ဇာတ်ကားတစ်ကားမှာ အဆုံးသတ်ဆိုတာ အရေးအကြီးဆုံးပဲတဲ့
ညီမတို့ဇာတ်လမ်းကရော ဘယ်တော့အဆုံးသတ်မယ်ထင်လဲဟင်?
ညီမကတော့ ဒီညပဲလို့ထင်တယ်
အစ်မခံစားချက်တွေကို အပွင့်လင်းဆုံးထုတ်ပြတဲ့ည
ဒီည ညီမတို့စာတွေအများကြီးပို့ခဲ့ကြတယ်
အဆုံးသတ်မှာသိလိုက်ရတဲ့အမှန်တရားက
နာကျင်စရာကောင်းပေမယ့် အစ်မကဘေးနားမှာပဲရှိနေမှာပဲဆိုတဲ့အသိနဲ့ မျက်ရည်မကျအောင်ထိန်းနိုင်ခဲ့ပါတယ်
ညီမ တော်တယ်မလား? ကလေးတစ်ယောက်လိုမျိုး ခနခနမငိုတော့ဘူးလေ.....
ညီမလေးတစ်ယောက်လိုချစ်တာကိုသိပါတယ်
ခနခနတော့ မပြောစေချင်ဘူး
ညီမမကြားချင်တဲ့စကားတွေထဲက တစ်ခုမို့လို့ပါ
တခါတလေ ရူးသွားလိုက်ချင်တယ်
အရူးတစ်ယောက်ဆိုရင် ကြားသမျှစကားတွေကို မသိချင်ယောင်ဆောင်လိုက်လို့ရတယ်လေ
ညီမက ရူးတော့မရူးပါဘူး
ဒါပေမယ့် အစ်မဘေးမှာ မသိချင်ယောင်ဆောင်ပြီး တွယ်ကပ်သွားဦးမှာ တသက်လုံး
အစ်မကတော့ ညီမလေးတစ်ယောက်ရထားတယ်ပဲ မှတ်လိုက်ပါနော်...
ဒီည အသိချင်ဆုံးမေးခွန်းတစ်ခုမေးခဲ့တယ်
"ညီမကို တခါလောက်ဖြစ်ဖြစ် ညီမလေးတစ်ယောက်ထက်ပိုဖူးလား?"
အဲ့မေးခွန်းကို ဒီတသက်မေးခွင့်မရတော့ဘူးထင်တာ
ပြန်ဖြေလာတဲ့ အဖြေကကျေနပ်စရာကောင်းပါတယ်
တစ်ခါထဲဆိုပေမယ့် အစ်မညီမအပေါ်ရင်ခုန်ဖူးတယ်ဆိုတဲ့ အသိနဲ့တင် ပျော်လွန်းလို့ ရူးသွားနိုင်တယ်
အဲ့ညက အစ်မသာရင်ခုန်နေမှန်းသိခဲ့ရင်
ပိုပြီး တင်းတင်းကြပ်ကြပ်ဖက်ထားခဲ့မိမှာ
ချစ်တယ် အစ်မရယ်
ပြောမပြတတ်တော့ပါဘူး ဒီထက်လဲ
အစ်မလည်း ညီမလိုသာဆို
ဘ၀ကြီးကဘယ်လောက်တောင် လှပနေလိမ့်မလဲ...
Oops! This image does not follow our content guidelines. To continue publishing, please remove it or upload a different image.
YOU ARE READING
အစ်မ (သို့) "မ"
Randomအစ်မဆိုသော လူသားတစ်ယောက်ကို ချစ်မိခဲ့ပေမယ့် သူ့ကိုထုတ်ပြောလို့မရတဲ့ စကားလေးတွေ သူမသိအောင် ဒီမှာလာပြောတာပါ... not fictionပါနော်
