وقفنا الفصل اللي فات بعد ما سكينة عملت مع ريا وحسب الله الجلاشة وورتهم إن مش كل الطير اللي يتاكل لحمه وإنها تقدر ترجعهم شحاتين من غير مأوى زي ما كانوا قبل كدا بس طبعا دا كله كان من غير ما حد يعرف مصرحتش بيه ليهم.
زي ما قولنا أول ما راحولها وحكولها عن اللي حصل عملت متفاجأة وضر بت على صد رها وقالت:
- يا ندامة إزاي دا حصل ربنا يجازي ولاد الحرام.
ورحبت بيهم في أوضتها كمان، طبعا ريا كانت عارفة إن حسب الله إيدك منه والأرض وانه مش هيفيدها بحاجة هو مش فالح غير في إنه يصرف فلوسها على مزاجه وخلاص إنما يفيد بحاجة لأ.
علشان كدا قررت ريا إنها ترجع تتحالف مع سكينة تاني.
بعد كدا فكر الأختين الحلوين هناء وشرين إزاي يعيدوا أمجادهم تاني ويرجعوا أقوى من الأول ويستأنفوا نشاطهم ورجعوا زي السمن على العسل من تاني عملوا إيه بقى؟
راحوا أجروا أوضتين في كفر الغيطاس في مينا البصل وشغلوهم في الدعا رة برضو بس كانوا حريصين أكتر المرادي إزاي؟ هقولكم
طبعًا الأوضتين كانوا عبارة عن أوضة لحسب الله وريا وبديعة والأوضة التانية لسكينة وكانت باقية معاهم من بنات بيت الخواص بنت واحدة اسمها أمينة كانت بتبقى معاهم طول النهار ولما يجي زبون على إنه قريبهم كانوا بيدخلوه أوضة سكينة مع البنت ويقعدوا هما في أوضة ريا ويكأنه ضيف وقاعد معاهم في الأوضة علشان الجيران متشكش في حاجة.
(خطة في منتهى الذكاء)
بس طبعا حرصهم ده كان ليه ضريبة وهي:
قلة عدد الزباين اللي كانوا حريصين إنهم يكونوا صعايدة زيهم علشان الناس تصدق إنهم قرايب.
كمان الأوضتين كان إيجارهم غالي ٧ قروش في الشهر ودا طبعا وقتها كان مبلغ كبير، ومن هنا بقى رجعت الخلافات تاني بين سكينة وحسب الله لأن سكينة، هي اللي كانت ماسكة الإيراد وكانت بتخصم منه كل يوم مصاريف البيت وتقسم الباقى بينهم.
طبعا حسب الله معجبوش الكلام ده وقالها إنها أكيد بتخنصر من الإيراد، بس هي قالت له:
- كل حاجة بتتصرف بتبقى قدام ريا وبعلمها.
(يعني اتبط واسكت بقى من الآخر)
بس هو مسكتش واتهمها بالإسراف وإنها واخدة إن محدش يحاسبها وتصرف بمزاجها من ساعة جوزها ما سافر وحتى لما بيجي كان بيديها الفلوس تصرف بمزاجها، وقالها إن الإسلوب ده مينفعش معاه لأنه راجل مسؤول عن أسرة مش بطوله زيها.
وفضل كل واحد فيهم متمسك بوجهة نظره، هو شايف إنها مسرفة ومضيعة الإيراد على مزاجها، وهي شايفاه بيعمل الحوار دا كله علشان يمسك هو الإيراد ويفرقه بمزاجه.
وطبعًا سكينة اتعلمت من أخطاءها ومش هتعيد غلطة بيت الخواص تاني ومرضيتش تمسكه الإيراد وقالتله:
أنت تقرأ
خبايا وأسرار ريا وسكينة
Fiksi Sejarahسنتحدث عن أشهر سفاحتان في القرن العشرين "ريا وسكينة" سنرى معا ما هي قصتهم الحقيقية وهل هما مجرمتان بالفعل أم أن ما حدث لهما هو محض افتراء ولا يمت للحقيقة بصلة
