نار الحب

البارت 32

روح كانت رايحه جايه بتوتر و بتعيد كلام جميله في دماغها و كانت بتفكر فيه ....رحيم لا رحيم اكيد لا هي جميله فاهمه غلط اايوه فاهمه غلط رحيم بيحبني انا واثقه من حبه دا ف حبت تهدي نفسها و تتصل بيه و رحيم رد عليها....اي يا حبيبتي

روح بلوم :وحشتني اوي

رحيم ماسك ملف :و انتي اكتر حقك عليا بس عندي ضغط شغل

روح :مفيش وقت تقعد معايا فيه يا رحيم او تيجي بدري شويه

رحيم: معلش هحاول اجي بدري انهارده

روح بحزن :هتحاول !!!

رحيم: معلش يا روحي والله غصب عني  انتي عارفه اني قعدت فتره قاعد و رجعت و دي ناس روحها مسئوليتي

روح :صح

حبيبه :رحييييم

رحيم :ايوه في حاجه

حبيبه هزت راسها و عيطت

رحيم بخوف :طيب يا روح  سلام دلوقتي هرجع اكلمك تاني و قفل من غير ما يدي روح فرصه تتكلم

روح حست انها مخنوقه و ان كلام جميله صح لانها سمعت صوت بنت و اول ما اتكلمت رحيم قفل معاها

روح فضلت طول اليوم معاهم بتحاول  تهرب من تفكيرها في رحيم و بتبص علي موبايلها يمكن رحيم يرجع يتصل بيها تاني بس هو. مش بيتصل و بعد مده رجعت البيت و فضلت مستنيه رحيم لحد ما رجع متاخر

رحيم داخل الاوضه و اتفجي بروح صاحيه....غريبه صاحيه ليه لحد دلوقتي

روح :مستنياك اطمن عليك

رحيم ابتسم و قعد جنبها .... انا كويس

روح بصتله بخوف

رحيم:في أي بتبصيلي كدا ليه

روح:عادي

رحيم :انا عارف اني مقصر معاكي بس اوقات بتحصل حاجات غضب عننا و

روح قاطعته.....مفيش حاجه بتحصل غصب عن البني ادم كل حاجه بتحصل بكيفنا يا رحيم

رحيم استغرب طريقتها.....في ايه يا روح مالك

روح كانت عايزه تحكيله كل حاجه بس كانت نفسها هو اللي يحكي .....مفيش احكيلي يومك ماشي اذاي

رحيم :لا مش قادر اتكلم يا روح انا تعبان جداا انا ما بصدق ارجع البيت عشان انام

روح :مش هتاكل

رحيم:لا اكلت في المستشفى

روح :من امتي و انت بتاكل في المستشفى ماما قالتلي انك مش بتحب الاكل دا

رحيم ضحك:ماما قالتلك دي فعلا حقيقه انا طلبت اكل دليفري و سابها و دخل غير هدومه و رجع نام علي سرير ....مش هتنامي

روح جت نامت جنبه و كانت بتبصله بلوم و عتاب

رحيم استغرب نظرتها.....في ايه مالك