وطبعاً كل عمامهم ونسوانهم وبناتهم جاين يباركون لفارس..اما بدور يكولون كاعدة تبجي على فارس..بس هي الضيعته من ايدها...
وام نور خجلت نورسين كدام البنات وكدام الكل..وهل مرة صدك حزت بكلبها نورسين لأن الي كالته عيب وماينكال كدام الكل...
مو سألو نورسين صارلكم اشهر مزوجين راح يصير سنة وانتي ماصار حمل عندج..ام نور ردت عليهم وكالت هو وين يريدها ابني كله عازل فراشه عنها وهنا انفجرت نورسين....
وكلتلها ماعرف مشكلتج وياي بس ابنج هو اختارني بنفسه واذا تظنين صح هالكلام ليش اكون موجودة وياه..وتركتهم وصعدت لغرفتها وقفلت على نفسها...
نورسين ماطلعت من الغرفة اشكد اجنها البنات وحاولن تطلع ماطلعت وماحجت وياهم ولا كلمة..وبعدين الكل راحو وهي مازالت بالغرفة وحابسة نفسها...
ومن اجه نور مافتحت الباب ودكاه ومافتحت...
شهد اجته:نورسين حجت عليها امي وفشلتها كدام الكل وهي من مساع قافلة الباب على نفسها..وماتقبل تفتحه حتى لأم كيان
نور:ليش شكلتلها الحجية
شهد:سألو نورسين ليش ماكو حمل ليهسة وامي كلتلهم نور ميريدها وعازل نفسه عنها ومينام يمها
نور :امي هيج كالت..وشخلاها تكول هيج..كايلتلها شي انتي..هااا انتي الوحيدة تعرفين هالشي
شهد:والله مكايلتلها شي..هي تلاحظكم ماعرف والله بس اكيد ملاحظة
نور دك الباب:نورسين يابه فتحي الباب..ونورسين كامت فتحته ودارت وجهها ورجعت للفراش جانت نايمة وغطت وجهها حتى بالبطانية...
نور راحلها وسحب البطانية عنها:شنو جنتي تبجين..وليش قافلة الباب ودكيته مافتحتي
نورسين:لا على شنو البجي جنت نايمة وماسمعت من دكيت الباب
نور:وليش نايمة من وكت
نورسين:ماكو شي تعبانة ونمت..اكوم افرش اسناني..ورادت تروح لزمها ورجعها....
نور:شبيج صاير شي احجيلي
نورسين:مصاير شي..ومابيه شي تشوفني..وابتسمت بوجهه..وها مزاجي عالي العال
نور:اهااا..ماشي لعد روحي سويلي جاي لو كهوة وجيبي الي اريد احاجيج...
ونورسين راحت بدون كلام وسوتله كهوة وجابتها...وحجه وياها وسألها شبيج احجيلي احد مضايكج بس ماحجتله..هو راد يسمع الكلام منها حتى يحجي ويه امه...
وبمكان ثاني عاشقنه الولهان صار لوحده هو وحبيبته...وكف وجه بوجهها..وساكت ويباوع بعيونها وابتسم ومو مصدك هي كدامه ومرته حلاله اخيراً...
فارس:لو تعرفين شكثر تعذبت من درت ظهري الج..شكثر تألمت بدونج وجرعت المر والأمر من العشك فراك معشوكك..تحملت اشياء خلتني انسان ضعيف ومادافع عن حبه..استسلم لتعاسته..بس مو مصدك انتي كبالي والله وحق القرآن احسه حلم
زينب:هياتني كبالك فارس مو حلم حقيقة انه..واني مصدكه انته كبالي لأن عرفت بعد هذا الضيم لابد تجي وجنت اعرف راح تجي بيوم حتى لو على قبري بس جنت متأكدة ترجع فارس ترجع
فارس دمعت عيونه:ماريد اغمض عيوني اريد ابقه اباوعلج للصبح هيج..زينب حبج يمكن مرض مزمن وبقه بكلبي سنين رغم الفراك..ومنو هذا بعد يبعدج عني..واخذها لحضنه قوي....
وبغرفة مشتاق وهاجر...
مشتاق يحرك حاجبه الها:ترا انه هم اعرس مو بس اخوي يعرس
هاجر ضحكت:وانته ياهو معرس تريد تعرس وياه..عالأساس مقصر انته
أنت تقرأ
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
