نار الحب

البارت 23

رحيم دخل الاوضه لروح و نزل علي ارض و مسك ايديها .....كنتي عايزه تبعدي عني. يا روح ليه بس دا كانت روحي هتروح معاكي  نصيبي و حظي ان قلبي اتعلق بيكي من اول يوم شوفتك فيه و شوفت في عينك الحب ليه يا روح كدبتي عليا و جرحتيني كدا عشان ايه تعملي فيا كدا بس المره دي يا روح مش هسمح لاي حد ياخدك مني حتي انتي مش هسمح ليكي انك تبعدي عني قبل ما تيجي كنت عند ابوكي مش عارف عقلي كان فين و انا بعمل كدا رايح اقول لاب انا اسف مش بحب بنتك اللي خطبتها انا بحب بنتك تانيه و ضحك اكيد بيقول عليا مجنون بس حبي ليكي هو اللي بيحركني يا روح و المره دي انا مش هسيبك غير اما تتكلمي معايا

رحيم فضل طول اليوم جنب روح خايف يسبها

شاديه قاعده مستنيه رحيم و مستغربه تاخيره دا لانه مش يوم نبطشيه ليه

مراد نازل علي سلم بيكلم في الموبايل .....خلاص تمام و شوف بنت طيب تيجي تشغل و اما تخلص    امتحانتك انزل..... بجد طبعا شغلك محفوظ اطمن و المرتب هتيجي تاخده مني مقدما كمان بكرا المهم ركز كويس في مزاكرتك و هات البنت اللي قولتلي عليها دي تمام سلام

شاديه واقفه جنبه مستنياه يخلص

مراد:في حاجه يا ماما

شاديه : رحيم اتاخر اوي يا مراد هو مش المفروض يرجع انهارده مش المفروض انه يبات عنده عمليه ولا ايه

مراد بحزن :لا بس روح عملت حادثه

شاديه بخوف:يا حبيبتي يا بنتي اذاي و هي عامله ايه دلوقتي

مراد : اذاي دي بقي الله اعلم و عامله ايه هي لسه مش عدت الخطر للاسف

شاديه :ربنا يقومها بسلامه يارب و يطمن قلب اهلها عليها يا رب 

مراد :يارب يا ماما ادعيلها هي محتاجه دعوتك فعلا انا هطلع انام بقي عشان تعبان

شاديه:ماشي يا حبيبي بس مش هتاكل

مراد:لا مش جعان انا محتاج انام بس

شاديه دخلت المطبخ و عملت ساندوتشات و عصير و طلعت بيهم لسما و خبطت عليها و دخلت ....اي يا حبيبه ماما جبتلك ساندوتشات و عصير

سما ابتسمت بشكر....تسلم ايدك يا احلي ام في دنيا

شاديه:مالك شكلك مضايقه في حاجه واقفه قصادك

سما : اها   في حاجات واقفه قدامي و عايزه ابيه رحيم يشرحها ليا هو جيه يا مامي

شاديه:لا يا حبيبتي في المستشفى

سما: يوه ايه الحظ دا

شاديه:طيب مراد هنا خليه يشرحلك اللي. انتي عيزاه

سما:مراد ابنك بالذات لا دا بيتلكك عشان يقعد يضرب فيا انا خلاص هذاكر لوحدي

شاديه:خلاص براحتك يا حبيبتي انا هدخل انام بقي و انتي مش تسهري اوي بقي ماشي