أنساب طاهرة

أنساب_طاهرة23

#أنساب_طاهرة ٢٣
#بقلم_ام_مختار
#دنيا_غانم
هادي_ما جنت اعرف اي شي عنكم وولا مكانكم وولا عندي شجاعة ادور
وسألت ابوج ووين ببغداد ما يذكر بس تذكر المزرعة الي بقه بيها هو وامج بقضاء بلد رحت وسألت بس الناس مو نفسهم ومتغير كلشي وسألت امي لأن هيه جانت جيران بيت اهلنا قبل لا يشيلون من بغداد بس ما حجتلي خافت
اسيا _وشلون عرفت مكانه هسا
_سمعت من الاطفال  جاي رجال يسال عن المخبل
بقيت اسأل ولد ضرغام وهمه حجولي وعرفت العنوان القديم ورحتله ياله وصلت الهنا يعني جيران اهل خالج عزيز همه وصلوني الكم
عزيز _عمي انا مو خالها انا ابوها ما احب كلمة خال
اسيا_المخبل قصدك سيف؟
_اييي هذا اسمه الي الكل يعرفه بي
اسيا_اباوع السيف گاعد الي يشوفه مستحيل يگول يحجي مخربط بس هيئته حزينه وتعبان
هادي_لا تشوفين ابوج هيج سبح تره ما يخلوا يسبح و زين شفتي انتِ بالبيت تره يبقه بالبارگه سنين ما يقارب ١٥ سنه
سؤدد_ لو ما هادي جان بعده الحد هسا بالبارگه بس بالمحايل وبوس الرجلين وعلى گولتهم مسح الاحذية ياله قبلوا يروح البيته
اسيا_حسبي الله ونعمه الوكيل
گمتله ما اريد بعد اسمع شي صعدته وياي وگتله تريد تسبح باوعلي وگلي اذا يصير
_ايي يصير دخلته للحمام خجل مني
شوف اني راح اخليك بالشورت واغسل كل جسمك وراسك ونسولف هم بالحمام تقبل؟
_ايي
_نزعته الملابس جسمه واضح عليه التعب حتى ما ينظفوا زين حضرت الحمام من كلشي و الليفة وغسلته من فوگ ليجوه ندگ الباب
اني هنا بابا عزيز
عزيز_ اذا خلصتي شغلج طلعي اني اكمل الباقي
_اي ياريت اريده يرتاح بحمامة واني نازلة اسويله اكل
عزيز_اي يابه تدللين
اسيا _عفته وي ابويه ونزلت امي مسويه من الغدا مرگه بانيا و تمن وخضروات وحضرتله كلاص لبن
سويتله صينيه وصعدته اله
عزيز_احنه بغرفة هيثم يابه
اسيا_من يجي طاريه احس بطني تتقلص
دخلت على بابا متمدد على سرير خليتله صينيه اشتم ريحة الاكل وابتسم
_عجبتك الريحة؟
_ريحة اكل خاليه من المرمية وجوزه طيب و اسنان داود اووووو اعشاب مرت عليه لو يخلوني بمحل عطار انجح
اسيا _لا تفكر بالراح انت وياي اليوم واني اسويلك كلشي
عزيز _ايي سمعت سيف تسويلك كلشي احنه بعد شنو صرنه قدماء
اسيا _ تغار عزيز مووو
_لا ما اغار شنو اغار مو عيب
لج اني احترگ من داخلي من تحاجين سيف و تحسسي بحبج انييي بس ابوج
سيف _ لو نجي للحق انت ابوها
اسيا _ههههههههه انتوا ثنينكم باباياتي بابا عزيز وبابا سيف
سيف _وليش قدمتي اسمه على اسمي
اسيا _عززززززا
بقوا يضحكون ثنينهم لحضات وبابا سيف رجع وجهه حزين شنو صار؟
گال _يعني فاتن خلاص راحت موو
اسيا _ مو گلنه احنه ولد اليوم
تحسر وگال_ ما شبعت منها ولا من عيونها
تلث سنين عباره عن مطارد و من گلتلي حامل حسيت ملكت الكوون وگلت خلاص لازم نشوف حل رحت وگلت اهلي يصيرولي سند وما يتركوني ويتركون بزرهم ع الاقل
لكيت اهلي ذيابه جواعة
اسيا _يعني اني فرحت الكون بالنسبة الك
سيف _ما ردتج تشوفيني بهاي الحالة
اسيا _وشبيك تخبل جنك العافية اكل هسا لااا يبرد اكلك
اكل لگمتين وباوعلي وابتسم تريد شي
سيف _جنت اضم اكلي الفاتن وطفلها خاف جوعانين هسا طفلها ديوكلني وهيه جوه التربان
اسيا _ما كمل اكله بس گال خلوني انام
ونام سيف وبقيت اني انتظره وكل شوي ادخل عليه يمكن رحمة من الله شغلني بابويه حتى انسه هيثم بقيت يم باب الغرفه گاعده و من تعب مددت رجلية وتلمست بطني كبرانه وهواي وصلبه جريت تليفوني اليبعد عني مسافة ودزيت رساله على الفايبر
عمر اطفالنا تلث اشهر ونص وخايفة من الايام الي تركض اخاف اولدهم ومصيرهم مجهول
ادري بابا عزيز ما يقصر بس ما ردت يصير بيهم مثلي
بس اذا انت ما اجيت ما يهم اني الهم اني اصيرلهم الام والاب
_دزيت الرسالة ورجعت كتبت اذا تگدر ترجع
ارجع الخاطرهم بسسسس انت حتى عقد السيد اخذته شلوون اثبت هذولي اولادك....
دزيتها وسديت الجهاز
صعد بابا عزيز ابتسمتله من شافني متمدده وفاتحة رجليه فزع عباله بيه شي لا تخاف بس مرتاحة هيج
گال _خو ما مصخنه
_لا كام يتلمس ايديا ورجليه وجبيني
بالاخير باسني من راسي وگومني روحي ارتاحي يابه لا تبقين هنا
_اخاف يريد شي خليني هنا
رائد _هادي يريد يصعد
اسيا _ع سريع لبست حجابي وصعد
هادي _عمي سيف بالليل اذا ينام يكوم يصيح تره
اسيا _اني يمه
_لا ما يصير يرادله رجال لأن هناك يربطوا وهو يصرخ من كل حيله هنوب ما مربوط يكسر البيت
اسيا _فزيت بوجهه بصوت عالي وگتله بعددد ماكوو ربط شنو حيوان َتربطوا يم اهلك تربطوا هنا ماكو ربط
هو استغرب عيطاي
_مو قصدي والله اعتذر بس من اذكر منظره تنهار اعصابي
هادي _حقج ما نربطه بس ع الاقل خلوني اليوم يمه
اسيا _مو شكال واني بالغرفة الي بصفك
رائد _واني بالغرفة الي بصف غرفتهم اي شي تحتاجة بس دگ الباب
هادي _ان شاء الله
اسيا _ما كدرت انا بقيت اتخيل بأي لحضه يصرخ بقيت گاعده بس ابد ما صدر من غرفتهم اي صوت نام  سيف نومه عميقه حسب كلام هادي الفجر صليت و نزلت حضرت ريوگ وي ماما للخطار و خاص البابا سيف صعدت بالصينيه وشافني بابا عزيز تحسر رجعت بالصينيه خليت صحن اله وصعدت بدون ما احجي دقايق َنزلت سويت روحي مستغربة تأخره لويش ما اجيت اكلك راح يبرد گام َابتسم يعني حسبتي احسابي
_اييي اكيد شلون انساك
لزم ايدي وصعدنه اني ويا
اكل هو وبابا سيف واني وياهم اسولف واضحك واني داشرب الماي شرگت بالماي ثنينهم گاموا اسم الله شربي ماي تنفسي
باوعتلهم وضحكت شنو سالفة تره مو طفلة انييي على كيفكم نفتح الباب
نمارق _لااا هيج سالفة مو زينه بطلنا نحسد الله رزقج ابو لخ شهر زمان  اذا تركتج يرجع هيثم
اسيا _ ههههههههههههه
گالت البابا سيف _شلونك ابو اسيا
_هو صفن بوجهه وابتسم الحمد لله بخير هاي بنتك عزيز
عزيز _اي هاي بنتي الكبيره وقبلها رائد والجبير هيثم
سيف _الله يحفظهم اللك
اسيا انتِ مزوجة؟
اسيا _ما انطاني مجال بابا عزيز احجي هو
گال _ايي مزوجة ابني هيثم و حامل بتوم
سيف _ صارلج شگد مزوجة
اسيا _بابا عزيز بسرعة جاوب باليوم وتاريخ
نفتح باب الغرفة رائد صبح على بابا وگال :
يابه ضياء جوه اجه الولد وجايب ويا خيرات العماره كلها
عزيز _ايي جاي
اسيا _بقه ضياء نص ساعة لأن الخطار جانوا بالصالة بس جايب ويا ضعف الجان يجيبه وسأل عن الكل بالاسم و بابا يگول خصني بالسؤال كل شوي ويگول وبنت الحرمة الجانت يمنه
اسيا _خطيه شلون ناس طيبه رحتلهم شالونه على كفوف الراحة  الله يحفظهم
حنان _ايي والله ناس خيره ونعم منهم
اسيا _ هادي راد يطلع بس بابا ما قبل گله اني شتريت عماره وبيها شقق بس هاي الايام تكمل
ابقوا  يمنه الحد ما تكمل و بيعوا بيتكم وعود على راحتكم
بابا سيف بس صافن بيه ما يحجي اتجرأت وسألته عندك صور الفاتن؟
_هيه وحده وما لگيتها بين غراضي
_وين ندور بلكت نلگاها
سيف _ هادي دور واني هم وما  لگيتها
اسيا _زين انت تحس روحك مرتاح يمنى؟
_الحمد لله المهم خلصت من السلاسل الاكلت ساعد ايديا و حفرت رجلية والاهم شفت بنتي الجنت انتظرها بكل لحضه من الخمسة وعشرين سنة
اسيا _ سؤال
گلي _جواب
_تحبني؟؟
_بطنج جبيره لأن حامل بتوم بلشتي تعبين؟؟
_تجاهل جوابي اني هم ما ركزت عليه وخجلت من سؤالي وگتله ايي اتعب احس روحي ثگيله
_اخخ منهم يتعبون بنيتي الله يخلصج منهم
اسيا _لا ليش هيج تگول زعلت حيل من كلمته ودمعتي وكعت بالرغم اني شگد تمنيت انزلهم بس ما وضيت من حجة ابتسم
وگلي _بعدهم اول ٣ اشهر ونص وحبيتيهم الدرجة العين دمعت لجل شي لا لامستي ولا شايفتي
انييي مثلج و اني طول الخمسه وعشرين سنه مو بس حبيتج اني حبيت حتى التخيل الي اتخيله حبيت كلشي ممكن يتفصل بيج اني حبيتج من اول ما گلتلي فاتن اني حامل هيه حملتج ببطنها واني بگلبي طول الخمسه وعشربن سنه
اسيا _يعني تحبني؟؟
_هههههههههه احبج كثر ما حبيت امج
_حضنته وبست راسه اني هم حبيتك والله ما حسيتك غريب عني وكل الي جنت شايلته بگلبي تبدد بلحضة الشفتك
سيف _باوعيلي اسيا اني هذا حالي يوم زين وعشره لااا تگدرين تحملين واحد مخبل؟
_لا تگول هيج انت ما بيك  شي بس همه الله لا يوفقهم هيجج سوو بيك
_جاوبيني ترديني هيج لو لا
_انت تريدني لو لا اني اشتريك بعمري انت تريدني تصيرلي سند لو لا يابه انت ما تعرف بوضعي وما اريد هسا احجيلك ارتاح واشيل فوگ حملك حمل
سيف _اني اريد اخذ حقييي اريد ارجع الضرغام بس من اگوووم الحيلي اطلع حقي من عينه وعين ولده مثل ما الله اقتص من ابوه
اريد حلالي كله يرجعلي و اخذلج بيت ونعيش سوه تساعديني لو تركيني يا حمل گلبي
_ههههه حمل گلبك صدگ اني هيج؟
_ليش ما واثقه بحبي والله اني ميت بحبج ما يهمني يمتى شفتج ويمتى اجيتيني وشنو جنتي تفكرين بيه انييي حبيتج لحضه الگالت امج حامل
اسيا _حضنته وكمت ابجي محتاجة حبه ظهر بالوقت المحتاجته بي رغم الكل ما يقصر وياي بس اريده وياي اريد احجيله شنو صار بيه بغيابه
دخل للحمام يسبح هو وحده ما قبل ادخل ويا
بدل وطلع سألني الغرفة الاني بيها المن؟
_هاي غرفتي اني وزوجي
_لعد شنو زوجج ماكو؟
_مسافر لا تهتم هسا ارتاح جبتله دهن الشعر والعطر ومشطت شعره الابيض و رتبت لحيته بسته من راسه وغطيته ونزلت ربي رزقني بطفل قبل لا اولد دخلت للغرفه حسيت روحي ثگيله ومختنگه
بس جذبتني ضحكه نمارق صار هواي مشايفتها تضحك خيرر بشري؟
_لگيت حساب علي الخ ومنزل اشعار وخواطر
_ايييي؟
_كلهن كلهن  الي
_اشوفج فرحانه
_لا والله مو فرحانه بس احس محد يحبني ليش هو يحبني شنو الي خلا يحبني
_اني من رحتلهم حيجت ويا گتله نسيتها گلي لا
نمارق _ اني يابه ما انسيي عله عله بگلب المحب والعدووو
_شوو واثقه من نفسج ست نمارق
نمارق _ لا والله اضحك  هيج وياج اذا هو  ما ناسيني اني هم ما ناسيه اصيل وولا اگدر انسا اول حب بحياتي وما اگدر احب غيره
اسيا _لو علي يخطبج توافقين؟؟
_طبعاََ لاا
عفتها ملتهيه بالتليفون تقرا و  نزلت للطرمة شفت هادي گاعد بالطرمة ويدرس فارش جواته شي و يمه اوراق و ملازم اذكرت حالي من جنت ادرس
السلام عليكم هو رأساََ گام وعليكم السلام اني راح ادخل اذا تردين انتِ ابقي بالطرمة
_لااا خليك بس ردت اعرف شنوتدرس
_اني طب؟
يعني لازم هسا اني مخلص بس شنسوي للظلام
_منو الظلام؟
_سالم  ابو الضرغام لأن جبت معدل يخولني طب اسنان حبسني وي ابوج سنة كامله الحد ما العزيز المقتدر گله حان الموعد وتوكل
_شلون مات؟
_قصة طويله
اسيا _احجيلي
كام  يسولفي كل الي عرفتوا  الحد ما وصل اليوم  الي حبسه بالبارگه وي بابا سيف
........
هادي _اني دخلت بيتكم
سيف _شلون دخلت سالم قافل الباب
_مفتاح المجمده فتحه هههههه لا تگلي شلون اني ما اعرف بس تره ما يحتاج الشباك العلى البستان مفتوح اكدر اطلع واطب براحتي
سيف _غرفتي الي بصف الدرج بيها غراض اذكر امي خلتهن هناك تگدر تجيبهن الي؟
_باجر من يطلعني ادخل واشوف شكو شي الك اجيبه بس شسوي بيهن
_هسا اللهم صورة صغيره الفاتن لابسه بيها قميص نيلي و شعرها اصفر صوره صغيره قديمه بس تشوفها راح تعرفها
هادي _باجر اشوفها
ومن طلعني سالم ثاني يوم بالليل دخلت من الشباك جنت خايف لأن زوجة ضرغام جانت تجي بالليل الابوج وتضرب على الباب لو تهزه لو ادخل السعفه من فتحت البارگه وتخوفه
_شنو مخبله هاي لو هم مسوين بيها مثل ما سوو ببابا؟
_لااا هاي هيه راس الافعى جانت تسوي هيج لأن تريد تخلص من ابوج و ماكو واحد يورثى بالسجلات اذا خبلته وموتته تاخذ البيت لأن سالم يخاف الله گايللهم من يموت انطي الكم حتى لا الناس تحجي تخيلي هههههههههههههه
اسيا _من دخلت للبيت لگيت الصوره هااا اذكرت گال بابا ما لگاها؟
_لگيتها
_وينها انطينياها اريد اشوفها
_بس جانت الصوره محكوكة بسجين ولأن خفت عليه لا يتخبل بالزايد گتله ما لگيتها ولأن قبل سنه صار مطر قوي جذبت عليه وگتله تذكر من تبللت و غرگت البارگه صار سيل قوي و كلشي غرگ بس هو جذب لا سيل ولا مطر بس ما ردت اخليله حجة على صوره ويذكرها ويتوجع
_وشنو صار على باقي اغراضه؟
_بس شهادته الجامعية و الشهادة الجنسية ايام النظام السابق والجنسيه هذا كل الي لگيته و الشهاده مو واضحة وسلمت الوالدج الاوراق اقصد ابو هيثم
_وجنه محد حاسبها؟؟
_ليش اكو واحد يگدر يحجي وياها كلها جانت تخاف منها سندها ضرغام والوالي عمها الما تطلع من شوره والي تعبده وتركعله
_جانت موجوده بالعركة؟
_ايي الي لابسه اسود هدت بعصا
_الله ياخذها  حسبي الله ونعمه الوكيل
هادي _ طلع معدلي على الانترنيت جنت  من الاوائل بالدفعة رجعت فرحان وابنها بالبيت ما جايب معدل يساعده حتى  يدخل  كلية فنون
اني وگعت بيها الدنيا ليل ونايم بالفراش سحلني من رجلي و خله السلسلة بيها وخلاني بصف ابوج بالبارگه  والاكل الي ينطونيا طعمة مو قانوني وما  يخلون امي لا تدخلي ولا تشوفني وابوي ما يحجي شفتي شلون فقير
_صدگ يخلولكم بالاكل اعشاب؟
گال _كلشي يخلولنه
_حسيت اكو هواي كلام ما يگدر يحجي
اكتفى بالحجا الي وختمها الله فوگ كل ظالم
لحد عباله يأذي انسان وتمر سلاماََ سلاما لااا
مدام اكو عادل للكون يقتص وياخذ حق العبد سالم طغى ودمرنا كلنه مو بس ابوج بس جان العذاب الاكبر الى وشنو الله سوه بيه
سياره محد يعرفها وولا لگوها ضربته واختفت
ما فادت بي العمليات صارت الحاجتين جواه خاف خله جدي سيف بالبارگه اهله بقوا ينسوا بطرمتهم يصيح بيهم ولا يلتفتوله اكراماََ لرب العزا احنه جنه نشيله ونخلي ومن اهمالهم صار گنگري برجلي و بتروهن ثنينهن و الاعشاب الجنة ناخذهن تهلوس وتأثر على الاعصاب كامت تنطي شبيه الهن حتى لا كل شوي يسويها ويغسلوله بحيث يبقه يصرخ ما يگدر يروح للحمام وفهمج كفايه
علمهم القسوة ونفذوها بيييي......
اسيا _ بعد ما گدرت اسمع ورائد الواكف وراي تحسر
رائدد _معتقل جبير عايشين بي
هادي _اوو نقطه بحر شنو ننسه اللحضه الطلعني بيها من البارگه وگلي تبوس رجل حفيدي وتگله نعالك على راسي بس حتى اكمل جامعتي
وتلتها المذله حتى يساعد والدي  بالقسط وامي الجانت تجوع اخوتي حتى لا يذلووني لو اخوتي الي يبيعون بالسوگ علاليگ حتى يساعدوني واني اشتغل اعمال حره والنتيجة الانفجار الحررني
آسيا _تركتهم يحجون ودخلت تعبت بعد  ما گدرت اسمع  شلت فراشي وخليته الغرفة ابوي وفرشت باالارض تمددت احس بطني ارتخت تلمست بطني نزلت دموعي منين ما التفت توجعني روحي احجي بداخلي وياهم واعبرلهم عن حبي الهم واعدهم اني اصيرلهم الام والاب بعدني ما مغمض عيوني وحسيت بأبوي يون رفعت غطاي لگيته گاعد ويفرك براسه ع سريع فزيت اله لزمت ايدي وبستهن اني يمك اني اسيا بنت فتونه شتريد اسويلك لااا تون بابا
_هسا هسا اصير زين بس صيحيلي هادي ولا تتقربين الي ع سريع
اسيا _ع سريع نزلت صحت الهادي المسكين يصيح يا الله وسوه الدرج. شبختين دخلت ويا للغرفه
هادي _ هااا شنو الوضع دكتور سيف
سيف _راسي رجع الالم
_جاي يخف مووو
_اي افضل انت ابقه يمي اسيا روحي نامي بغير مكان
اسيا _ما تريدني؟
لا اخاف ما احس بروحي واضربج ع الاقل اضرب هذا المسكين شوي يتحمل انتِ وين بيج حيل
_لا بيه اني وروحي الك فدوگ اني مو حمل گلبك
ابتسملي. ارتخى من هيج گتله لزمت ايده لا تصيح الهادي بعد تره اغار اني بنتك بس
هادي _يابه كاموا  ينافسون عليك بعد شتريد
_اي عيني انت التهي بجامعتك هذا ابويه انييي لا اني وولا اولادي يقبلون
هادي _تدرين اني صرت دكتور بفضل الله ثم ابوج هو جان يدرسني والمواد جانت عباره عن اغنيه حب يغنيها الي موو دروس و معادلات
_ابويه ذكي لعد شعبالك الدرجة اني طلعت دكتوره هماتين ههههههههههه انتبهت الابويه يضحك وياي و هادي يباوعلي ابتسم بوجهي ودنگ
تحسر وگال ياريت الزمان ما جمعنه بهيج ظروف
سيف _اني هم گتلها
_مو مهم شلون نجمعنا خلي نباوع للجانب الايجابي المهم نجمعنا المهم صار عندي عائلتين
هادي _ دكتور سيف منو الاحلى فتونتك لو بنتك؟؟
_ضحكتها وكلشي بيها يشبهه امها نسخة مصغره من امها
هادي _لعد يا عمي انت محظوظ بالمره وبالبنية
يتبع.......