قصة الشيخ نور التميمي

بارت 1

الشيخ نور التميمي
البارت 1
____________________________________________
شيخ وأصفن شيوخ وصفنت بيها رجف كلبي الجلد من نظرة عنيها..تدور وتصد ليغاد من اصد ليها..ماتدري كل اعضاي تعايين عليها

كاعد وبيده صورة لمعشوكته الي خذت كلبه وراحت عن الدنيا..عشك سنين بقه مخضر بقلب جبل بقه ثابت رغم مصايب الحياة وفقدانه الها...

عاصفة تمر بكلبه من يشوفها جان بذاك الزمان الراح فلا يعود...

خل نرجعله شوي شتكولون...

امه اجته بفرحة:يمه مبروك عليك بت عمك شيخة يمه ماشاء الله جمال واخلاق تستاهل نور عيوني انته

نور بأبتسامة:الله يبارك بيج حجية....

هلاهل وضحكات وهوسات لأبن الشيخ الي اخذ بت عمه الي عشكها واخذها عن حب..جانت اله من ولدت سموها بأسمه..وهو شالها بين ايدينه..وكال انتي الي...جان بوقتها مايتعده ال7 سنوات من انولدت....

دخل الغرفة بدشداشته وبشته وشماغه وعكاله على راسه..دوم يكلوله شيخ بالرغم ما اخذ المشيخة وابوه موجود وهو الشيخ بس احترام اله على اخلاقه يكلوله شيخ...

باوعتله بكل عشك كاعدة بفستانها الأبيض..وكحلتها الي بسواد عيونها..ابتسم لمعشكوته الي اخذها اخيراً وصارت حلاله...ونشأ هالعشك من جانو صغار...

نور بأبتسامة:مبروك عليه انتي بت عمي

شيخة بأبتسامة:مبروك علينه ثنينه.. شيخ كلبي انته

نور وكف وياها طول بطول وهي حد جتافه راسها..باوع بوجها وطبع بوسة بجبينها..وكلها خلينه نبدي حياتنه بسم ربنه وذكره..ونصلي لوجه الله حتى يجونه ذرية صالحة...

وصله وياها صلاة ليلة الزفة..وابتدت حياتهم بأجمل رابط مقدس وهو الزواج على سنة الله ورسوله...وماطولت وصارت حامل بأول طفل الها...

جان عمره 21 سنة بوقتها وهي 15 سنة بس جانت كل معالم الأنوثة عدها ولا كأنها بت ال15 عبالك عشرين هيج اغلب بناتهم...يافعات...

ولدت اول طفل الها وجان ولد..وسمه ابنه نواف على اسم صديقه الخليجي الي يعزه مثل اخوه..جانو يجون هو وابوه للبصرة...وعرفه منها...
بس بعدها اختفو ماظلو يجون تجمعه صداقة متينة ويه نواف لدرجة صار عزيز على روحه..سبحان الي نسج من روحين اغراب صداقة متينة وصارو مثل اخوان...وياهم صديقهم عمر...

بذاك الوكت ماكو جان تواصل بينهم والتلفون ماشافو الا قبل جم سنة بس..جانت منطقتهم بالذات وصلها التطور متأخر....

وراح هل الروحة نواف مارجع ولا حس ولا خبر منهم..نور بكد مايحبه ويعزه سمه ابنه نواف على اسمه...

خلو الشيخ هو يحجي عن نفسه....

التميمية:تفضل القلم شيخنه

الشيخ نور:اشكرج بت عمي..الله بالخير بويه...انه الشيخ نور التميمي وابوي سماني هالأسم على اسم ابوه الي هو جدي..جان رجال شجاع وكريم.. من بني تميم...وابوي مايقل عنه شجاعة وكرم...

جان عنده مو كلمن لبس عكال شيخ ولا كلمن صاح وعلى صوته زلمة..الزلمة الصدك غيرة وحمية وشرف وكرامة وحق وعدل وشجاعة...ويحمي عرضه واهله وكاعه وناسه بروحه....

التميمية:وهسة خلي اوصفلكم هيئة الشيخ نور...شيخ شجاع وكريم وطيب واخلاقه معروفه...عيون سود كحيلة ولحية كساها شيبات وقوره...

طويل فارع طوله وجفه ثكيل..وضخم..من يدخل الديوان الكل توكف اله احترام...

وطبعاً مو كل انسان كامل..عصبي وكلمته ماتصير ثنين ابد واليجي عنده دخيل لو تنطبك السما عالأرض ماينطي بدخيله او يرده...

عمره تجاوز الأربعين تقريباً..43 سنة...وعنده بنات ثنين وتلث ولد...وزوجته متوفية من سنين..وبعدها ماتزوج هي تصير بت عمه وعشكه الأول...

بناته عزيزات كلبه وحتى مايرضه يزوجهن بكد مايحبهن ومدللات عنده...اصلاً بعدهن صغار...وحدة 18 والثانية 15.....

اولاده...نواف ابنه الجبير عمره 21 سنة وتالي وراه زهراء وخالد تؤم عمرهم 18 سنة وراهم صار هيثم 16 سنة...

هنوب ايناس اخر شي عمرها 15 سنة...ولدتها امها وماتت بعد الولادة بأيام ومالحكوها...

يعني ايناس ماشافت امها عمرها جان 9 ايام وماتت امها.. وحتى هيثم عمره سنة من ماتت امه...وبيبيتهم ربتهم وعماتهم وبعدين ازوجن كلهن..

ماعدى عمة وحدة اكبر من نواف عمرها هسة 26 سنة اسمها شهد...مطلقة وماجه نصيبها ليهسة...وبعدين تعرفون قصتها...

شيخنه نور حزن على شيخة هواي وبعدها ماتزوج ابداً ويكول شسوي بالزواج جهال وعندي وبعد شيخة ماتحلى بعيني مرة ابداً....

لذلك امه ربت جهاله وهو التهه بالديوان ويه ابوه هو كله بالديوان واله احترامه هناك استلم كلشي بي وهو الشيخ...وأبوه هم موجود وحي يرزق...

عنده اخوان ثنين بس..واحد 27 سنة اسمه مشتاق ومامزوج يكول لحالي احلالي...

وبويه مشتاق لو صف سوية ويه ولد اخوه يصير تحشيش مو طبيعي بس من يدخل جدهم وابوهم نور يصيرون ملائكة....
وعنده اخ ثاني فارس...طيب وحباب وعمره 32 سنة ومزوج وعنده بس بنية مايريد جهال...لأن مايحب مرته وراح تعرفون قصته...

( اخليكم تتخيلون الشخصيات مثل ما تردون على راحتكم هل مرة..ونور ماعندي صورة تشبهه بس هو نور اسم على مسمى😁...)

خل احجيلكم عن عم نور ابو ادريس..ابو بطلتنه الجميلة...

من شبابه عمه سافر لألمانيا قبل سنين وهناك عشك وح