هوس المستذئب(قصة مغربية بالدارجة🇲🇦)

١٥

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء:خمسة عشر
🔗عندما لتقيتك عاد قلبي نابضا🔗
فتحت فمها غدي تجاوبو ...وباب دريسنغ تفتح بانت منو فاطمة كتشوف فولدها بنظرات خوف سولاتو بزربة: اش تدير هنا ..

نطق وهو خارج: بيتي واقيلا هذاااا ...

مدتهاش فاطمة فكلام ولدها وبتسمت لميرال لي كانو ملامحها متوترين ...
فاطمة : اجي بنتي ..يكما دار ليك شي حاجة ...
ميرال نطقت بسرعة: لا لا مدار والو..
خرجو من دريسنغ وكلسات ميرال على واحد لفوتاي من الفوتيات المدورين بطبلة وكلست حداها فاطمة ...
كان على طبلة بلاطوو فيه بزااف ديال الماكلة نباتية ولحم...
فاطمة بتسمت : هذا ولدي بلال الصغير ...هو لي جابك لهنا ..
ميرال بتسمت ولتزمت الصمت .
فاطمة اشرت لميرال : كولي ابنتي ...
بدات ميرال كتاكل بشوية كما عادتها وبصمت .....

⚔
فإحدى الغرف المظلمة كان كالس داير رجل على رجل وحداه لاب توب كيخدم فيه بتركيز كبييييير.
غوبش فاش سمع دقات على لباب تكى على لفوتاي مفرق يديه ونطق  ببحة رجولية فيها جوج اصوات( فاش كيهضر كيتسمع صدا ديال صوتو فحالي جوج كيهضروو) وبصوت عالي: شكووووون.؟؟؟..
جاوبو صوت كيشبه صوتو : انا ...
زفر بغيض وناض جيهت لباب فتحو ودار لبلاصتو ...كيشوف فلاب توب بتكريز وكيدوي: شنو باغي..
شعل الضو بلال ونطق وهو كيخنزر: علاش طافي ضو؟!
جاوبو بنبرة هادئة: واقيلا بيتي هذا ؟.
كلس بلال حداه كيشوف فلاب توب معاه ولتزم الصمت ..
عم الصمت لدقائق طويلة ونطق
بلال بهدوء وصوت فيه رنة رجولية:  جوزيف
جوزيف كيبرك على ازرار الاب توب وكيدوي: شنو..
بلال نطق بنفس النبرة: لبنت فاقت ..
.
جوزيف نطق بستهزاء: مبروك اخويا ..
بلال : شنو غنديرو دابا معاها؟!

جوزيف شاف فبلال بنظرة خالية من اي تعبير ونطق بصرامة: غترجع تنعسها تاني ..وهاذ المرة للابد