هوس المستذئب(قصة مغربية بالدارجة🇲🇦)

١٤

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء: أربعة عشر

🔗لن انسى من انقضني في زحام مشاكيلي🔗

كانت رائحة البغفان فدريسنغ مجهدددة بزااف .
هزات عينيها كتفحص لمكان ...كان دريسنغ كبير على شكل بوتيك  الحوايج معلقين هنا وهنا ولوسط كاينة طريق.. كانو لملابس ديال الرجال فقط بمختلف الالوان والاشكال كولشي معلق بتنظييم كبييير....
لمحت باب صغير شوية فراس ديال

الدريسنغ ...فتحاتو ودخلت ولا تسد اطماتيك ..
كان حمام كبييير فيه جاكوزي كبييير ودوش عادي (ديال الرشاشة هههههه).و لاشاس  وعاد مكان مخصص لبرودويات .......... ..توجهت لافابو غسلت وجها وهزت عينيها كتشوف فراسها بملل كبيير محملاش راسها مطيقاااش راسها بلمرة ...

مسحت وجها ودارت روتين عادي ..وخرجت من دوش ..ديكور دريسنغ حمقها وحتى لحوايج عجبوها
بقات كدور كتشوف فدريسنغ
وسمعت لباب تفتح كانت عاطية للباب بظهرها كان حساب ليها بلي فاطمة مي سمعت تحنحين ديال رجال .

بلعت ريقها وغمضت عنييها بوقوة وفتحاتهم ..
ولتفتات جات عينيها على رجل صحيح البنية عضلاتو مطراسين  ونظراتو باردين وملامحو ما عليهم حتى تعبير ...

خطا خطوة للداخل مخلي باب دريسنغ يتسد .وبقى كيتفحص بعينيه ميرال من رجليها لراسها .

ستقرو عينيه عند عينيها لي مافيهم حتى تعبير ..
كانت تتبادلو نفس النظرات ...
نطق بنبرة رجولية خشنة: انا لي جبتك البارح من لغابة
رتاحت ميرال شوية وعجبها لحال مكرهتش تعنقو على لمعروف لي دار معاها ...
نطقت بنبرة هادئة: شكرا ليك بزاف
سولها بنبرة خلاتها تخاف: فاش كنتي فلغابة ملاحضتي حتى حاجة ياك؟!...
سؤال ديالو جاها غريب لتزمت الصمت كتفكر ...قاطعها من سهوتها
بطريقة جد سلسلة : انا صياد ديال الحيوانات ..سولتك زعمى واش ماشفتي حتى حيوان فدك لغابة..
فتحت فمها غدي تجاوبو.....