نار الحب

البارت 3

سالم داخل الفيلا بتاعتهم و مراد معاه و بيضحك عليه و مراد بيبصله بغيظ.....ما خلاص يا عم في ايه هو حد بيزغزك ولا ايه خلصنا

سالم ضحك :البت فقريه اوي يا مراد لا و اد كدا بس خلي بالك لو قابلتها تاني هتشلوحك

رحيم دخل وراهم....هتشلوحك يا دكتور يا محترم حد باردو يقول الكلام دا

سالم ضحك:اصلك انت ماتعرفش حاجه

رحيم :معرفش ايه  

مراد :ما خلاص يا عم بقي في ايه انت هتسيحلي خلاص

رحيم. هو انا ليه حسسكم قاعدين علي مصطبه اي الالفاظ اللي عمالين تقولوها دي و كنتم فين بقي

سالم :انا هقولك يا كبير كنا عند الميكانيكي

رحيم باستفهام:ليه بوظت عربيتك تاني؟؟؟

سالم :لا الباشا اللي جنبك عربيته اتخبطت

رحيم بص لمراد. :انت لحقت دي مش بقالها يومين

سالم ضحك :و خد الكبيره بقي اللي خبطتها بت اد كدا يا مؤمن بس عليها لسان اطول منها اربع خمس مرات

رحيم ملامح وشه اتغيرت و بص لمراد .....و هي تخبط ليك العربيه ليه

مراد كان مديه ضهره.....انا عارف بقي هي و سكت اما رحيم شده بقوه....يعني ايه مش عارف امال انا اللي هعرف

مراد بصله بحزر :في ايه يا رحيم مالك متعصب كدا ليه انت عارف ان البنات مش بتعرف تسوق و هي بتبجح بس مش اكتر

رحيم :هصدقك يا مراد بس لو طلعت بتكدب هيكون حسابك معايا

مراد بقلق. :حساب ايه بس يا دكتور انت عايز تضربني و خلاص

رحيم بصله و مراد ابتسم .... ايه برئ والله 

****حمدلله علي سلامتك يا حبيبي

رحيم اتلفت ليها و راح و قبل راسها و أيديها.....الله يسلم يا ست الكل

مراد :اي يا شوشو هو انا مش ابنك ولا ايه مفيش غير رحيم هو اللي اتبسطي اوي اما جيه

شاديه ابتسمت و حضنت رحيم ....دا نور عيني

سالم:دا انت شكلك وحش اوي

مراد :اه واخد بالي

شاديه ضحكت وراحت لمراد و مسكته من خده .... انت كمان نور عيني

مراد مثل الزعل  :لا بس بتحبيه هو اكتر يا شوشو ماتنكريش

شاديه بسرعه ....لا والله انتم كلكم عندي واحد انا مش بحب حد اكتر من حد بحبكم كلكم ذي بعض

مراد :لا يا ماما انتي بتضحكي عليا احنا عارفين ان رحيم عندك اهم

شاديه هزت راسها بسرعه .....لا والله والله ابدا