رحيم بيمر علي مرضي و معاه فايل في تفاصيل عن كل حاله و وراه دكاتره بيقولهم كل حاله محتاجه ايه و بعد ما خلص دخل مكتبه و رفع سماعه تليفون ....ايوه ابعتلي سها موظفه الريسبشن و قفل و دقايق و كانت دخلت و بصت لرحيم
رحيم :ايه اللي حصل دا
سها :يا دكتور رحيم انا كنت بحاول افهمها اي قوانين المستشفى و
رحيم بانفعال:قووووانين ايه و زفت ايه انتي شايفه ام ابنها بيموت علي ايديها دخليها و تولع اي حاجه
سها. :يا دكتور انا بنفذ الاوامر اللي عندي انا ذنبي ايه
رحيم خبط علي مكتبه بغيظ....تاااااني هتقولي قوانين و زفت و اوامر اسمعي يا بنت الناس دا اخر تحزير ليكي اللي حصل دا لو اتكرر تاني هتعرفي انه اخر يوم ليكي هنا ولولا اني مش بحب اقطع عيش حد كنت طردك علي عملتيه دا اتفضلي يالا روحي شوفي شغلك اتفضلي
سها خرجت من مكتب رحيم و حد نده عليها ف اتلفتت و راحت للشخص اللي نده عليها .... نعم يا دكتور محسن
محسن :في ايه اللي حصل في المستشفى سمعت ان كان في خناقه في المستشفى
سها: في واحده جايه بابنها مش معاها حق كشف قولتلها ان انهارده مش اليوم كشف المجاني و دكتور رحيم قابلها و زعقلي انا كدا غلطت في ايه يا دكتور مش دي قوانين
محسن هز راسه بضيق .....ماشي يا سها روحي انتي و اما مشيت محسن نفخ بضيق شكلك مش هتجيبها لبر يا رحيم و راح مكتب رحيم و دخل عليه كان رحيم ماسك فايل في ايده و اما محسن دخل بصله ....افندم
محسن :ممكن اعرف اي التهريج اللي حصل دا ايه نقفل المستشفى عشان اعمال ساعدتك الخيريه انت مش طلبت يوم مجاني و نفذتلك اللي انت عايزه في ايه
رحيم قام وقف من علي كرسي و مسك الفايل في ايده و اكلم ببرود.....خلصت
محسن :نعم !!؟خلصت
رحيم ؛العمليه و انا اللي عملتها دا مش هياثر عليك في حاجه و تكلفه العلاج اتحطت في الخزنه يعني ساعدتك مش هتخسر حاجه
محسن بانفعال :انت اذاي تكلمني كدا يا ولد انت ناسي اني ابوك
رحيم :ياريت كنت اقدر انسي انا بنفذلك اللي انت عايزه و بعمل اللي بيريح ضميري عشان مهنتنا دي مش تجاره يا دكتور عن اذنك عشان. عندي عمليه
محسن بصله بغضب.....غببببي و عطفي ذي امك بالظبط
في احدي الكافيهات كان شاب قاعد بيشرب قهوه و فجئ بحد بيزق الكرسي و بيقعد و باين علي الغضب ف اتكلم بقلق.....في ايه يا مراد مالك
مراد بانفعال : مفيش حاجه
الشاب:مفيش حاجه امال مالك يابني مكشر كدا ليه كان فيه مصيبه حصلت انت اتخانقت مع ابوك
أنت تقرأ
نار الحب
Ficção Geralالحب متل النار و كلما بعد عنك حبيبك تذداد تلك النار حتي تحرقك و تجعلك انت و قلبك محطما كا رماد
