نار الحب

البارت 20

رحيم داخل الفيلا بتاعتهم كانت امه خارجه بالاكل

شاديه ببتسامه .....حمدلله علي سلامتك يا حبيبي تعالي اقعد عشان تتعشي معانا

رحيم ابتسم و راح وراها و قعدو علي تربيزه

رحيم :عايزك تكلم والد جميله عشان ترتب معاه معاد الفرح

سما بفرحه :اي دا انت خلاص رتبت كل حاجه

رحيم :ايوه هننزل بكرا نجيب الدهب و بعدها بيومين تكون في حفله  صغيره عندهم كدا و الفرح يبقي بعد شهرين

محسن ابتسم.....انت مرتب كل حاجه طيب كويس و بعدين انا مطلوب مني ايه

شاديه:بس ليه الاستعجال دا يا رحيم

محسن بحده :و هو وراه ايه لسه هيجهز نفسه يعني ولا ايه يتجوز طبعا ولا انتي مش عايزه تفرحي بيه

شاديه بصتله و ماتكلمتش

رحيم:عشان معاد الدراسه يا ماما و جميله تكون جهزت ورقها

كلهم بصو لبعض باستغراب

مراد :سفر ايه ياا رحيم

رحيم :قررت اخد جميله و نسافر المانيا بعد ما نتجوز و احضر الدكتوراه هناك

شاديه تنحت :اااايه اللي انت بتقوله دا يا رحيم انت عايز تسيبنا و تسافر

محسن :انا موافق و شايف ان دا القرار المناسب 

شاديه بانفعال.....قرار ايه اللي مناسب انت موافقه علي اللي بيقوله دا انه يسيبنا و يمشي و يعيش في بلد غريبه لوحده ليه يا بني عايز تعذبني

مراد بصله بحزن .....هو عايز يهرب مش عايز يعذبك

رحيم بصله و ماردش

مراد :  مهما حاولت تهرب مش هتوصل لحاجه و هترجع لنفس النقطه تاني لان الهروب عمره ما كان حل

رحيم بغضب :بلاش طريقتك دي عشان مايبقاش ليا ردت فعل مش هتعجبك سامع و لااااااا

مراد : براحتك بس ماترجعش تلوم غير نفسك

رحيم قام من علي اكل و زق الكرسي بغضب و طلع اوضته

محسن بانفعال:انت اي التخاريف اللي بتقولها دي و بعدين مالك و مال اخوه سيبه ياخد قراره بنفسه دي حياته هو و اي حد هيعارض قرارات رحيم هيكون ليا انا تصرف معاه كلامي مفهوم للكل

مراد بصله بضيق و قام طلع اوضته و محسن اتصل بحسن و قاله كل حاجه رحيم قالها معادا حكايه سفر

جميله داخله البيت و كان روح داخله معاها

جميله :يا روووووورو و مسكتها و لفت بيها باركيلي باركيلي و اخيرا يا روح اخيررااا هوصل لكل حاجه بحلم بيها اخيرا يا روح

روح باستغراب :اهدي في ايه

جميله:رحيم كلمني و اتفقنا اننا هنسافر سوا المانيا يا روح و هكمل دراستي انا و هو هو هيحضر دكتوراه و انا هحضر ماجستير