جميله بتبص علي روح و نظره الفرحه اللي في عنيها بحقد و فرحه رحيم كانت بتقيد نار جواها ....ليه حبيتها هي ليييه فيها ايه ذياده عني ليه قلبك اختارها هي و مش اخترني انا ليييه يا رحيم ليه
جميله حست انها هتنهار قدام الكل ف خرجت وقفت في الجنينه و اخدت نفس طويل بتحاول تهدي نفسها
طارق خرج يرد علي مليكه...الو
مليكه بخوف:انت فين يا طارق قلقتني عليك رنيت عليك كتير وخوفت عليك اوي و تداركت الي قالته و اتكسفت و سكتت
طارق ضحك:سكتي ليه زمان دلوقتي وشك بقي احمر جداا مش كدا
مليكه باحراج ....انا اسفه بس انا قلقت عليك
طارق :وليه الاسف طيب انا كويس بس كنت عند خالي
مليكه بقلق:هي روح كويسه
طارق بص علي روح و رحيم ....اه كويسه جدااا بس رحيم جيه انهارده يتقدم ليها
مليكه بفرحه : بجددددد اخلف اتقدم ليها بجد و بعدين
طارق : فرحهم كمان ٣شهور
مليكه بفرحه. :ربنا يكمل ليهم علي خير يارب روح و رحيم يستاهلو كل خير عقبالك
طارق سكت لثواني ....ان شاء الله قريب
مليكه خافت انه يروح منها او انه يكون بيحب غيرها ف اتخنقت بالعياط.....طيب اسيبك بقي و هبقي اكلم روح ابارك ليها
طارق :ماشي يا ميكي خلي بالك من نفسك
مليكه ابتسمت بتوتر.... حاضر سلام
طارق قفل و اخد نفس طويل و اتنهد
جميله بتتلفت شافت طارق فكرت شويه و راحت ليه حست انها محتاجه تشوف حد جنبها
طارق جيه يدخل شاف جميله جايه عليه ف بص في الارض
جميله :خرجت ليه
طارق :مفيش كنت برد علي موبايل
جميله ضحكت:مكالمه مهمه اوي كدا
طارق :يعني حاجه ذي كدا
طارق كان بيرد عليها و هو موطي في الارض
جميله:انا اسفه
طارق :اسفه علي ايه
جميله :لو كنت في يوم من الايام ضايقتك او جرحتك
طارق رفع راسه و ابتسم ليها..... ماتعتزريش يا بنت خالي و انتي ماقولتيش حاجه غلط و بعدين انا نسيت الموضوع دا و قفلته عن اذنك بقي عشان اشوفهم
طارق سابها و دخل و جميله كانت مضايقه ان نظره الحب اللي كانت دايما بتشوفها في عينه بترضي غرورها اختفت
رحيم مشي هو و اهله و كانت فرحته ما تتوصفش و روح كمان كانت فرحانه اوي و كلمت راويه و مليكه و حكت ليهم علي كل اللي حصل
أنت تقرأ
نار الحب
Ficción Generalالحب متل النار و كلما بعد عنك حبيبك تذداد تلك النار حتي تحرقك و تجعلك انت و قلبك محطما كا رماد
