{ MUNTAZIR }

Tumhe Kaise Pata...?

Jay : Woh raha bua ka ghar.
Yn : Shukar hai pohochta gaye shaam se Pehle tumhari bua itni door kyu rehti hai?
Jay : W-Wo hamari sagi bua nahi hai wo pitaji ki soteli behen hai jo shahi parivaar se Nafrat karti hai...
Yn thoda chauk jati hai lekin dikhati nahi hai Phir puchti hai

Yn : Lekin kyu....?
Jay : Unke sage bhai ka dehaant ek yudh me ho gaya tha aur pitaji aur dadaji sahi salamat laut the unhe lagta hai unki maut ke peeche mere pitaji ka hath tha lekin is Baat ka koi saboot nahi tha isliye pitaji ko doshi nahi mana Jaa sakta tha lekin is Baat se bua bohot khafa thi aur unhone faisla kiya ki wo poora raaj khandaan chodh kar door jakr bas jayengi.

Aur wo Phir yaha Aa gayi wo hamare khandaan me bs ek Insaan ko pasand karti hai wo hai bhai..
Wo kehti hai wo shayad laut aaye jab bhai raja ban jaye aur unke zimme poora raajpath ho wo kehti hai bhai bohot Achche raja banege B-O-H-O-T  A-C-H-C-H-E

Akhiri alfaz bolte Waqt Jay ki aankho me yn ko kuch ajeeb laga jaise Jay bol kuch raha hai lekin bolna kuch chahta hai jaise ye wo Jay hai hi nahi jise wo janti hai Yn use dekh hi rahi hoti hai uska chehra jis par kuch samay Pehle masoomiyat thi ab ek tarah ka kaala sanaya sa lag raha hai tabhi Jay yn ki taraf dekhta hai aur use dekhte hi ek dilkash muskurahat deta hai yn bhool jati hai ki abhi kuch hua aur bua ke ghar Jane lagti hai.

Bua darwaza kholti hai aur yn khada dekh kar chauk jati hai lekin herat ki Baat to ye hai wo yn ko dekh kar use gale se laga leti hai.

Bua : To akhir kaar Talha meri bahu ko le hi aaya.
Wo Phir uske sar par hath pherne lagti hai use chehra sehlane lagti hai yn unhe confusion me dekh rahi hoti hai tabhi wo bua se kuch Kehne wali hoti hai lekin bua kuch puch leti hai.

Bua : Mera Talha kaha hai!?
Ghodhe baandh raha hai bahar!? Ya Gaadi khadi kar raha hai?
Yn : W-Wo me Tahir mera Matlab hai Talha ji ke sath nahi aai hu...
Bua thoda confuse ho jati hai lekin Phir bhi ek muskurahat ke sath puchti hai.

Bua : A-Achcha to Phir kaise aai ho? Mein janti hu Talha yahi kahi hoga apni bua ke sath mazak kar raha hai badha shararti hai ye ladhka bhi pata hai jab aakhiri baar aaya tha to Keh kar gaya tha Mein yn ko lekr Aa raha hu raaj darbar ke jashan me wo Phir kuch dino tak aaya nahi aur me yaha wapas Aa gayi aur Baad me mujhe koi khabar bhi nahi ki kaha hai kaisa hai bs ek khat Aa jata tha poornima ke teen din Baad ( bua ye sab bol rahi hoti hai lekin yaha yn ka dimaag ghoom raha hota hai ye soch kar ki tahir agar yn ko lene gaya tha to wo kabhi aaya kyu nahi aur itne saal ho gaye wo tab kyu nahi aaya lekin us sab se bhi badi paheli to ye thi ki bua ne use kaise pehchana)

Yn : ek sawal puchu?
Bua : Zaroor pucho beti lekin Pehle ye batao Talha kaha hai? Kyuki me janti hu tum Pehli baar akele yaha nahi Aa sakti yaha ka raasta bohot kam log jante hai aur-

Tabhi Jay Gaadi khadi krke Aa jata hai.
Jay : Aur un kam logo me se ek me bhi hu BUA JI!!!!

Bua ji ki muskurahat unke chehre ka rang udh jata hai jab woh jay ko yn ke peeche dekhti hai unki aankho me jo chamak Tahir ke Naam se thi usse kahi zyada andhera Jay ko dekh kar Aa Gaya hai yn sb chize gor se dekh rahi hai aur uske man me kahi uljhe huye sawal ban rahe hai lekin abhi chuppi ekhtiyaar karna hi usne waajib samjha.

Bua : Tum!!!
Jay ek ajeeb si muskurahat ke sath bua ko dekhta hai aur yn bhi use dekh kar hairat me hoti hai kyuki ye muskurahat koi mamooli nahi hai isme gussa nafrat saaf dikh raha hai itne saalo ki tilismi taaleem hasil krne ke Baad aur hazaro logo ki madad karne ke Baad yn logo ke chehre aur unki baaton ko aaram se padh leti hai lekin is Baat se Anjaan Jay apne dil ke jazbaat yn ke saamne saaf zaahir kar raha hai.

Lekin jaise Jay yn ki taraf dekhta hai uski un bejaan aankho me ek alag si roshni dikhti hai jo yn ko ajeeb lgti hai aur wo use nazar andaaz kar deti hai.

Is Waqt tak Yn, Jay aur bua andr ghar me bethe hote hai yn aur Jay bua ko sab bata chuke hote hai bua sab Jaan kar bohot roti hai aur batati hai raaj jashan jo saalo Pehle hua tha wo tabhi Talha se aakhiri baar mili thi uske Baad har saal maha poornima ke teen din Baad unke Paas ek khat aata tha.

Jay : Khat!?
Jay puchta hai lekin bua use nazarandaaz kr deti hai.

Yn aur Jay ko yaha se kuch pata nahi chalta wo wapas Jane ka sochti hai abhi jay Gaadi nikalne gya hai tabhi yn bua se kuch poochti hai.

Yn : Bua ji aap ne mujhe kaise pehchana!?
Bua muskurate huye : Talha ne apni diary me tumhari tasveer dikhai thi jo usne khud banai thi.
Yn : Diary...?
Bua : Haan wo hamesha diary likhta hai apni man ki sab baate aur use hamesha apne takye ke neeche rakhta hai aur ye Baat usne bas mujhe batai thi 😌
Yn : Achcha aur-
Jay : YNNNNNNNNNNN CHALOOO!!!!!
Yn : Achcha Mein chalti hu bua ji Allah hafiz.
Bua ji bs muskura kar uske sar par hath pher deti hai.

Gaadi me
Yn ke zehen me bohot kuch chal raha hota hai usse bhi zyada use Jay ka behavior aur bua ji ka reaction bhi ajeeb lagta hai.

Yn : Kitni ajeeb Baat Hai bua ji mujhe ekdm pehchaan gayi me unse poochna bhool gayi ki unhone mujhe kaise pehchan lia ye Baat Keh kar yn sar pakad kar beth jati hai. Jay use aese dekh kar kuch bol deta hai jo sunkr yn ko mukammal yaqeen ho jata hai yaha kuch to gadbad hai.

Jay : Bhai ne unhe tumhari tasveer dikhai hogi.... Wo ye Keh kar ek muskurahat deta hai lekin yn ke alfaaz uski muskurahat gayab kar dete hai.

Yn : Tumhe Kaise pata?

??? : hahaha agar rab de to koi cheen nahi sakta, agar wo le lein to koi de nahi sakta. (smiling)