#أنساب_طاهرة ٣٢
#أم_مختار
#دنيا_غانم
:صعدت الدرج بدون ما التفت دگيت الباب فتحتلي
نمارق ذبيت الغراض من ايدي وگتلها شفته
نمارق : جريت الغراض ودخلتها شلون شفتي بس على
كيفج احجي ابوج بغرفته
:واني جايه على الدرج هو نزل واني صعدت
نمارق صاير يخبل و عضلاته وصاير ضخم
تسرسح گلبي من شفته
نمارق :عبالي الكرامة انتفضت طلعت عيونج الزازي
:لا والله بس هيه هم شفته وهم اكلته بعيوني
نونو اريد يوميا اشوفه اريده يرجعلي ويعتذرلي و
يبوس ايدي ورجلي وراسي حتى اسامحة حتى
اسامحة واخلص حياتي ويا
:جذابة مو من اجيتي توسل بيج وانتِ رافضه
اسيا : امزح ما اگدر بعد ارجع نونو بس داخلي يريد
يرجع بس صعببب ما اگدر بعد
نمارق : اي لا ترجعين اسو اذا ترجعين لازم اني هم ارجع
اسيا :سكتت شوي وضحكت
گتلها شكووو
:لو تطلع نخلة براسي وبراسج ما نرجعلهم
اسيا : للاحسن منهم ان شاء الله
نمارق :بعد خلاص لا زواج لا صخام نربي اطفالنا وهذا
هو احنه من البداية مصخمة ملطمة تاليها عود تگعد
اسيا : اني مقررة من كم سنة خلاص اعيش وي اولادي
وانتهت
نمارق :يمه منج ولج ستوج اسرسحتي
اسيا : انت مدتفهميني نمارق انا عندي گلب يحب
وبنفس الوقت عقل يفكر احبه وبكل جوارحي بس
مستحيل ارجع لأن ما ترهم ما ترهم بعد
تركني بداية زواجي وهسا تركني لأن شك بيه اخونه
هو انتفض الروحة وزعل لأن شك اني خنته شلون
ارضاها الروحي اذلها بس لأن احبه لا و الله مثل ما هو
غالي عند روحة اني غالية عند نفسي وهواي غاليه
ومن اجي اسولفلج لان انتِ اختي احجيلج الظاهر
والباطن وين اروح انفجر اذا ما احجي
نمارق : لا تضوجين حبي دامزح وياج
اسيا: هاا حبيبي الاكل ع نار شويات ويستوي
سيف :ابوج عزيز اتصل علية يريدني
اسيا :ايي روح وشوف شنو يريد
سبف :اتوقع علمود الطلاگ
اسيا :يابه لا تأجل وقت ما يريد اني حاضره وماكو كل
عارض يبطل الطلاگ
_هز براسة وطلع اجوي اولادي و ابن رائد كله يمي اني
اوكل واغسل وابدل و اهتم هو هم حنين ويحبني
نمارق : اتصلت بعد عليج امه
:اييي يوميا تتصل وتراسل وتريدني افتحلها كاميرا بس
گتلها خلي اشوف رائد خاف ما يقبل ويوميا انسه اگله
نمارق :اني منج اشوف رسائلها وما ارد
اسيا : عندي اولاد والساعات الي يرحون بيها يم ابوهم
وهنه بس هالكم يوم احسهن مو ساعات سنين واخاف
يوكعون يتعورون وهو ما منتبه حتى بالليل احلم بيه
من يباتون يمه اگول هسا مختنگين بالفراش وهو نايم
ما يدري بالرغم همه كبار فـ الله يساعد گلبها على فراگ
ابنها
نمارق :هيه لو تريده ابوها گادر يشتري بغداد كلهاااا ما
يگدر يطلعلها فيزا شو العراق صارت بي كل السفارات
تروج تقدم اسهلها فرنسا حتى ما طول بس تدفعلها
كم فلس وتجي
الحنين يفعل مو بس يراوي رياء
:مالي دخل بيها المهم اني ما اگدر ما اجاوبها
اعمل بأصلي وكل واحد حر ماما حنان ما علمتنه
الخباثة
گعدت على الكرسي ومدت رجلها ع طبلة وگالت لا
عيني الخباثة ذاتيه مو تعلوم
:هههههههه وتعترفين
نمارق :شايفه اسيا اني من احقد كافرة
اسيا :احسن تعيشين انتِ ههههههه
نمارق :عينج ع الباب
اسيا : لا هيج ماكو
نمارق : لعد تگولين الابوج خلي يطلك وبأقرب وقت ام
وجهين
اسيا :شرحتلج ما بيه اعيد بعدد والطلاك الحل الامثل
حتى گلبي يگطع الامل وگلبي وعقلي يتحدون.......
خابرني بابا سيف گلي تعاي لبست حجابي وعبايتي
ورحتلهم دخلت لگيتهم گاعدين كلهم
عزيز : تعاي يابه يمي
اسيا : خطواتي هاي وجمعتهم ذكرتني بالساعة الگعدنه
بيها بالمكتب من بابا گلي احنه مو اهلج
تشبها كلش گعدت يمه مسح على ظهري
عزيز :يابه كلشي بهاي الدنيا قسمة ونصيب
وانتِ بنيتي سباعية ومتعلمة اريد احجي وياج
بموضوع الطلاك
اسيا : لزمت ايده يابه لا تواسي ولا اطيب خاطر
طلاكي اني تم من ست سنين مو هسا حتى اني انقهر
احجي يابه
عزيز : بنيتي السباعية ادري بيج انتِ قوية وما كسرج
شي بس اني اب ما يهون علية هيج يصير بيكم بس
شنسوي بعد الحمد لله ع كل حال ....
اسيا :الحمد لله
حنان :ماما اسيا هيثم عنده كم شغله تتفقون عليها
حتى يمشي باجراءات الطلاك
اسيا :اي اسمع گاعد گدامي بس مدنگ من گتله اسمع
رفع راسه وتنفس وگال اولهم اولادي
نقسم الاسبوع ٣ ايام يمي و ٤ يمج
مو شكال انتِ اختاري الايام
وبالايام العندج وقت الاريد اطلع وياهم اخذهم
ومن يجوني ممنوع تجين تاخذيهم
اسيا : ابتسمت بوجهه والتفتت البابا عزيز هذا هو يابه
سهله
هيثم : مصرفهم يمي من تحتاجون شي اتصلوا بابوي و
اني اجيبه الهم
اسيا : بابه اني اسوي قائمة بشغلاتهم وهو خلي يرتبها
من يمه
عزيز :ليش يابه مصرفهم يمهم افضل
اسيا :رفّض رَفض قاطع
هيثم : يابه اني اريد ازوج بأقرب فرصة ما اريد هذا
الشي يخل بالاتفاق الاولية
اسيا : لا تخاف وقت مايكون الايام الك اني بنفسي
اجيبهم الك خلصن شروطك
هيثم اييي
اسيا : هسا اني اريد الغايب مالتي وذهبي كله يم ماما
حنان هم اريدة
و اريد فلوس غرفة
وكل نيشان انت ما اشتريتلي هم اريد نيشان وقابله
اطلع اششَتري وياك نيشاني المهم حقوقي ترجعلي
وهااا بالشريعة الاسلامية الزوجة من تطلگ الها نفقة
من زوجها فـ القائمة الراح تجيك بيها متطلباتي
فـ رجاءََ لا تتأخر بيها عدل گعدته وضحك كلهن يجنج
لا تخافين :گلي
اسيا :ها يابه اروح لو بعد اكو شي
هيثم : باجر اتفقنا وي الشيخ يجي ويتم الطلاگ
اسيا :همزين باجر لأن عطله ما عندي دوام يابه وقت ما
تردوني بس اتصل
خليت ايدي على افخاذي وگلت يا علي وگمت
وطلعت من الشقة دخلت بيتي بعدني قوويه صامده
بابا سيف اجه وراي وما اگدر اقهره گعدت بالصاله
العب وي الجهال اريد الهي دموعي ما ينزلن
حضرت الاكل وي نمارق وگعدت اكل وبابا كل شوي
يباوعلي ويگلي تردين شي بيح شي
لا ما بيه حبيبي لا ينشغل بالك يمي
خلصنه الاكل دالم السفره اندگ الباب بس بقوة فتحته
ودخل بابا عزيز والولد بالگوه لازمي
عزيز :نماررررق
نمارق : نعم يابه
عزير : يعني سميتي ابنج اصيل هيج عناد بأبو
نمارق : اييي
اسيا : بابا يريد يلزمها وهمه لازمي والجهال تبجي
گالت نمارق :لعد حلال حرام من يذبني مثل الجلب ولا
يسال عنه شنو سويتله انييي مو هو اجه وخطب
حلال يدمرني واني حرام اسوي شي
:خلاص نونو يابه على كيفك ااجهال منا خطية
گعد ابوي وهمه واكفين يمه رائد يأشرلي خليها تدخل
للغرفه وهيه السان شيدخلها دفعتها بالگوه ياله دخلت
طلعتله بست راسه لا تضوج حبيبي هيه لأن مقهورة
هيج سوت
عزيز :اتصل عليه متخبل
اسيا :الله يخبله بالزايد من ذبها هيه وطفل وگال ما
اريدهم ما تخبل
بابا عزيز سكت ما جاوبني
هيثم : تجون يمي
زين :ماما نروح وي هيثم عظلات
:هههههههه هاي شنو عيب نگول بابا
عزيز دشوفي الخ شنو يسمي
اسيا :عزااا ولا منتبها بالله شتگول انت
زيد : اسمه هيثم شقاوة خلينة نروح وي هيثم شقاوة
يوم
اسيا :روحوا
هيثم :جيبوا ملابسكم مالت النوم حتى تباتون يمي
زين :ماما اسيا تقبلين أنام يم بابا من بعد اذنج لو
سمحتي
اسيا :يمه الادب مشايفته قبل روحوا ماماتي اخذوهم
يابه اني احضر ملابسهم واجيبهن الكم
شالهم على ظهره وطلع وهو يلاعبهم
بابا گلها نغير اسمه واذا مره لخ سويتي شي وكذبتي
عليه ارجع ابنج الابو فهمتيني
نمارق :مثل مشوف فدوه يابه لا تزعل مني
عزيز :خلصتوا حيلي وبالاخير تگولون لا تزعل
الله يسامحكم
اسيا : طلع زعلان من عدنه باوعت النمارق هيه هم
زعلانه شرايج نسوي عشا مرتب ونعزمهم ونراضي
نمارق : نسوي ونروح البيته اني اسوي كيك و انتِ
سوي حبشكلاتج
اسيا : ما اكدر اروح وهو هناك
نمارق :ما نطول بسرعة نرجع
:خلي اشوف بابا اذا قبل نروح كلنة
نمارق :ركضت الغرفة عمي سيف دگيت الباب وگتله
فدوه عمو خلي نسوي اكل ونروح البيت بابا عزيز
نراضي
سيف :اي يابه سوي الي تردي
:مو اسيا متقبل الا اذا انت تقبل وتروح ويانه
سيف :هااا اي نروح شكو بيها بس اني معزوم على
العشا يم اصدقائي بس اروح وياكم
اسيا : اني هم اروح ومن يطلع بابا ارجع للبيت...
حضرنا الاكل سويت اشكال واخذت ملابس اولادي
ورحنه
نمازق :اجينه نراضي بابا عزيز تقبلونه
رائد :يابه جايبين اكل اقبلهم بداعة العزاز
عزيز :فوتوا يابه
سيف : السلام عليكم يابه جبتهم واجيت خطيه من
طلعت الهسا هنه يرتبلك الاكل وتعبن دسامح هاي
المسكينه جل من لا يخطأ
عزيز :مسامحهن يا خوي اني كل هذا سويته عليمن
علمودهن بس صايرات مو خوش بنات وحده تسوي
مصايب والخ تستر
اسيا :هههههههه اني شدخلني هيه تحب المشاكل
احجي وايباوع البابا سيف يراسل وملتهي بالتليفون
سده وكال اني اترخص يابه اصدقائي ينتظروني
:لحضه يابه اجي وياك يوم هاي ملابس الولد خويه
رائد اذا تريد جيب ليث يمنه اني ما عندي شي
عزيز :ابقي اتعشي يمنه يابه
:لا حبيبي اريد ارجع ارتب البيت يلا الله وياكم طلعت
بابا سيف مستعجل ع سريع راح
رتبت البيت داغسل المواعين ندگ الباب غسلت ايدي
وباوعت من العين السحرية جان هو وجان يباوع للعين
ما فتحت الباب رجع دگ الجرس تنفست بعمق وفتحت
الباب نعم تريد شي
هيثم : بالشريعة الاسلامية الانتِ حجيتي بيهاا
تعتبرج زانيا تحبين بعد احجي بالشريعة الاسلامية لو
خلاص
اسيا : طالب بحقوقك مثل ما اني طالبت و نشوف منو
يربح القضية
هيثم : طلباتج سهلة الفلوس ما يهمني مثل ما انطيت
الصاحبج ٥٠ الف انطيج مثلهن
اسيا : لو تحترم حالك لو لا تحجي
اني ما سويتها من حضرت جنابك رحت اربع سنين
هساا اسويها دفع الباب بكل قوته ودخل لزمني من
رگبتي خنگني وگال رقمممج شلووون وصل انطيني
تفسيرررر واحد وانييي انسه كلشي
بعدت ايديه عني وگتله ما يهمني وما ابرر ولا اجيب
تفسير
هيثم :ايي لان ما عندج
:ايي بالضبط ما عندي واني جنت احبه ونمت ويا واني
كلشي سويت برضاتي واني نزلتله للمخزن لان انت ما
تفيددددني وشتريد تسوي سوي
اني ما حسيت غير ايده نطبعت على خدي جرني
للغرفه وهو لازمني من راسي جرني من شعري وگليي
اليوم ارويج شنو راح اسوي
نزع احزام بنطرونه وطبكة ضربني كمت اصرخ بأيده
لزم حلگي وخنگني وبأيده الخ لازمني من شعري
أنت تقرأ
أنساب طاهرة
Romanceقصة حقيقة لا احد يعرف لغز الحياة ولا اسرار البيوت هجرتها كما هجرت روحي تركتها للسنين لتداوي جروحي وجروحها ومنذ تلك الليلة لم اذق صبا النسيم ولا لين الهبوب متى وأين يكون اللقاء وماذا يحدث ساعتها مجرد تخيل تلك اللحضات ينتابني حزناََ عميق كجرو...
