هوس المستذئب(قصة مغربية بالدارجة🇲🇦)

١٢

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء :إثنا عشر

🔗في بعض الاحيان القدر يكون له رأي اخر🔗

قبل ما تنطق أي حرف لاحها فلأرض لي عامرة بماء المطر..لاحها على ظهرها حتى صرخت بسباب الألم ...
ضرب لبرق وشافت فيه لقاتو كيضحك سنانو كيبانو ...
بدا كيفتح سنطة ديال سروالو ...
وهو كيقرب ليها وكيتبعد مكالية بيديها وقلبها غيوقف ....

بخطوة سريعة ناضت كتجري بكل قوتها تايهة فدروب مراكش وهو تبعها كيجري .... كتجري ومرة مرة كدور تشوفو واش تابعها وواش قريب ولا لا. ...
مدتهاش فصوت البرق والرعد وظلام لي حالك... كيهمها فقط أنها تنقد راسها وشرفها لي كتملك فلحياة. ...

بقاات كتجري حتى خرجت من الدروب ودخلت فواحد الغابة كلها شجر وقفت كتلهث ودارت تشوف واش تابعها لقات دنيااا خاااوية .. تكات على واحد شجرة كتلهث وصدرها كيطلع وكينزل بقوة ودقات قلبها ولات كتسمعهم ... هزات راسها كتشوف فسما ..وهي كتسول راسها شنو غدي دير وفين غتمشي وكولشي مشى ليها حوايجها ساكها  تلفونها لفلوس كولشي ... نزلت دمعة من عينيها داافية تخلطت من قطرات المطر . .
...
كلست تحت دك شجرة والافكار كتتضارب فراسة "كلام ام شقراء /شقراء/كلام فوزية/ خيبة زينب/بدون عائلة/لافصل ولا اصل/مقبلوهاش فبحث لعلوم/هربوها من فاس لمرااكش/ شمكاارة /..
.
شدت فراسها بقوووووة كبييييرة فحالي باغية تحيد الافكار لي كتزعجهااا.... التراكمات كتأذيها ... حسات بطنين مزعج فودنيها وراسها كيدور وكلام فوزية كيتردد صداااه فعقلها .. فتحت عينيها بتعب وشافت فلارض بيأس كبيير وترخى جسدها نحيل وتغمضو عينيها مغيبة ..... مستسلمة لقدر لا يعلمه الا الله ...