نار الحب

البارت 35

رحيم خرج يجري من المستشفي و مراد شافه و هو بيجري ضحك .....حقك يا عم

رحيم دماغه هتنفجر ....معقول روح تخونه مع طارق معقول كل دا يكون في مابينهم حاجه و هي بتحاول تخبي عليه و تضحك عليه و تحمل منه كمان و راحه تقول للكل انه منه هو

رحيم ماشي بالعربيه بتاعته و كان هيتجنن عقله مش مستوعب اللي حصل مشهد خيانه ابوه بيتاعد تاني المره دي جرحه كان اكبر لانه بيحس الخيانه للمره تانيه و فرمل مره واحده اما شاف عربيه واقفه قدامه رحيم برق للعربيه و فضل شويه يهدي من نفسه

و اتفجئ بطارق جاي عليه

طارق بقلق خبط علي ازاز العربيه و رحيم نزل الازاز .....اسف جدددا بس انا روحت المستشفى ليك لقيتك مشيت و انا كنت عايزك

رحيم باصص ليه بصدمه مش فاهم هو اذاي قدامه و اذاي هو شاف صورته مع روح في شقته

طارق :رحييييم انت معايا انا بكلمك

رحيم :معاك معاك

طارق : طيب اركن عايزك بس دقيقه

رحيم ركن العربيه و طارق راح ركن عربيته و رحيم باصص ليه و مبرق

طارق مستغرب وضع رحيم و اعتقد انه اتخض .....انا بجد اسف لو كنت وقفت قدامك بالطريقه دي انا بس كنت عايز اوقفك مش اكتر و رنيت عليك كتير بس موبايلك مقفول

طارق بيكلم و رحيم باصص ليه من غير اي تعبير

طارق:رحيم انت كويس

رحيم :انت عايز ايه مني و وقفتني ليه

طارق استغرب طريقه رحيم..... مفيش انا كنت في الورشه و روح بعتتلي رساله انها راحت شقتي جديده و تعبت شويه و اتصلت بيها افهم في ايه لقيتها مش بترد و بعدها موبايلها اتقفل ف جيت ليك اخدك و نروح ليها

رحيم بصله بحزر:انت بتتكلم بجد صح

طارق بتعجب:امال ههزر معاك و كلمت مليكه و باردو مش بترد عليا انا مش فاهم في ايه ولا روح راحت شقتي ليه اصلا

رحيم باصص ليه و ساكت او بالمعني تايه و مش فاهم اي اللي بيحصل معاه

طارق. :رحيم انا بكلمك رد عليا نتحرك ولا ايه

رحيم هز راسه و هو ساكت

طارق :طيب نركب عربيتك اقعد انت و انا هسوق

رحيم راح في صمت و طارق كان مش فاهم في ايه ولا ايه اللي حصل لرحيم مخليه في الحاله دي

و بعد مده كانو وصلو شقته و طلعو سوا

طارق. :رووووح روووح
طارق دخل يدور عليها شافها نايمه علي سرير و كانت بملابس النوم و متغطيه

طارق راح ليها بسرعه ...روح روح في ايه روح ردي عليا يا روح عدلها و بقي يخبط علي وجهها براحه و سندها علي صدره .....روح روح في أي اي اللي حصل و اتفجئ اما الغطي وقع من عليها بلبسها ف غطاها بسرعه و خرج يجري ينده رحيم