صباح يوم جديد 🌤️
جميله صحيت و كانت نشيطه اووي و فرحانه جدا و اخدت دوش و خرجت بسرعه تجهز لبسها و وقفت قصاد المرايه ......و اخيرا هقضي وقت مع رحيم انا مش عارفه اي المميز فيه بس هو الوحيد اللي خلاني وقعت في حبه و بتمناه كل يوم انه يحبني اد ما بحبه
جميله خلصت لبسها و نزلت بسرعه كان حسن قاعد علي كرسي .....صباح الخير يا جميله
جميله باسته ....صباح النور يا حسونه
حسن :انتي ماشيه دلوقتي ليه لسه بادري
جميله :عشان لو فيه مشكله او حاجه و اكون معاهم في تجهيزات
حسن :ماشي يا حبيبتي خلي بالك من نفسك انتم هتتحركو ساعه ١٠ صح
جميله :اه يا بابا انا همشي بقي عشان اتاخرت سلام
حسن : استني افطري الاول طيب
جميله :هاكل اي حاجه في المستشفى انا اتاخرت اوي سلام
جميله راحت عربيتها و حطت شنطتها و ركبت عربيتها و طلعت علي مستشفى كانت العربيات بتتجهز
روح صحيت لبست و نزلت هي كمان
روح :صباح الخير يا بابا هي جميله فين
حسن :صباح النور يا حبيبتي جميله مشيت عشان تجهز معاهم انا طلبت من ساميه تعمل ليكم اكل عشان تاكلو و انتم ماشين
روح حضانته .....تسلم يا سونه يا لا بقي انا ماشيه
حسن ابتسم ليها و روح جت تمشي
حسن نده عليها .....استني هنا انتي مش جبتي حاجات امبارح للاطفال
روح:اه
حسن : فين
روح :في العربيه باره خليت طارق يرصهم معايا امبارح
حسن :ماشي يا حبيبتي خلي بالك من نفسك و كلميني دايما طمنيني عليكي
روح :حاضر و اتفضل الكرديت بتاعتك و بصت في ساعه ....انا اتاخرت اووووي سلام
و خرجت تجري و ركبت عربيتها و طلعت بسرعه
رحيم واقف و بيشوف المعدات و هي بتتحط في العربيات
مراد :كل حاجه جهزت و الدكاتره موجودين كلهم
رحيم بص علي عربيات بفرحه ....تمام
مراد : الموضوع كان ٣ دكاتره فتحت علي بحري كدا ليه
رحيم ضحك:حبييت ان يكون من كل قسم دكتور و ممرض مساعد ليه
مراد :اممممم و ماله
رحيم بص في ساعته ....تمام يالا عشان نتحرك
رحيم راح للدكاتره ....كل واحد يركب في العربيه الخاصه بيه يالا عشان لو فيه حاجه عايزه تجهز يالا
أنت تقرأ
نار الحب
General Fictionالحب متل النار و كلما بعد عنك حبيبك تذداد تلك النار حتي تحرقك و تجعلك انت و قلبك محطما كا رماد
