هوس المستذئب(قصة مغربية بالدارجة🇲🇦)

٢

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء:إثنان
   🔗خلـف الصمـت أرواح كرهـت الحديـث🔗

فاقت كتغوت وكتنهج وصدرها كيطلع ويهبط
كان باب  لبالكون مفتوح وكيدخل منو لهوا باااارد.

تنهدت بعمق وتكات على لحيط وهزات راسها كتشوف فسقف  وبدات كتنفس بشوية ودموع كيهبطو من عينيها ببطىء
نطقت بصوت خافت وهادىء : غير حلم  هذا غير حلم ...

ناضت  لجيهت لبالكون... داعبها نسيم هواء بارد هواء نقي ستنشقاتو بعمق وزفرت بقوة فحالي كتخرج كاع الطاقة السلبية لي لداخل ديالها
تكات على لحيط كتشوف فطريق لخاوية وفهاذ صمت لي كيحيط بيها.للحظة تمنات يبقى هكا الصمت  ولهدوء بدون بشر ...
هزات راسها كتشوف فسما لي مزينة بلقمر ونجوم
بقات كتفحص سما بعينيها ونطقت بصوت حزين: ربي خفف إنها ضاقت .
دارت داخلة فحالها سدت باب لبالكون وتوجهت لبلاصتها هزت تلفون تشوف شحال فساعة لقات "3:30"
حطات تلفونها حداها  وضمت لغطا بيديها لعندها وبقات كتشوف فلفراغ وهي كتفكر فبزاااف ديال لحوايج حتى نعست .....

     أصبحنا واصبح الملك لله وحده ..
في مدينةفاس العتيقة فإحدى البيوت .
كانت مرأة فاواخر الستينات كتتجادل مع بنتها لي كتشبه ليها بزااااف  نفس العيون الخضراء الكبار والواسعين ونفس البشرة البيضة البلقاء ونفس الشعر الاصفر الطويل .ملامحهم فرنسية ومريحة وجمييلة .

.
نطقت الام بصوت صارم  : سالينا اشقراء  راه ولينا فزمن فشي شكل الصحابات ماكيجي من وراهم غير لمشاكيل نساي عليك دك لبنت لي ماليها اصل ولا فصل .

شقراء نطقت بصوت هادىء وبترجي: أمي عافك ميرال ماشي كما نتي متوقعة  ميرال ضريفة وقلبها بيض والله عافك اماما خليني نمشي نشوفها عااافك عااافك

الام نطقت بنبرةحادة وهي غادية جيهت لكوزينة: لا هي لا  لا هي لا صافي ساليينا .

سكتت شقراء لي اسم على مسمى .بقات متبعة مها بعينيها حتى غابت  وتنهدت بعمق .خصها اكيد تمشي تشوف ميرال ولكن مها مخلاتهاش ...غمضت عينيها بغضب وتحرك فمها فحالي غتدوي ولات بلعت هضرتها وبخطوات سرييعة.مشات جيهت لباب......