أنساب طاهرة

أنساب_طاهرة19

#أنساب_طاهرة ١٩
#بقلم_ام_مختار
#دنيا_غانم
اسيا_فزيت على كلامه يعني شنو انت دائماََ تحلم هيج لو شنو قصدك؟
_من وعيت بالمستشفى جان بسبب هذا الحلم
هوسه و اصوات عالية و ضحك اسمع دائماََ
و اشوف بس رجلين ما اشوف اكثر
بس اسمع صوت رائد يحاجي امي على مفتاح
ضايع
اسمع اصوات هواي من ضمنهم صوتج
ومن اتحسس ايدي اكو شي ملفوف على ايدي
ودائماََ اكو شي الفه على ايدي بس من اباوع الايدي اثناء الحلم ما اعرف شنو ما اشوفه واضح
_ليش ما حجيت
هيثم_ما جنت اشوف الها معنى ولا انا المفتهم شي منهن بس هسا هواي داشوف هذا الحلم حتى من انام الظهر او اي وقت اشوفهن
_تشوف بعد شي
_لا بس كل فتره وفتره من تحجون اكو كلمات مو غريبه عليه احس سامعها انا
_اها ان شاء الله خير ان شاء الله تذكر و ترتاح
گمت من على صدره گلبي وجعني لو يذكر شنو يسوووي
لزم ايدي وگلي _ليش ضجتي ما ترديني اذكر
_لا بالعكس
_خايفة من شي احجي والله نحله وما اكسر گلبج
_لا ما ضامه شي شكو قابل حتى اضم
سكتت لحضات وگتله مثلاََ اذا ترجع تذكر
و يطلع انت ما تريدني وبس اني اريدك شراح تسوي
هيثم_شنو سبب ما اريدج ذابحة ابوي كاتلة اهلي
احجيي
_لا هيج بس اگول يعني جاي اسولف وياك
جرني اله وباس شفايفي و گال بهمس ما اتوقع هذا الشي يصير معقوله گدامي وما اريدج لعد شگد انا تعبان
_رجعت نمت بحضنه و اني مخاوفي يوميا تزيد
و القلق  مستوطن روحي وماكو اي راحة بحياتي
خليت روحي بزاوية....
بقه ياخذه بابا للعلاج الفيزيائي ويجاوب
الكسر الحمد لله التئم بس بعده ما يگدر يگوم
يگول احس بوجع داير مداير المنطقه ومن يرفع ايدي و من يحرك رجليه يحس بوخزات
بقيت اني اساعده بالبيت يسوي حركات الدكتور وبس اتقرب منه يستغل الفرصه و يبوسني لو يجرني من شعري ويبوسني من منحري
_موو تگول اتوجع لويش تكذب لعد
_لا اني اتوجع بكلشي بس مو يمج
_هااا هيج صارت لعد الا اگول البابا
_شتگليله ابنك يريدني كل لحضه
_هيثمممممم
_يابه للخجل اروح فدوه ونذر
آسيا_واحنه دنسولف رائد دخل بدون ميضرب الباب وگال هااا ولكم شسووون
هيثم_كلشي ما نسوي انت تخلينه نسوي شي
رائد_بشرفك ما مليت دگوم امشي خلينه نطلع نشوف الدنيا نروح لعليوي
_اي بالله جاي على بالي اطلع بس مو للدكاتره
اسيا_دگ رائد الصدر وگله ابشر اليوم طلعه للكراده وللصبح
گتله_انت ابو الكرادة ليث شلونه مطمن عليه ترَوحله لو بس طلعات وونسات
جاوبني_البارحه رحت العمي للشغل وانطيته مصرفهم ما قبل ياخذهن اني ذبيتهن يمه ورجعت
و ابوي مشتري ملابس الليث و انوار علمود عيد الاضحى و منطيهم فلوس هم
هيثم _ درجعها يا خوي صدگ جذب علمود عركة نسوان انت طلكت زوجتك
_ما اريد يابه خليني هيج مرتاح
هيثم _اذا تفكر تزوج دورلي وياك على مره
اسيا _حتى امرمر عيشتك
هيثم _اللعب صار بيها مر ومرار بطلنه يابه
اسيا _من اجه يطلع رائد هيثم گله بس بالسياره تشتغل لو ما تشتغل شي مثل قبل ابوي يگلك شنو تشتغل تگله صاعود نخل
اني ورائد التفتنه اله هو هم صفن بوجه رائد
رائد _شنوو گلت
ما يجاوبني ارجع عيدها يا خوي انا شنو جنت اگول
_ما ادري حتى الكلمة الحجيتها نسيتها
رائد _انت گلت اني قبل جنت اگول صاعود نخل وصحيح اني هيج جنت اگول
اسيا _هيثم لزم ايد رائد انت مضيع مفتاح يعني اقصد اكو شي صاير بخصوص المفتاح
رائد _شنو يحجي وضحيلي آسيا
آسيا_كل عرگ بيه كام ينبض تربط الساني صاح بيه رائد گتله _يگول اني دائماََ احلم انت مضيع مفتاح
رائد _صحيح بيوم الي صار الحادث جانوا عدنه عمامي وعماتي وولدهم و ضيعت المفتاح ردنه نطلع بسيارتك عطلت ومفتاح سيارتي ما لگيته
و ضطرينه نطلع بسيارة اصيل
_يعني الهوسه هم صحيح اني اسمع دائماََ اصوات
ليش آسيا ما گتيلي
.
آسيا _مو مو هذا ما عبالي هيج عبالي حلم عادي
هيثم _اكو شي دائماََ الفه على ايدي رائد شنو هذا
رائد_ سوار اكو سوار وين سواره آسيا
هذا السوار ما يفارگك مكتوب عليه يا علي مدد
آسيا _باوعلي
وگال _وين السوار آسيا
آسيا_هسا اجيبه الك
طلعت من الصاله رجل تخطي ليگدام ورجل ترجعني عشر خطوات صعدت ودموعي على وجناتي طلعت السوار من الجرار وللحظه ردت اذبه وره الكنتور بس واذا ذبيته شنو يصير قابل ما راح يذكر نزلت بي انطيته الرائد
. رائد_هذا السوار تذكره شايفه عرفته
هيثم_لا
آسيا _هيثم صاح الابوي وحجاله كلشي الصار
ابوي تجاوب ويا وكام  يحجيله عن هواي شغلات واني واگفه على صفحة وامي الي ذكرت طفولته كلها واني ببين كل حديث وحديث بصوت خافت اگلهم الدكتور گال لا تذكروا مو زين عليه
بس ولا من مجيب يحجوله بس بابا عزيز ما ذكر موضوعي ومشاعره اتجاهي
بس ذكرله اني بنت عمته و حجاله كلشي تقريباََ وگله زوجتها الك و انتوا مرتاحين سوه
حجه الي احنه جنه نظهرا اله
و رائد اكددد وماما گلتله اسيا دائماََ تسولفلي عن حبها الك بنيتي متيمه بيك
جاوبها_ واني هم يوم اذا لحضه ما اشوفها انجنن صارت عالمي
طلعت من الصاله ما تحملت تقيأت و حسيت جسمي كله تعب ما ظليت اگدر اوگف على رجلية
سندت روحي بالحايط ودخلت للصاله
متجاهله اصواتهم العالية رجيت روحي على الكرويته غمضت عيوني وما حسيت غير على هيثم وهو يگعدني
هيثم_گومي ارتاحي بفراشج
اسيا _لا ما يحتاج شنو صارلي شگد نايمه
گلي _هسا الساعة ٩ اني طالع وي رائد و علي للگهوه تردين شي
_لا روح تونس
همه طلعوا واني داريد اگوم حسيت بدوخة البيت احسه كله اهتز لزمت بالكرويته وصحت الامي
لزمت جبيني گالت مصخنه
اخذتني لفراشي رجعت نمت
فزيت على بوساته و الكماده يمه
واني عيوني بالگوه افتحهن
هيثم _شنو صارلج ليش هيج فجأه؟
_استبردت الظاهر
_تعاي نامي بحضني ادفيج و خلينه ثنينه نتمرض
_ليشش بالله
_حتى الوجع اليصيب روحج يصيب روحي
_دفيت روحي بالبطانيه صافنه بسوالفه
ما اريد خليك بعيد عني
هو حاول يتقرب مني بس ما گدر اني تقربت اله ونمت بحضنه
رفع تشيرتي وتلمس بطني خاف حامل
_لا لا ماكو شي والله اصلاََ
تحس واگل  انتبهلج دائماََ  اي موضوع يخص حياتنه ومستقبلها ترفضي  رفض قاطع بأي طريقة من الطرق
ومو واضحة وياي و دائماََ تتهربين  مني
ما احس بأي راحة وياج  واليجمعني ويحسسني احنه مزوجين بس العلاقة الزوجية غيرها ماكو شي يثبت احنه مزوجين
آسيا_نفجرت بعد ما تحملت ما كمت ابجي صرت اشهگ رفع روحه متجاهل على وجعه وگال _ اني احس بيج اكو شي احجييي خليني افهم حتى لو شي بالماضي نعرف سببه ونحله احجيييي يا بت الناس والله راح اتخبل گلبي الحبج ما مرتاح
_هو حبني من زمان والله وانت گتلي اني اريدج
بس
_بس شنوو
_بس ما اعرف شنو اگول اني تعبانه والله
الله يخليك لا تضغط عليه اني كل الاعرفه انت ردت تتقربلي
هيثم _ ما ناكر اني والهاي اللحضه اريدج واريد اعيش وياج واريد طفل منج واريد عائلة جبيره منج ليش دائماََ تگليلي انت الردتني طبعاََ اريدج مو زوجتي والانسانه الي راحت جتافاتها وهيه تشيلني وتخليني الانسانه الي ما تركتني بوقت اني استغربتها الانسانه الي تحبني شلووون ما اريدهاااا
_غمضت عيوني بتعب اريد احجيله كلشي بس خايفه خايفه من رد فعله هو جان يريدني  بس يخاف من الناس
دفنت راسي بصدره و ما حجينه بعد ولا كلمه بس هو كام يسويلي كمادات ويخليها على راسي
الصبح لگيته نايم وواضح بعمق بس من گمت المفراش هو رأساََ فز وگال وين رايحة شلون صرتي
_زينه ما بيه شي نام ارتاح
_اي والله هاي النومة نادره كل فتره ياله انامها
_رجع نام و اني طلعت اساعد امي نزلت نمارق
اكلت ورجعت صعدت
حنان_شلون صزتي؟
_زينه لا ينشغل بالج
حسيتها تريد تحجي شي بس متردده
گولي يوم اكو شي
حنان _ادري بس  انتِ تشتغلين وهيه تاكل وتصعد
بس اعتبري الشغل الاني اشتغله بدل عنها
_ليش هيج تحجين يووم اني لو اخدمكم عمري كله ما اجازي حقكم اصلاََ لا تشتغلين اني اسوي كلشي ونمارق تره اختي روحي من الدنيا واذا اكلت وصعدت المهم مرتاحة
حنان_نمارق لازم ترَروح دكتور نفسي وضعها ابددد  مو صح وعزيز تارك البيت يتهدم على روسنا و محتار بأمر انتهى من عمرنا
_يوم ما جنه هيج احس كلشي اختلف
_الحادث دمرنا كلنه ورائد وطلاكة
و انتِ ما مرتاحة وي هيثم
و نمارق ترملت اني ما اعرف المن التفت
اصلح حياة منووو وخايفه على ابوج يرجعله المرض و احنه بعدنه ما جارين نفس
آسيا_ ليش ابوي متوجع بي شي
_لا بس سوه فحص لازم كل ست اشهر صار يومين من  سوا وننتظر ونشوف شنو يصير
_طمنيني مو هم تسكتون
_لا احجيلكم لا تخافين......
.........
نمارق _ بعد اشهر وبيوم عيد ميلاده رجعت فتحت احسابه اريد اهني ويجاوبني
اريد اگله شلونك جوه التراب
شلون طولك الحلو و وجهك الجان اغلى اماننيي ابوسه
فتحت الحساب اكو رسائل جاية جان الماسنجر ينفتح من نفس البرنامج من الايقونه
لگيت الرسائل بس من علي
بعضها يسأل الحساب بأيدمن و بعضها يشكي الحال الاخو و اشتياقه
دخلت على حسابه
كاتب خواطر رجعت حذف الرسائل و كمت ارسل واجاوبة مستمتعه ولو للحضه احس بي هو يمي هو ديراسلني
واني دازيد اريد الحساب وصلتني رساله من علي
هذا حساب اخوي وهو متوفي اذا مسروق الحساب اني ادفع فلوس بس انطينيا
جاوبته اني نمارق الحساب يمي
گلي _ها الله وياج
بس هيج كتبلي اني هم عفت الحساب و طلعت
اني ما شايفته العلي من وفاة اصيل وحتى من شفته بالعزيمة جانت لمحة احسه يتهرب مني
مسكين جان يحبني واني گدام عينه يم اخو
ههههههه هم الدنيا مو عادله
مدري هو حط عينه علينه و مات اصيل
الله يفكس عينك
آسيا _ويامن تحجين
نمارق _ من دخلين دگي الباب شي شبيج
آسيا _دعوفي هسا الباب ويامن تحجين وي روحج؟
_ايي عندج مانع
_لا شلي دخل
نمارق _ تدرين سبب موت اصيل علي
_شلون؟
_هو حسدنه هو چان يكره يشوفنا سوه
آسيا _ايي وقدر الله و كل نفس ذائقة الموت و الموت حق على البشرية هذا خيولي بس حسد علي هو السبب نونو تره علي نسمه هوا
بالرغم چان يريدج بس ما اثر على قيمتج وانتِ بنفسج گلتي جان يدافعلي و يصالحني وي اصيل بعد هذا الحجي المن
نمارق_والله هو خله عينه علينه شمعرفج انتِ
_لزمت ايديها وبستهن رجعي نونو رجعيلنا موت اصيل مو نهاية العالم ربي يرحمة بس صار هسا ٧ اشهر تقريباََ وانتِ على هذا وضعج لا تحجين ويانا ولا تسولفين بس بالغرفة مو المفروض ترجعين نونو القديمة
كامت تبجي وتگلي ما اكدررر
ما اكدر اعيش واضحك وهو راح
_هو هسا اكيد مقهور عليج لأن يريدج تعيشين حياتج جان يريدلج السعادة واكيد ما زال يريدلج السعادة مو سبع اشهر بحزن و قهر و نكران للحقيقة
_اريد اطلع من الانا بييي بس ما اعرف حتى انوار الجنت اشغل روحي بيها هم راحت
_هههههههههه
ضحكت وياي ومسحت دمو عها. گالت نرجع انوار ونرجع الاكشن شرايج
_هههههههههه رجعي ويانه سولفي وضحكي وعوفي انوار الحد ما رائد يرجعها
نمارق _يوميا يتوسل بيهاا وهيه ما تقبل ترجع
رفعت حاحبي شلون عرفتي
_اسنط عليهم
_الله ياخذج انتِ شلووون بيج
نمارق _لعدد وين اروح
_نزلي يمييييي نزلي نسولف
_انتوا شوكت تصعدون يمي واكوم اسنط عليكم
_ههههههه ان شاء الله هاي الايام بعد نصعد الغرفتنه
بقيت اسولف وياها احسها شوي ارتاحت
كامت تنزل يمنه بس فجأه وهيه تسولف تكطع الحديث وتصعد للغرفه تعزل روحها ساعات
و بقيت اكعد اغلب الوقت وحدي اني وماما خاصه هيثم وطلعاته ليوميا وي رائد وعلي
اسأله وين ترحون شنو تسون يگلي للگهوه
او للكراده متونسه بطلعاته بس من يرجع صار مثل  نمارق بس ساكت
حنان _يوم اجه هيثم روحي ساعدي باوعتله هو نزل على كيفه راد يخليله رائد الكرسي رفضه كام يلزم ويمشي بهدوء
الف الحمدلله لل گتله
هيثم _بعد كافي من الكرسي
_يوم تعاي شوفي
حنان _كلوووووش يا بعد حيلي يا هاي المشية شگد  مشتاقتلها بالبيت
هيثم _صبولنا عشا متت من الجوع
آسيا_من اتعده من يمي عطره سطرني
استنشقته بقوه
رائد_ لكفتهااااا
هيثم _شبيك شنو لكفت
_ تعدت من يمها يابه شمتك شمممم
آسيا _يووووم تعاي الرائد
هيثم _هههههه يابه غير اني حلالها هذا مو حلال زلال عليج
آسيا _كذاب ما سويت هيج
رائد _يااا وكحة نكرتي وانتِ واكفه كدامي بالله هيج سويت
اسيا يقلد حركتي و اني متت من الخجل
گله هيثم_خليها تسوي الي تريده تمون  على گلبي
اسيا _ ما سويت هو يترواله
هيثم : اي اي ما سوت
اسيا _باوعلي وانتبهلهم ما يباوعوله باسني بوسه بالهوا ابتسمتله
بابا صعده الغرفتنه وامي تهلهل نمارق طلعت ابتسمت بوجه ورجعت دخلت للغرفه من صعدنا للغرفة وگف بالباب يباوع
عزيز _مو غريبه عليك الغرفه
_لا مو هيج بس احسها هواي تهمني حتى اخشابها احس مو اول مره اشوفهن
كلشي بيها جذبني
عزيز _جنت تحب غرفتك هواي حتى المسكينه من تزَوجتها ما قبلت تبدل اخشابك وهيه ما رفضت
هيثم _نبدلهن ان شاء الله بس خلي اعاود صحتي و ارجع اشتغل واجيبلها الي تريدها
اسيا _المهم هسا انت مو الغرفة
طلعوا هو گعد على الجرباية ارتاح دقايق ونزع تشيرته باوعت العظلاته هو باوعلي وابتسم
شنو تريد شي
هيثم _لا بس اريد اگوم ابدل
_اني اجيبلك الملابس
_لااا اني بس خلي ارتاح شوي تعبت
_كمت اگلب بتليفوني واسرق نظرات الجسمة ضعفان بس بعدني من اشوفه ما اگدر اجاوزة
هيثم _نظراتج هاي مو غريبه عليه
_شنو تعني؟
_ما اعرف بس اني حاب هاي النظرات
اسيا_تفترون عليه اني ما باوعت و لا استنشقت عطرك اخوك يفتري عليه
اتقرب مني وگلي _يعني انتِ ما ذايبه بيه مثل ما اني ذايب بكل تفاصيلج
_لا ذايبه ما اجذب عليك
_ههههههههه براءة اني واخوي لعد
_ههههههههههههههههه......
.......
هادي_جدو سيف گاعد يم عتبت بيتهم و عمه جنه خبزت الخبزه وشمرتها عليه خلونه ندخله يمنه ياكل
ابو هادي _مالك دخل انت بييي هادي لا تسويلنه سالفة  ما ناقصنه والله يهجولنه عمي سالم منا
هادي _مو انته  اكلت روحي يم جدو سالم سولف ويا واحنه ندخله
گلي_واذا طلع
اذا طلع اني اهزمه من شباك غرفتنه والله يابه يكسر گلبي
سؤدد_اييي حبيبب الله يخليك خطيه هم نخلي يسبح اذا سألك گله هادي ديسبحه و نبدله خطيه نكسب بي اجر وثواب
ابو هادي _راح تعموووون علينه والله
هادي _طلع ابوي واني بقيت انتظر الحد ما عمه جنه وولدها راحوا ع سريع جريته تعال جدوو تعال يمنه اسبح واكل
_لا لا روح سالم هسا يجي ويعارك وياكم
_لا ابويه راح يلهي ع سريع
هو اجه وياي امي سوتله الحمام و هو دخل من وحده يسبح اني واگف بالباب خايَف يريد شي انطتني امي تراك من ابوي يلبسه انطيته اله هو كمل كلشي امي واگفه تباوع متفاجئة شبيج
_من يروح يم ضرغام خطيه يشبعه ضرب الحد ما يسبحة يگول ما يقبل يسبح هسا كلشي سوه وحده
هادي_ضرغام ابن سالم وزوجته جنات شتردي يطلع نبي جلب ابن جلب
ضربتني امي اسسسس عيب ولا يسمعوك
_خلي يسمعوني فتح الباب خال الخاولي على راسه من شاف امي دنگ وگال اني طالع
سؤدد _لا عمي تعال تريگ سويت بيض وجاي و حميس طماطه
سيف_ عمي سالم هسا يجي
_لا ما يجي تعال تعال
هادي _گعد يمنه اكل لگمتين وگال ضمو حصتي الفاتن خطيه حامل وخاف ما تشبع
سؤدد _عمي انت اكل و اني اضملهم بس اكل
_لا شبعت واذا عندج زايد ضمي الهم اني من ارَوح اخذه
هادي _ما اكل حصته وبقه مصر الحصه العائلته طلعته بهدوء وراح گعد يم عتبت باب بيت اهله قادني فضولي اله وگتله جدو ليش هنا تگعد
_انتظر امي تجي تفتحلي الباب
_تريد تعيش يمهم؟
گلي _لا عمي سالم ما يقبل انا هذاك بيتي
_يأشرلي على البارگه
_لعد شسوي تروحلهم؟
_عندي غراض بالبيت كتبي و قاطي و محفظتي بيها صوره فاتن و شهادتي هم بقت يمهم هيه تجي وتنطيهن الي
هادي_يذكر كلشي وناكر الواقع العايش بي يحجي مثلنه ويصرف مثلنه بس ناكر امور و عالق بذهنه بس امر فاتن اريد اشوف هاي فاتن الهجولتنه و الدمرت دكتور جامعي
واذا هو هلكد يحجي بيها يعني تحبه لعد وين حبه الها َتركته لو معقوله َمثل ما گال جدي سالم اهله ذبحوها
بقيت يمه الحد ما صار المغرب اخذ سلاسله وانطاهن الجدو سالم اني واگف اباوعله
سالم _يلااا فوت
هو دخل و گعد بمكانه ربطه وقفل الباب عليه
دخلت للبيت فتحت كتبي وبقيت ادرس بشرحة الي كمت اني اعرف اشرح الروحي واسهل لاقي المواد بس المواد الصعبة هو يساعدني بيهن
خلصت دراستي طلعت اريد اكلي لكمة متت من الجوع صحت الامي ما جاوبتني اكيد نامت باوعت للساعة ١١ بالليل هسا امي مو بس نايمه وحلمت طايره بالسما هم
طلعت جبن و صبيتلي جاي بارد و اكلت وگمت اغسل كلاصي تكوم الصبح تصيح عليه اذا خليتهن سمعت نباح الجلاب باوعت من شباك المطبخ صوتهن قريب عبالي دخلن للبيت
باوعت للبارگه ما جان يصرخ الظاهر نايم هو هم
داسد البرده وشفت عمتي جنة تتلفت اني ع سريع نزلت البرده و طفيت ضوا المطبخ ورجعت اباوع شالت طابوكة من طابوك البناء وضربت بي باب البارگه بي ودگته كل قوتها بأيدي محد يطلع لأن
اي هوسه تصدر منا يفكرون هو بالرغم هذا ضرب وهو مربط بوقتها من الخوف جمدت شدسوي هاي وليش هيج تسوي اني هم بقيت اباوع يمين يسار اريد شي الزمة شفت طابوكة الامي تخليها دائماََ على باب المطبخ لزمتها وضربت باب المطبخ كل قوتي وركضت للبرده نهزمت هيه بس طلع ابوي گال شنوو دسوي انت
: سويت روحي نايم وماشي بحلمي يحجي وياي ما ارد الحد ما هزني ياله جاوبته هو خطيه شالني ووداني لفراشه قرا عليه ايات وطلع بقيت صافن بهذا الليل جنه شدسوي وليش هيج سوت وشبيها ويا
ما نمت طلعت للمدرسة واني ما نايم.......
......
حنان _وين راحوا الولد؟
نمارق _سمعت رائد يخابر علي يگله نروح للمنصور
اسيا_ لا ينشغل بالج يمهم هسا شويه ويرجعون
تحسرت وگالت_من يطلعون بالي ينشغل يمهم اخاف من الحوادث مو كافي هذاك الحادث هجم حياتجن
نمارق _حياتي بس اني مو حياتنا شبيها اسو هاي هيه يم هيثم و عايشين مرتاحين
حنان_هيه هم ما مرتاح شنو ذنبها صار شگد عايشة ويا وهو ما يريدها اني هم طكت روحي من هذا الموضوع دمرنه حياتها وهيه عايشة ويا مثل الاخوان
اسيا_باوعت النمارق واني ما اگدر احجي ما اگدر اگلها ما عندي  الجرءة
ضحكت نمارق وسكتت
وصلني مسج منه جهزي روحج مشتاقلج اني راح اجي
اني تركتهم وصعدت سبحت و شسورت شعري فتحت الكنتور اگلب بين قمصان النوم وشنو اللبسله وشنو الحلو عليه جريت بأيدي الفستان الجابته الي نمارق   لبسته وذكرت قبل من صعدته نمارق وغطيت روحي باللحاف  ما قبلت يشوفني بي  وهسا اني لبسته الى و  صرت اخبل بي  خليت مكياج شوي طوخ  وتعطرت وگعدت انتظره من دخل اني گمت واجر بالفستان هو باوع للفستان وباوعلي گعد مكنبص بباب الغرفة ولزم راسه بيك شي يوجعك شي هو مال عليه حسيته مو بوعيه بس اسمع ونين منه ع سريع سترت روحي بروب طويل وصحت الرائد  رفعه وياي هو ما يجاوب بس يون رائد گال دخل غيبوبه ع سريع جرا ونزل بي اني كمت اصرخ
وهو يصيح يااابه الحگنه هيثم دخل غيبوبه
لأن اي رد فعل ماكو بس يون ويون بصوت عالي
خلا بالسياره لزم ايد رائد 
رائد_احجييي هيثممم هيثممم يابه جاوبني
هيثم_ راسسسسسسي
حنان _شبيك يووم جاوبني
هيثم _راسييي يوم
اسيا _كام يصيح ويستريح من راسه
و خشمه نزف دم رائد نزع تشيرته ومسح خشمه
تقربت منه شبيك حبيبي فدوه لا تخوفني
لزمني من قميص النوم لفه عليه ودفعني بحيث ابتعدت عنه يجي متر ونص وگالها بأشمئزاز روحي ستررررري روحج
..

....

....