نار الحب

البارت 30

طارق راح لبيت حسن كان حابب يشاركه فرحته و اما دخل كان حسن واقف بيكلم في الموبايل و مبتسم

حسن :خلاص تمام اااه المعاد مناسب سلام حسن قفل و بص لطارق و ابتسم و راح ليه مبروك يا حبيبي و حضنه

طارق :انت عرفت اذاي و سكت اه عمي منير مش كدا

حسن ضحك:اه هو لسه قافل معايا

طارق :انا مش كنت اعرف انكم صحاب روح مش قالتلي

حسن:علي اساس لو كنت تعرف كنت هتخليني انا اللي اتكلم عنك

طارق ضحك :لا

حسن :طيب هتفرق ايه بقي اقعد يا طارق هو قالي انه عنده شغل الايام دي ف حدد معاك يوم الخميس اللي جاي

طارق :تمام يا خالي بس انا  حابب كمان اعرفك  كام حاجه عني عشان اما نيجي نتكلم انا اشتريت شقه هنا في الكومباوند  الجديد و هي حاليا بتشطب

جميله جت علي كلمه انه اشتري شقه ف قعدت تسمع كلام و كان مصدومه لان شقق هناك غاليه و جميله اوي

طارق :العفش بقي هي تختار اللي هي عيزاه مكان ما تحب و شبكه باردو اللي هي هتقول عليه مش هتاخر عنها

حسن ابتسم و بص لجميله بلوم انها ضيعت طارق منها ......ماشي يا حبيبي خلاص تمام

جميله بغرور :هو في اي بالظبط

حسن :كل خير يا جميله باركي لطارق ابن عمتك خطب

جميله بصدمه :ايه

حسن : اها عقبالك انا افرح بيكي انتي كمان

طارق :طيب يا خالي انا همشي بقي عايز حاجه

حسن :لا يا طارق خلي بالك من نفسك

طارق قام مشي و حسن بص لجميله بحزن و  دخل   مكتبه ....ضيعتي منك شاب ذي الفل بسبب غرورك الوحيد اللي كنت هسلمك ليه يا جميله و انا مطمن ضيعتيه بسبب غرورك و كبريائك الفاضي ربنا يهديكي يا بنتي و يوعدك بابن الحلال

جميله كانت قاعده مكانها مستغربه ...معقول طارق خطب و نسي حبه ليا معقول و مين دي

روح و رحيم سافرو سوا و روح انبهرت بالمكان 

صباح يوم جديد 🌤️

روح صحيت بصت جنبها كان رحيم مش موجود بس كان فيه كارت و معاه ورده.....صباح الخير ياروح قلبي

روح مسكت الورده بحب و و شمتها و قامت دخلت الحمام و بعد مده كانت خرجت و راحت تشوف رحيم فين كان خارج و معاه صنيه عليها الفطار

رحيم ببتسامه :صباح الخير يا روحي

روح :دا اي الدلع دا كله ورد و انت اللي بتحضر الفطار لالالا دا كتير اوي

رحيم:و ان مادلعتش حبيبتي هدلع مين يعني تحبي تاكلي هنا ولا باره

روح :لا باره طبعا علي بحر