هوس المستذئب(قصة مغربية بالدارجة🇲🇦)

٨

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء:الثامن
🔗لعنة تتبعني أينما ذهبت .لعنة اليتم  واليتم صعب لو تدرون 🔗

نطقت زينب بصوت مرتفع: ميراااال ....
بتسمت ميرال بخجل وهزات راسها بمعنى اه انا ميرال
شافت زينب فلمرا لي واقفة حداها كتشوف فيها بنظرات غريبة ونطقت: فوزية حيدي ابنتي خلي لبنت تدخل حيدي..
نطقت فوزينة ببتسامة مصطنعة وهي فاتحة طريق لميرال: تفضلي دخلي اختي ..
دخلات ميرال جارةفاليزتها من وراها وهي حشماانة
وزينب كترحب بيها ولفرحة باينة فعينيها
.
زينب  : نهار كبير هذا منين جيتي ابنتي .مدة طووييلة ماشفتك ولا سمعت صوتك ...زيدي دخلي للبيت .

ميرال لتزمت الصمت معرفتش باش تجاوب وأش تقول حتى سلام مسلمتش عليها توترت بزااف ...
دخلات ميرال وزينب لبيت متوسط لحجم فيه ناموسية ماريو....

كلسو على الناموسية وفوزية واقفة كتشوف فميرال بنظرات غراب بزااف ومرة مرة كتطلع معاها تخنصيصة ديال لبكا..

ميرال: كنتمى اخالتي منكونش درت ليك الازعاج
زينب حطت يديها على فخذ ميرال بحنية: مكاينة حتى ذرة إزعاج أبنتي بلعكس فرحت بزاااف منين شفتك
نطقت ميرال بحزن: مدة طويلة ما تشاوفنا
زينب تنهدت: خمس سنين
عم الصمت لدقائق .
ونطقت زينب
زينب : مديريش فبالك اميرال الايام كداوي ابنتي
الله
غرغرو عينين ميرال ونطقت وهي كتفرك يديها بتوتر : كولشي كيداوا اخالتي الا ميرال كتزيد تتحرج وتتقهر

زينب شافت فميرال بحزن وأسى على حالها: غتبراي ابنتي غتبراي فاش يحن الوقت ..

ميرال طاحو قطرت دموعها على يديها: إن شاء الله

زينب هضرت وهي كتمسح على شعر ميرال : شنو درتي فهاذ خمس سنين ابنتي

ميرال مسحت دموعها بيديها بملل ونطقت بنبرة هادئة:ساليت الدراسة مقبلونيش فبحث العلوم.دفعت لحوايج اخرين حتى هما مقبلونيش خص لواسطة ( رشوة)  انا معنديش. وهربت ( طاحو دموع ميرال ونطقت بنبرة باكية) كنهرب اخالتي باش نبرا ...