سؤال يلح عليا بقاله فترة يا ترا الفقر سبب أساسي في ارتكاب الجرائم؟ ولا المجرم بيبقى عنده استعداد فطري للجريمة؟ ولا العلل النفسية هي السبب؟ مهو محدش يقنعني إن المجرم أو السفاح على وجه الخصوص سليم نفسيًا، ولا الطفولة السيئة ممكن تؤدي بالإنسان إنه يفقد إنسانيته ويبقى هو والحيوان واحد؟
هتكلم عن جريمة حصلت من أكتر من ١٠٠ سنة ومع ذلك لسة حديث الناس لحد دلوقتي، يمكن لبشاعتها، يمكن علشان أبطالها ستات، يمكن علشان كانت السبب في تعديل القانون الجنائي، فبطلات قصتنا كانوا أول ستات يتم إعدامهم في تاريخ القضاء المصري.
ريا وسكينة علي همام كلنا عارفين أبطال القصة دي، زي ما قولت هما أشهر من النار على علم وقصتهم كانت مصدر إلهام لكثير من المؤلفين وتحولت قصتهم لأكثر من كتاب، وأفلام، ومسرحيات، ومسلسل، وزي ما اعتبروها حادثة مأساوية، اعتبروها كمان مادة خصبة للضحك، وتم تحويلها لأكثر من عمل كوميدي، من أول نجيب الريحاني، وبديعة مصابني، مرورا بإسماعيل يس، وشادية، وسهير البابلي، ويونس شلبي، وشريهان وغيرهم وغيرهم.
أعمال لا تعد ولا تحصى بس بالرغم من كدا معظم الأعمال دي لا تمت للي حصل بصلة، مفيش حد جاب اللي حصل بالظبط غير أستاذنا "صلاح عيسى" في كتاب "رجال ريا وسكينة" والدكتور "محمد عبد الوهاب" في كتاب "سرداب المومسات" ودول اللي انا استنبطت منهم القصة دي.
كمان مسلسل ريا وسكينة يعتبر أكثر عمل فني جاب حقائق عن اللي حصل علشان كدا هتلاقوا تشابه كبير بين اللي هكتبه واللي جه فى المسلسل.
أنت تقرأ
خبايا وأسرار ريا وسكينة
Historical Fictionسنتحدث عن أشهر سفاحتان في القرن العشرين "ريا وسكينة" سنرى معا ما هي قصتهم الحقيقية وهل هما مجرمتان بالفعل أم أن ما حدث لهما هو محض افتراء ولا يمت للحقيقة بصلة
