هوس المستذئب(قصة مغربية بالدارجة🇲🇦)

٣

رواية: هوس المستذئب 📕
🖋الكاتبة: البريئة الخبيثة (ريتال) 🖋
🖇اقتباس : الحب كالموت يغير كل شيء 🖇

الجزء:الثالث

🔗هناك اصدقاء يأتون عن طريق الصدفة ، لكن بدون مبالغة يدخلون بأعمق نقطة بقلبك🔗

مشات جيهت لباب فتحاتو وخرجات دغيا كتجري .مدتهاش فصوت مها لي ولا مرتافع ..
بدات كتجري كتجري فحالي هاربة حتى وصلات حدا عمارة عاد وقفات كتلهث .

رجعات شعرها الاصفر لور بطريقة عفوية وبتسمت بنتصار .
عاد جبدات سوارت وفتحت الباب ديال العمارة ..
وصلات لطاج 3 وفتحت لباب بسوارت لوخرين ودخلت وولات سداتو..

داعبت نيفها رائحة القهوة عرفت من خلالها بلي ميرال فاقت ..توجهت جيهت لكوزينة بانت ليها بنت عطياها بظهر لابسة بيجامة ديال نعاس وشعرها الاسود مطلوق بعشوائية..لتفتات ميرال ببطىء رشفت القهوة من لكاس لي كانت هازاه وشافت فشقراء بنظرات خالية من اي تعبير ..كانت ملامحها زوينة  عينيها خوضر مايلين للأسود وكباار بشرتها حنطية نيفها حاد وشفايفها متوسطين لحجم . رغم ان ملامحها زوينين ولكن باين فيهم حزن عميق عينيها ذبلانين كتبان هازة هم دنيا كامل على كتافها .

شقراء بتسمت وقربت لحدا ميرال باستها فحنكها : صباح الخير.

ميرال كلست على احدى الكراسة لي مدورين بلمائدة ونطقت بهدوء: علاش جيتي

كلست شقراء مقابلة لميرال ونطقت ببتسامة:_ جيت نشوف صحبتي.

ميرال شافت فشقراء بنظرات مرهاقيين ونطقت بترجي: متبقايش تجي اشقراء ماماك مكتبغيكش تجي لعندي ماتتخصميش مع ماماك بسبابي عافك 

شقراء جمعت ابتسامتها ونطقت بنبرة هادئة : ماما كتزيد فيييه

قاطعتها ميرال بصوت حاااد : ماماك كتخااف عليييك.

شقراء دوات مبدلة الموضوع :  خلينا من ماما.  مهم نتي بيخير مالكِ وليتي هكا ذبلانة

رشفت ميرال من قهوتها ولتزمت الصمت .
شقراء فاش شافت ميرال ماجوبتهاش نطقت بنبرة قاصحة شوية: شنو  واقع اميرال

ميرال بتسمت بطرف شفايفها : سوليني على لي مواقعش أما لي واقع كولشي رااه واقع .
لتزمت شقراء صمت وهي كتشوف فميرال لي كتشوف فلارض وكترشف من كاس قهوتها بعدم مبالة...

⚔🖇هاذو أجزاء الافتتاح
⚔⚔⚔قولو ليا أرأكم فالاجزاء وشنو كتضنو غيكون مشكل ميرال ..