هوس المستذئب(قصة مغربية بالدارجة🇲🇦)

١٠

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء:العاشر
🔗حتى آلاشخااص الذي راهنت انهم لن يخذلوني خذلوني💔🔗

طفاات الضو وتخشات فناموسيةكتشوف فلفراغ .
.
تقلبت على ظهرها كتشوف فسقف .. سمعت صوت خطوات وصوت عكاز كيقربو عرفت زينب جاية. ....مسحت دموعها وبتسمت شبه ابتسامة هادئة ...*ميرال كتتقن التمثيل*
...
زينب شعلت ضو وشافت فميرال بنظرات باردة ونطقت بسرعة : ميرال ... خرجي ليا من داري سيري فحالك..
تغيرو ملامح ميرال لصدمة متوقعتهاش ..متوقعتش لمرا لي كانت أحن شخص عليها تجليها من دارها ..متوقعتش لمرا لي بكات ورغبات ميرال تبقى معاها قبل خمس سنين  كتقول ليها دابا 'سيري فحالك'هكا ببرودة ... ولكن خمس سنين مدة طويييلة كولشي يقدر يتبدل فيها كولشي حتى لمشاعير....
نطقت ميرال وهي مزالة تحت تأثير الصدمة: دابا...!؟
نطقت زينب بصرامة وحداا وهي كتبرك على كل حرف : دابا وحالاً ..

ناضت ميرال بهدوء ..بهدوء مخيف لبست صباطها لبست منطوها دارت ساكها على كتافها وجرت لفاليز ديالها خارجة ....مبغاتش تسول علاش حيث هي عارفة سبب.اصلا كانت غتمشي ميرال مكتبغيش تبقى ثقيلا على شي حد..ولكن مع راسها قالت خلي حتى  لصباح حيث الليل هذا وفين غتمشي ميرال وهي مراكش مبقاتش كتعرفها بزااااف كيف شحال هادي ....

خرجت بهدوء وملامحها باردة مافيها حتى تعبير..
حتى دموع مبغاوش يهبطو يونسوها..
خرجت من العمارة ...هازة فذاكرتها ذكرة خايبة..
بقات غادية فشاريع والصمت قاتل ومرعب لا بشر لا حيوان سكاااات فقط صوت الريح كيتسمع وصوت خطوات ميرال وصوت روايض فاليزتها.  
وهي غادية فشارع مظلم كتشوف فلارض وشعرها كيلعب بيه الريح.  بقات غادية حتى وصلت للمحطة لي لقااتها خاااوية اكيد غدي تخوا والليل تنصص.
بقات كتشوف فطرقات على الله تلقى شي طاكسي .ولكن واالو .. لحال كيزيد يظلام والخطر كيقرب..
كلست على كرسي لي كيكونو فجنب الشارع ...
..