گمت داشاقه وياك اني شلون هيج تگوووم لو صارلك شي
_ما ادري اني شلووون گمت خرب بروحج آسيا تلوهتي الحالي
_يا عيون آسيا لا تگول هيج والله اعتذر داشاقه وياك متوجع
جاوبني بتعب_حوضي من الجهة اليمنى احس نشل
عزيز _مدام گمت معناها التحسن واضح صار ست اشهر نحجزلك يم الدكتور ونشوف شنو يگول
هيثم _دخلوني للغرفه
حنان _لا فدوه يوم اني امرخ جسمك بس خليك يمنه لا تدخل والله تعبت اريدكم بس تجتمعون واشوفكم يمي
آسيا _لزمت فخذه اني امرخ جسمك خليك يمنه
_تمام راح اظل
_يحجي ويباوعلي وبعيونه حنية الكون كلها
خليت اكله بالصحن وخليته بحضنه اذا متكدر تاكل اني اوكلك
_اگدر
_همستله لا تزعل مني والله اني احبك
عزيز _صاير بينكم شي؟
هيثم _لاااا هيج ماكو شي
اسيا_ياكل لگمه ويترك صحنه يضرب بخفه على فخذه اكل شوي وانطاني الصحن حسيته ما مرتاح
گله بابا _ تريد ادخلك
_اي يابه دخلوني
آسيا_خال ايده على حلگه و ظل يحجي من بين سنونه اني گمت ادخله
الوجهه كله تغيرت معالمة صار اصفرررر
بيك. شي
هيثم _الوجع الوجع اخخخخخ يابه
آسيا _طلعت الابويه يابه متوجع حيل
خطيه ابوي وامي والكل فز اله خلا بابا بالسياره وطلع بي ما اخذوني وياهم خلوني بالبيت ظليت اعض اصابيعي ندم ع سويته
ردت احس بأهتمامة هنوب راح للمستشفى بسبب طيشي
رجع بابا للبيت بالليل فتحت السياره لگيته نايم بالسياره
منطي مسكنات و منوم بالگوه گومو ودخلوا ومشوا بس على كيف
گلتلي ماما احجيلنا شنو صار؟
خذيته للمستشفى انطوا بس منوم استغليت الفرصه و حجزتله للدكتور سواله فحوصات
گال طبيعي الصار لأن اتحرك حركة لا ارديا بس هو صارله ٦ اشهر هسا لازم يخضع للعلاج ال فيزيائي
بس بسبب حركته الي اثرت على الكسر
هسا لازم هم يظل يستعين بالكرسي لو ما هاي الحركة جان تخلصنه منه
آسيا _عفتهم ودخلت يمه نايم ورائد يمه
بس ضايج بيك شي؟
_واني بالمستشفى شفت عمي لؤي عبالي انتوا خابرتوا واجه بس طلع ليث بالمستشفى مريض
_يمه اسم والله شنو بعني شبي؟
_ما اعرف راسي راح ينفجر اريد اروحلهم بس من اتصلت حتى اشوفه
تگلي بس تجي احر#گ نفسي لا اريدك ولا اريد اشوفك
انييي انوار هيج تحاجيني تاكل بروحي اريد اروح ارگع راسها بالحايط وكارهه ما اطيق اشوفها
آسيا _بالعكس يا خويه انوار ما غلطانه لو اني بمكانها اسوي مثلها
رائد _انوار ما جانت هيج جانت تغار بس مو الدرجة تشمت بفلان و علان و تحجي على فلان وتسوي مشاكل
_هسا انت عوفك من هذا كله انت يا خويه مو منصف كـ اخ هواي حنين فوگ ما تصور بس زوج لا تحبها ايي بس ما توگف وياها دائماََ انت تظلمها من تقارنها ويانه وهسا انت عوف انوار طفلك مريض روح وگلها عود حرگي روحج براحتج
رائد _هيج تگولين؟
_ايي روح واطمن عليهم. لا تتركهم حسسها انت يمهم و مهتملهم و حسسهم بالحب لا تترك انوار
مثل ما سيف ترك فاتن وهيه بعز حاجتها اله
باسني من راسي وطلع للمستشفى
ظليت يم هيثم الحد ما گعد من النوم ما يحجي بس فاتح عيونه ويباوع السگف الصاله
متوجع؟
_لا
_كل الصارلك بسببي اني اذيتك وخليت علاجك يتأخر
_رائد وين؟
_نايم ليش تريد منه شي؟
_لا هيج تعاي يمي
_گعدت يمه هو ما حرك نفسه متوجع الظاهر
وتعبان گتله شبيك ما جاوبني الا بعد دقايق
گلي_اني بين نارين
الاولى واني گاعد افكر بيج وبگلبي الما يعرف غيرج،، رحاب واسع انتِ ملكتي
والثانية النوم اني ما دارتاح دماغي دائماََ شغال ما اعرف النوم شلونه وما اعرف من نومي غير شغلتين
مفتاح رائد الضايع وشي مو واضح دائماََ اني الفه على ايدي
يتبع....
:
أنت تقرأ
أنساب طاهرة
Romanceقصة حقيقة لا احد يعرف لغز الحياة ولا اسرار البيوت هجرتها كما هجرت روحي تركتها للسنين لتداوي جروحي وجروحها ومنذ تلك الليلة لم اذق صبا النسيم ولا لين الهبوب متى وأين يكون اللقاء وماذا يحدث ساعتها مجرد تخيل تلك اللحضات ينتابني حزناََ عميق كجرو...
