هوس المستذئب(قصة مغربية بالدارجة🇲🇦)

١٦

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء: ستة عشر

🔗قسوتك تقسوني🔗

بلال سكت شوية ونطق: والا كنا ضالمينها
جوزيف هز يديه مسكتو....

هز يديه مسكتو ونطق وهو كيبرك على لحروف : انا مقلتش ليها تجي للغابة وهي اصلا اش جابها لتما ..
نطق بلال:  واقيلا مشافت والو ..

جوزيف تنهد وتكى على لفوتاي : تشوف ولا متشوفوش ..دارت ليا إزعاج وهدشي كافي ووافي باش نقتلوها( ونطق بنبرة هادئة) واصلاً لموت رحمة .
بلال ناض واقف ونطق وهو غادي لجهيت لباب: لبنت الا مدارت والو  ومشافت والو بلى منوسخو يدينا فيها ...
جوزيف نطق بصوت عالي: طفي ضو معاك .
طفى ضو بلال وخرج مخلي جوزيف يكمل خدمتو في هدوء..
ملامحهم كانت متقاربة غير من شوفة تعرفيهم خوت
غير جوزيف ملامحو ناضجة على بلال ..
وحتى شخصيتهم مختالفة وبزااااف ...

سالات لماكلة وختمت بلماء ونطقت بهدوء: الحمدُ لله ..شكرا ليك امدام ..

فاطمة بتسمت بحب: هانية ابنتي ماكليتي والو ..
ميرال : لا كليت ...

فاطمة: دابا منين ساليتي الماكلة عاودي ليا قصتك شنو جابك للغابة فنصف الليل ..الا كانت عندك شي مشكلة مع واليديك نحلوه ابنتي ..

فاطمة كيحساب ليها بلي هربت من واليديها....
ميرال تنهدت وشافت ففاطمة ونطقت : سميتي ميرال فعمري 23سنة  ( سكتت شوية ونطقت ) معندي لا أصل ولا فصل بمعنى اخر انا يتيمة من فاش عقلت على راسي لقيت راسي فميتم فمراكش وكولشي كينادي عليا ميرال .. كبرت تما وانا معارفة والو على لي ولدوني واصلا مكنتش معمرة راسي بيهم حيث فلميتم كنا كلنا نفس الشيء كلشي يتيم وحتى حد مكيبغي يجبد لخر السيرة ديال واليديه حيث كاملين مجربين نفس الوجع... بقيت فلميتم حتى درت 18 سنة وخرجت معارفة والو على لعالم الخاريجي ... بقيت فزنقة يامات ولكن فلاخير تلاقيت بواحد  سيدة كانت ديجا خدمت فدك لميتم عرفتني وعرفت بلي مالقيت فين نمشي داتني لدارها وسكنتني ..وعودت ليا على لعالم كيف داير وكيفاش خصني نعيش فيه ولكن...